လဂုၚ် – အဝ်ဂါတ်(၂၄)
စပ်ကဵုကိစ္စပၟတ်ဓာတ်လလဳပိုတ်သ္ကုတ်တုဲ တၠရမျှာၚ်ဗျူဟာ ဟီုဂးပါ်ပါဲလဝ် ကံၚ်ဇြဳပၞာန်ဂှ် ရုၚ်သၞောဝ်ဓဝ်ပၞာန်အၚ်စိၚ် ဖျေံဏာဒဏ်ထံၚ် (၂၀)သၞာံရဂှ် ညးစုက်လုက်ကဵု ဂကောံသ္ၚိကၟိန်ညး ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲဂိတုမေ စၟတ်တ္ၚဲ (၂၅)တုဲကၠုၚ်တေံဂှ် ပ္ဍဲဍုၚ်လဂုၚ် ဟိုတ်နူကိစ္စဟွံက္လိဂွံပၟတ်အခိၚ်ဍာံတုဲ ပ္တိုန်လဝ် ပ္ဍဲမုက်လိက်ဇာနှိက်ပရေၚ်မၞိဟ်ဂှ်ရ ဒးဒုၚ်ရပ်လဝ်ကဵု ဗၠာဲသၟိၚ်ကံၚ်ဇြဳပၞာန်ရ။
တၠရမျှာၚ်ဗျူဟာဂှ် ၜိုန်ရကံၚ်ဇြဳပၞာန် စောဲလဝ်ဂဗုတ်နကဵု ၝောံပိုဒ်-၅၀၅ (က) ကီုလေဝ် လကြဴဏံ ထပ်ဗပဵုပ္တိုန် ၝောံပိုဒ် (၁၂၄)တုဲ ပံက်လဝ်ဂဗုတ်ရဂှ် ညးစုက်လုက်ကဵု ဂကောံသ္ၚိကၟိန်ညးမွဲတၠ ဟီုလဴထ္ၜးလဝ်ရ။
“ရုၚ်သၞောဝ်ဓဝ်ပၞာန်အၚ်စိၚ် ဖျေံလဝ်အသံရ။ ပရေၚ်ထတ်ယိုတ် ခိုဟ်ဒၟံၚ် ဂွံတီလဝ်ရ။ ဟွံကဵုဆဵုဂဗ ဂကောံသ္ၚိကၟိန်ပုဟ်ဂှ်လေဝ် ဂွံမိၚ်လဝ်ရ”ဂှ် ညးစုက်လုက်ကဵု ဂကောံသ္ၚိကၟိန်တၠရမျှာၚ်ဗျူဟာမွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
အခိၚ်လၟုဟ်ပြဟ်ဟ်ဏံ စပ်ကဵုကံၚ်ဇြဳပၞာန် ဖျေံလဝ်ဒဏ်ထံၚ် တၠရမျှာၚ်ဗျူဟာ (၂၀)သၞာံဂှ်တုဲ ၜိုန်ရအာတ်မိက်လဝ် လစွံစိုတ်စၟတ်သမ္တီ ဥူနိုၚ်မျာန်မာ ညးမဒှ်အပါတၠရမျှာၚ်ဗျူဟာဂှ်ကီုလေဝ် ကလေၚ်ဟီုသှ်ကဵုလဝ် ဟၟဲဏီရ။
သ္ကုတ်လကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲ ညးဒးဒုၚ်ရပ်ထိၚ်ဒက်လဝ်ကဵု ဒပ်ကံၚ်ဇြဳပၞာန် ဗ္ဒာဲ (၂၅၀၀၀)နွံဒၟံၚ်ရဂှ် ဂကောံမၚ်မွဲရံၚ်စံၚ် ကောန်ထံၚ်ပရေၚ်ဍုၚ်ကွာန် AAPP ဓမံက်ထ္ၜးလဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – ဗျူဟာ(Facebook)
sanlontai