မတ်မလီု – အဝ်ဂါတ်(၂၅)
ကၠောန်ဗဒှ်လဝ် အခန်ကၞာဒက်ပ္တန် တံဒပ် ဒပ်ပၞာန်စဵုဒၞာညးဍုၚ်ကွာန်(PDF) စၟတ် (၁၁၀၂) အလဵုအသဳပရေၚ်ညဳသၟဟ်ကောန်ဂကူ၊ ပေၚ် (၂)သၞာံရဂှ် ဌာနဝန်ဇၞော်ပရေၚ်စဵုဒၞာ လလောၚ်တြးလဝ် ပရိုၚ်ရ။
ကၠောန်ဗဒှ်လဝ် ပ္ဍဲဂိတုအဝ်ဂါတ် စၟတ်တ္ၚဲ (၂၂)တုဲကၠုၚ်တေံဂှ်တုဲ ပ္ဍဲအခန်ကၞာဂှ် သ္ပရှ်ေသှ်ေလဝ် အလာံဒပ်ပၞာန်စဵုဒၞာညးဍုၚ်ကွာန်ကီု၊ သ္ပလဝ်ရှ်ေသှ်ေ သရာဲသ္ဂံၚ်အာဇာနဲ ပၠန်ဂတးက္ညၚ် ပြဟ်လလုဲလဝ်တအ်ကီု၊ ဖ္ဍောတ်လဝ် သစ္စအဓိဌာန်ဒပ်ပၞာန်စဵုဒၞာညးဍုၚ်ကွာန် ပန်တၚ်ကီု ကၠောန်သ္ပလဝ်ရဂှ် ဂွံတီကေတ်ရ။
သ္အာၚ်နူဂှ်ပၠန် ဗှ်ပၟိၚ်လဝ် လိက်သဝဏ်ဝန်ဇၞော်ကၟိန်ဍုၚ် ဌာနဝန်ဇၞော်ပရေၚ်စဵုဒၞာကီု၊ သ္ကိုပ်တံဒပ်တအ် ဟီုလၟိၚ်လဝ်ဂလာန်ဗ္ကန်ကီုဂှ် က္ဍိုပ်သ္ကိုပ်မဟာမိတ်ပရေၚ်ပၠန်ဂတးတအ် ဟီုလဝ်ဂလာန်ကဵုဇြဟတ်စိုတ်တုဲဂှ် ညးတာလျိုၚ် ပရေၚ်ချဳဒရာၚ်ပၞာန် ဟီုလဝ်ဂလာန်တၚ်ဂုဏ် မိပ်စိုတ်ရဂှ် ဂွံတီကေတ်ရ။
ဗီုရုပ် – MOD
sanlontai