မတ်မလီု – အဝ်ဂါတ်(၂၄)
အလဵုအသဳပရေၚ်ညဳသၟဟ်ကောန်ဂကူ၊ ဌာနဝန်ဇၞော်ပရေၚ်စဵုဒၞာဂှ် ပကောံပကေဝ်ကေတ် သြန်ဂအုံပၠန်ဂတးညးဍုၚ်ကွာန်တအ် ထံက်ပၚ်ကဵုလဝ်ဂှ်တုဲ ပလံၚ်ဗစိုပ်ပါ်ပရအ်တြးလဝ် လၟိဟ်ဒရုမ် (၄၀၀)ဖ္ဍိုက် ဇရေၚ်တံဒပ် PDF နွံဒၟံၚ် ပ္ဍဲရးဒေသဇၞော် ကေုာံ တွဵုရးတအ်ရဂှ် လလောၚ်တြးလဝ်ရ။
ဒရုမ်ပလံၚ်ဗစိုပ်ကဵုဏာလဝ်တအ်ဂှ် ရေၚ်တၠုၚ်ဒၟံၚ် တာလျိုၚ်ပရေၚ်ထံက်ကၚ်၊ ပရေၚ်ဗတိုက်ပန် ကေုာံ ပရေၚ်တြးဝါဒ ပ္ဍဲဗလးမုက်ပၞာန်ရဂှ် ဟီုသ္ဂးလဝ်ရ။
ပြဟ်ဟ်ဏံ တံဒပ်ဒရုမ် သ္ပကဵုဒၟံၚ်ဒပ်ကံၚ်ဇြဳပၞာန်တအ် ဒးဂိဒၟံၚ်ဂၠိုၚ်အိုတ် ပ္ဍဲပေါဲဗတိုက်ဗလးမုက်တိဂှ် ပ္ဍဲဌာနဝန်ဇၞော်ပရေၚ်စဵုဒၞာ သၟဝ်တဲ NUG လေဝ် ဒက်ပ္တန်လဝ်တုဲရဂှ် ဂွံတီကေတ်ရ။
ဌာနဝန်ဇၞော်ပရေၚ်စဵုဒၞာ NUG၊ ဒပ်ပၞာန်စဵုဒၞာညးဍုၚ်ကွာန် ကောန်ပၞာန်ဒရုမ် ကေုာံ PDF-Drone လုပ်ဒၟံၚ်ပေါဲဗတိုက် ဘပဠဒၟံၚ်ဒပ်သၞ အတိုၚ်ပရေၚ်သွာၚ်စိုတ်ဓာတ်တအ်ဂှ် ညံၚ်ညးဍုၚ်ကွာန်တအ်ဂွံတီ လလောၚ်တြးကဵုလဝ်ရဂှ် ကဵုလဝ်သမ္တီရ။
ဗီုရုပ် – MOD
sanlontai