ပျုမ်ယာမ် – အဝ်ဂေတ်(၂၀)
ဟိုတ်နူက္ၜၚ်ကျာထံက်ကၚ်အမေရိကာန် လုပ်စိုပ်ကၠုၚ် ပ္ဍဲအပိုၚ်ခြာပရေၚ်ပိုန်ဒြပ်တၟေၚ် ကိုဝ်ရဳယာသၟဝ်ကျာတုဲ က္ၜၚ်ကျာပၞာန်တအ် ဒးပဝ်တိုန်လဝ်ရဂှ် သၞာဲဒဴကိုဝ်ရဳယာသၟဝ်ကျာတအ် ဟီုလဝ် ပ္ဍဲဂိတုအဝ်ဂေတ် စၟတ်တ္ၚဲ(၁၈)ရ။
ပရေၚ်ပရောက္တဵုဒှ်လဝ် ပ္ဍဲဂိတုအဝ်ဂေတ် စၟတ်တ္ၚဲ (၁၇)တုဲကၠုၚ်တေံဂှ် ဒှ်လောန်ၜက်ပရေၚ်ပၞာန် အန္တရာယ်နွံဒၟံၚ်တုဲ ကိုဝ်ရဳယာသၟဝ်ကျာဂှ် သွက်ပရေၚ်ပရောက္တဵုဒှ်ကၠုၚ်ပ္ဍဲအနာဂတ်ဂတဏံမာန်လေဝ် ချပ်ဇန်လဝ် အကာဲအရာကၠောန်ရေၚ်တၠုၚ် တာဒၞာအာရောဂှ် ညးယိုက်ဝန်ဆေၚ်ကဵုသွာၚ်ပၞာန်မွဲတၠ ဟီုသ္ဂးလဝ်ရ။
ပရေၚ်ဒဒှ်ဏံ က္တဵုဒှ်လဝ် ကၠာဟွံဂွံကၠောန်ဗဒှ်ကောံဓရီုကဆံၚ်လ္တူ ကၟိန်ဍုၚ်အမေရိကာန်၊ ကိုဝ်ရဳယာသၠုၚ်ကျာ ကေုာံဂျပါန်တအ်ရဂှ် ဂွံတီကေတ်ရ။
ပ္ဍဲအရာနိဿဲကဵုတမ်ရိုဟ်တၚ်ဂၞၚ်ပရိုၚ်အေဂျေန်ထံၚ်ပရိုၚ်ကိုဝ်ရဳယာသၠုၚ်ကျာတုဲ ဟီုသ္ဂးလဝ်ဂှ် ကိုဝ်ရဳယာသၟဝ်ကျာဂှ် ဒဒှ်ရဒစဵုဒစး ကုကောံဓရီုကၠောန်ဗဒှ်အာ အကြာ (၃)ကၟိန်ဍုၚ်ဂှ် သွက်ဂွံဓမံက်ထ္ၜးဆန္ဒ ညံၚ်ဂွံပန်ဗလးကမ်လှောဝ် ပန်အကြာတိုက်မာန် သာ်ဂှ်ဟွံသေၚ်မ္ဂး တၚ်ကၠောန်ရေၚ်တၠုၚ် သွက်ပရေၚ်ပၞာန်တၞဟ်မွဲတန် ကၠောန်ကၠုၚ်မာန်ရဂှ် ဂွံတီကေတ်ရ။
အခိၚ်ပရေၚ်အုပ်ဓလီုကြုက် သၠုၚ်တိုန်ကၠုၚ်ဒၟံၚ်ပ္ဍဲဒေသဂှ် ဟိုတ်နူပရေၚ်ဘပဠ နျူကလဳယာကိုဝ်ရဳယာသၟဝ်ကျာတုဲ နဒဒှ်တၚ်စၟဳပတှ်ေ သွက်ဂွံသၠုၚ်ပ္တိုန်တၚ်တုပ်စိုတ် အကြာကိုဝ်ရဳယာသၠုၚ်ကျာကဵု ဂျပါန်တအ်ဂှ် သမ္မတအမေရိကာန်၊ ကိုဝ်ရဳယာသၠုၚ်ကျာ ကေုာံ သ္ကိုပ်ဝန်ဇၞော်ဂျပါန်တအ် ဆဵုဂဗသဳကၠဳအာရေၚ်သ္ကအ်ရောၚ်။
ကိုဝ်ရဳယာသၠုၚ်ကျာကဵု အမေရိကာန်တအ်ဂှ် သ္ပတံနူ တ္ၚဲစန်ကၠုၚ်စိုပ်ဂတဏံတုဲ စကၠောန်အာ ပရေၚ်ပ္ကတ်ပ္ကေၚ်ပၞာန်ပံၚ်တောဲ လအ်ပွိုၚ် (၁၁)တ္ၚဲရောၚ်ဂှ် ဂွံတီကေတ်ရ။
Ref,CNA
sanlontai