သဓီု၊ အဝ်ဂါတ် (၁၉)
ဒုအကြာပ်ဒပ် လ္ပာ်ကံၚ်ဇြဳပၞာန်မွဲတၠ လုပ်စိုပ်ဖျေံလွဟ် ဇရေၚ်ခရိုၚ်သဓီု ဒပ်မဟာ (၁) ဗော်သွးကောန်ဂကူကရေၚ် KNU သီုကဵုလွဟ်လက်နက်ဂှ် ကရောၚ်ပၞာန်တပေန်ယှိုဲထဳ မဒှ်ကရောၚ်ပၞာန်ပံၚ်တောဲ KNLA လလောၚ်ပ္တိတ်ကၠုၚ် ပ္ဍဲဂိတုအဝ်ဂါတ် (၁၇) တေံရ။
ဒုအကြာပ်ဒပ် သဝ်အိုၚ်သာတ်ဂှ်ဝွံ နူကဵုဗ္ဒိုပ်ဒပ် (ပိန္နဲတော) ကံၚ်ဇြဳပၞာန် ဖျေံသ္ဇိုၚ်ပွိုၚ်ဍုၚ်သဓီုဂှ် လုပ်စိုပ်ဖျေံကၠုၚ်လွဟ် ဇရေၚ်ဒပ်မဟာ (၁) KNLA သီုကဵုသေနာတ် MAI ၁ ဇကိုအ်၊ ဖျေဲလွဟ် ၅ ၊ မကမ် ၁၀၀ ရ။
လ္ပာ် KNLA ဒပ်ပၞာန်ဗၠးၜးကောန်ဂကူကရေၚ်ဂှ် ဒုၚ်တၠုၚ်လဝ် ကုဒုအကြာပ်ဒပ် သဝ်အိုၚ်သာတ် မလုပ်စိုပ်ဖျေံကၠုၚ်လွဟ်ဂှ် လိုက်က်လဴလဴတုဲ ဖျေံလဝ်လာပ်သကာ ၃၈ ကိုဋ်ဒ္ကေဝ်ရောၚ် ထ္မံက်ထ္ၜးလဝ်ရ။ ဒုအကြာပ်ဒပ် သဝ်အိုၚ်သာတ် မဒှ်ဂကူကရေၚ်ဂှ် ဟိုတ်နူဒပ်ကံၚ်ဇြဳပၞာန် ဂစိုတ်ဂယိုၚ် ဍဵုဍိုက်ပျဲပျာံဒၟံၚ် ညးဍုၚ်ကွာန်ကောန်အရာပ်တံဂှ်တုဲ ဟွံမိက်ဆက်ကေတ်တာလျိုၚ်တုဲ လုပ်ဖျေံလဝ်လွဟ်ရောၚ်ဂှ် ဟီုရ။
ဒုအကြာပ်ဒပ် သဝ်အိုၚ်သာတ် အာယုက် ၁၈ သၞာံဂှ် သ္ဂုတ်သွာတ်လဝ် သွက်ဂွံကလေၚ်ဗ္တိုက်ပ္တိတ်အာ ကုဒပ်ကံၚ်ဇြဳပၞာန် ကရောံဒပ်ပံၚ်ကောံ KNLA တံရ။
အပ္ဍဲကာလသီအဝဵုဏံ ကောန်ဒပ်ကံၚ်ဇြဳပၞာန် ကၠုၚ်စိုပ်ဖျေံလွဟ် ဇရေၚ်ဒပ်မဟာ (၁) KNLA ဂှ် (၅၀) တၠဟွံက နွံဂှ် ဂွံတီကေတ် အတိုၚ်တၚ်လလောၚ်တြး ခရိုၚ်သဓီု KNU ရ။
ပရိုၚ်−သြၚ်လောန်တိုၚ်(မ်)
ဗီု−တပေန်ယှိုဲထဳ
sanlontai