သၞေဟ်ကၚ်စၟဳစၟတ်ကျာ်လမ္စံက် ကံၚ်ဇြဳပၞာန် ဒးဒုၚ်ပန်ကဵု သနိုက်ဗာတုဲ ဒးချိုတ်လဝ် (၁) တၠ

ထဝါဲ၊ အဝ်ဂေတ်(၂၀)

ရးဒေသဇၞော်တၞၚ်သြဳ၊ ပွိုၚ်ဍုၚ်ထဝါဲ၊ သၞေဟ်ကၚ်စၟဳစၟတ်ကျာ်လမ္စံက် ဗ္ဒာဲကွာန်မောၚ်မေဝ်ယှောၚ်ဂှ် ဒးဒုၚ်ပန်လဝ်ကဵုသနိုက်ဗာတုဲ ကောန်ဒပ်ကံၚ်ဇြဳပၞာန် ဒးချိုတ်လဝ် (၁)တၠရဂှ် ဂၠိုက်ဂၠာဲဂွံတီကေတ် နူဇရေၚ်ဒပ်ပံၚ်ကောံ ဒပ်စဵုဒၞာဒေသတအ်ရ။

သၞေဟ်ကၚ်စၟဳစၟတ်ကျာ်လမ္စံက် ကောန်ဒပ်ကံၚ်ဇြဳပၞာန် (၄၀) ပြၚ်ဖျေံဗဒိုပ် မံၚ်တန်တဴဒၟံၚ်ဂှ် ဒပ်ပံၚ်ကောံ ဒပ်စဵုဒၞာဒေသတအ် အာစိုပ်ဗတိုက်ပန်လဝ်ကဵုသနိုက်ဗာ ပ္ဍဲဂိတုအဝ်ဂေတ် စၟတ်တ္ၚဲ (၁၈) အခိၚ်ဇိုၚ်သဝ်တ္ၚဲ ၜိုတ် (၄)နာဍဳရ။

ဟိုတ်နူဒးဒုၚ်ပန်လဝ်ကဵုသနိုက်ဗာတုဲ ကောန်ဒပ်ကံၚ်ဇြဳပၞာန် ကွာ်ဒၟံၚ်ဂၠံၚ်မွဲတၠ လောတ်စှ်ေအာပ္ဍဲဒၞာဲဂှ်တုဲ ဒးချိုတ်လဝ်ရဂှ် ညးတာလျိုၚ်လလောၚ်ပရိုၚ် ဒပ်ဒမၠုက်ထဝါဲ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

ၜိုန်ရကောန်ဒပ်ကံၚ်ဇြဳပၞာန်မွဲတၠ ဒးဒုၚ်ပန်ကဵုသနိုက်ဗာတုဲ ဒးချိုတ်လဝ်ကီုလေဝ် လ္ပာ်ဒပ်ကံၚ်ဇြဳပၞာန် ဟွံက္လေၚ်ပန်ပှ်ောလဝ်မွဲသာ်တုဲ ကောန်ဒပ်ဒးလဝ်လွဟ်မကမ်ဂှ် ပ္ဍိုက်ကေတ်ဏာကဵု ယာဉ်ကွဳစက်ပ္ဍိုက်မၞိဟ်ယဲတုဲ တိတ်အာ လ္ပာ်ထဝါဲရဂှ် ဟီုသ္ဂးလဝ်ရ။

ပရေၚ်ပန်ပှော်ဏံ ဒပ်ပၞာန်စဵုဒၞာညးဍုၚ်ကွာန် ခရိုၚ်ထဝါဲ တံဒပ် စၟတ် ၁ ၊ ကရောၚ်ပၞာန်ဥဩ၊ DGRF တအ် ပံၚ်တောဲ ကၠောန်ရေၚ်တၠုၚ်လဝ်ရဂှ် ဂွံတီကေတ်ရ။

ပ္ဍဲဂိတုအဝ်ဂေတ် စၟတ်တ္ၚဲ (၁၄)တုဲကၠုၚ်တေံလေဝ် သၞေဟ်ကၚ်စၟဳစၟတ်ကံၚ်ဇြဳပၞာန် မၞုံအရာပ်အုၚ်ယှေအ်ပျေန် (အိမ်ရှေ့ပြင်ရပ်)၊ ဍုၚ်ထဝါဲဂှ် ဂကောံပံၚ်တောဲ DGRF တအ် အာစိုပ်ဗတိုက်လဝ်တုဲ လ္ပာ်ကံၚ်ဇြဳပၞာန် ဇီုကပိုက်ဒးချိုတ်လဝ် နွံရ။

ပရိုၚ် – သြၚ်လောန်တိုၚ်(မ်)

ဗီုရုပ် – Social Media