ကောန်ဂကောံ (ပ.က.ဖ) မျာၚ်တြေံ အာပံၚ်တောဲလဝ်ကဵုဒပ်ပၞာန်ဂှ် သ္ပဒၟံၚ်ဒလာန် ဒၞာဲဗဒိုပ်နွံ

မျာၚ် – အဝ်ဂါတ်(၂၃)

ကောန်ဂကောံ (ပ.က.ဖ) မျာၚ်တြေံ အာပံၚ်တောဲလဝ်ကဵုဒပ်ကံၚ်ဇြဳပၞာန်သီအဝဵုဂှ် သ္ပဒၟံၚ်ဒလာန် ဒၞာဲဗဒိုပ်ပၟိက်ဇၞော် ပ္ဍဲတိဍာ်တအ်ဂှ်တုဲ ဟိုတ်နူဗက်ထ္ၜးဒၟံၚ်ဂှ်ရ သွက်ကောန်ဒပ်စဵုဒၞာညးဍုၚ်ကွာန်တအ် ဂွံဆုဲပြံၚ်ပၟိက်ဇၞော်ဒၟံၚ်ဂှ် ညးတာလျိုၚ်တအ် ကဵုလဝ်သမ္တီရ။

ညးနွံယၟု တေတ်တူဂှ် ကၠတ်ကေတ်လဝ်လွဟ် နူဇရေၚ် (ပ.က.ဖ) မျာၚ်တုဲ ဒှ်မၞိဟ်အာပံၚ်တောဲလဝ်ကဵု ကံၚ်ဇြဳပၞာန်တုဲ ဒှ်ညးဗက်ထ္ၜးဒၟံၚ်ဒၞာဲဗဒိုပ်ပၟိက်ကိစ္စဇၞော် ပ္ဍဲခရိုၚ်ပခုက္ကူ သီုဗီုပြၚ်တိ ချိုတ်တ်ပၠိုတ်တ်ရဂှ် ဂွံတီကေတ်ရ။

“ကွာန်ညးတာလျိုၚ်ပကဖကဵု ဒုလျိုၚ်ပကဖတအ် မံၚ်ဒၟံၚ်ဂှ် ဓမံက်ထ္ၜးလဝ်ရ။ ဗဒိုပ်စဵုဒၞာတၞဟ် စုက်လုက်ဒၟံၚ်ကဵု ပွိုၚ်ဍုၚ်တအ်ဂှ်လေဝ် ဟီုပ္တိတ်လဝ် သီုကဵုဗီုပြၚ်တိ ချိုတ်တ်ပၠိုတ်တ်ရဂှ် ဂွံတီကေတ် အတိုၚ်ပရိုၚ် အပ္ဍဲရ။ ဒးဆုဲပြံၚ် ပ္ဍဲဒၞာဲဂီုကၠီု ဂွံဖျေံစိုတ်ဏောၚ်”ဂှ်ညးတာလျိုၚ် (ပ.က.ဖ) မျာၚ်မွဲတၠ ဟီုသ္ဂးလဝ်ရ။

သ္အာၚ်နူဂှ်ပၠန် ကွာန်ယွာတေတ်ကုမ်ကဵု ကွာန်မျတုၚ်တာန် ညးတာလျိုၚ် ပ.က.ဖ ကေုာံ ဒုလျိုၚ်ပကတအ် မံၚ်ဒၟံၚ်ဂှ်လေဝ် ညးကဵုလဝ်ပရိုၚ် ကုကံၚ်ဇြဳပၞာန်တုဲ ဗဒိုပ်ဗစပ် ပ္ဍဲပွိုၚ်ဍုၚ် ကေုာံ ပ္ဍဲပွိုၚ်ဍုၚ်စုက်လုက်တအ်ဂှ်လေဝ် ကဵုလဝ်ပရိုၚ်ရ။

အခိၚ်လၟုဟ်ဏံ ပ္ဍဲဗဒိုပ်ဒးဒုၚ်ဓမံက်ပ္တိတ်လဝ်တအ်ဂှ် ကၠောန်သ္ပကၠုၚ် ပရေၚ်ပန်ဗတိုက်ကဵုက္ၜၚ်ကျာမာန်ဒၟံၚ်ဂှ်ရ သွက်ဂွံဒးပါဲတိတ် နူဒၞာဲဂှ် ပၟိက်ကိစ္စဇၞော်ဒၟံၚ်ရဂှ် (ပ.က.ဖ)မျာၚ် လလောၚ်ပ္တိတ်လဝ် ပရိုၚ်ရ။

ညးဍုၚ်ကွာန် ပ္ဍဲကွာန်နွံပွဳပွူဂှ်လေဝ် ညံၚ်သမ္တီပၞာန်ကျာ သတိပၞာန်ကျာ ဂွံနွံဂှ် ဆဝ်ပ္ၚုဟ်လဝ်တုဲ လ္ပမံၚ်ပ္ဍဲကွာန်တုဲ ညံၚ်ဂွံတိတ်အာမံၚ် ပ္ဍဲဂြိုပ်ဒဵုတအ် မွဲချိုတ်ခနဂှ်လေဝ် အာတ်မိက်လဝ် ဗွဲလၟေၚ်မေတ္တာရ။

ပ္ဍဲပွိုၚ်ဍုၚ်ပခုက္ကူဂှ် ညးလုပ်ဗ္ဒဗ္ဒာဲလဝ် လ္ပာ်ကံၚ်ဇြဳပၞာန်သီအဝဵု (၇)တၠလ္ပာ်လ္တူနွံဒၟံၚ်တုဲ ဗွဲမဂၠိုၚ်ဂှ် ဒှ်ညးဒးဆေၚ်ဒၟံၚ်မုက်ကဵု ပြဒ္ဒညာလှုဲလှာ်တအ်ရဂှ် ဂွံတီကေတ်လဝ်ရ။

ပွိုၚ်ဍုၚ်မျာၚ်ဂှ် စုက်လုက်စပ်ဒၟံၚ်ကဵု ပွိုၚ်ဍုၚ်မပ္တံကဵု ပလေဝ်၊ သာလေန်ဂျဳ၊ ပေါက်၊ ပခုက္ကူ ကေုာံ ယျေသဂျိုဝ်တအ်တုဲ ဟိုတ်နူဓမံက်ပ္တိတ်ဒၟံၚ် သီုဗီုပြၚ်တိချိုတ်တ်ပၠိုတ်တ်ဂှ်ရ သွက်ဂွံဒးစွံသတိကဵု အန္တရာဲပၞာန်ကျာဂှ် ကဵုလဝ်သတိ ကုဂကောံဗလးမုက်တိတအ်ရ။

ပရိုၚ် – သြၚ်လောန်တိုၚ်(မ်)

ဗီုရုပ် – (ပ.က.ဖ)မျာၚ်