သွက်ဂွံသၠုၚ်ဂလိုၚ်ပ္တိုန်ကဵု အယုက်အဝဲသုၚ်စောဲၜံက်လုပ်သၞောဝ်မာန် စဵုကဵု (၂၂)သၞာံ သုတေသဳတအ် အာတ်မိက်လဝ် အလဵုအသဳဂမၠိုၚ်

တိုဝ်ကျိုဝ်၊ အဝ်ဂါတ် (၂၆)

ညးသုၚ်ၜံက် ကၠာအယုက်ဟွံပေၚ် (၂၀)သၞာံဏီတအ်ဂှ် ကြဴနူသုတေသဳတအ်ဂွံညာတ်ကေတ် ဒဒှ်ရဗပိုတ်ၜံက် ဝါတ်ဂါတ်တုဲဂှ် ထေက်ကဵုဒးတာဒၞာ နကဵုသၟတ်တအ် ပွမရာန်ကေတ်ကပေါတ်ဗၞိက် တိတ်နူဂဥုဲတၞး စဵုကဵုအယုက် (၂၂)သၞာံထေက်ရောၚ်ဂှ် သုတေသဳတအ် ကဵုလဝ်ကသပ်ရ။

အလဵုအသဳအလုံ မၞုံအလုံမွဲဂၠးကဝ်တအ်ဂှ် ပွမသၠုၚ်ဂလိုၚ်ပ္တိုန် အယုက်အဝယ်သုၚ်ၜံက်မာန်သဝ်အိုတ်ဂှ် ဖ္အောန်ယှအ်ဖျေံကဵု ပွမစောဲလာံ နဳကိုဝ်တေန်မာန်ဒၟံၚ်ရောၚ် တၠပညာသိပ္ပံတအ်လေဝ် ဟီုသ္ဂးလဝ်ရ။

ဂကောံသုတေသန ပ္ဍဲဍုၚ်ဂျပါန် မွဲဂကောံဂှ်မ္ဂး ညးသုၚ်ၜံက် ကၠုၚ်စိုပ်ဗ္ဒမ်ဂဥုဲဗပိုတ်ၜံက် မၞုံပ္ဍဲကျိုဝ်တိုဝ် (၁၃၈၂)တၠတအ်ဂှ်မ္ဂး ဗက်ကဵုအဝဲတုဲ ပါ်စွံလဝ်ဂကောံညးယဲ အယုက် (၂၀)လ္ပာ်သၟဝ် ကေုာံ (၂၀)လ္ပာ်လ္တူ ၜါဂကောံတုဲ လ္ၚတ်ရံၚ်စံၚ်လဝ်ရ။

ပ္ဍဲပရေၚ်စမ်ၜတ်ဏံ နမကဵုစၟတ် သွက်သွဟ်ညးယဲတအ် မွဲမွဲဂှ် “ဇကုၚုဟ်က္တဵုနူသ္တိက်တုဲ ခြာဟွံလအ် သုၚ်ဒၟံၚ်သဳကရေတ် ကၠာအိုတ်နွံဟာ”၊ “မွဲမွဲတ္ၚဲ သုၚ်ဒၟံၚ်သဳကရေတ် မူစိတၞုၚ်ရော” မပ္တံဗီုဏံ သၟာန်လဝ်တၚ်သၟာန်တအ်ရဂှ် ဟီုလဝ်ရ။

ညးသုၚ်ၜံက် အယုက် (၂၀)လ္ပာ်လ္တူတအ်ဂှ် ဗ္ၜတ်ဗပိုတ်ၜံက်မာန် ၜိုန် (၅၆%) ဗပိုတ်ၜံက် ဗွဲမအံၚ်ဇၞးမာန်ဂှ် ဂွံညာတ်ကေတ်လဝ်ရ။

တၚ်ဆဵုဂဗဂမၠိုၚ်ဂှ် ပ္တိုန်ထ္ၜးလဝ်ပ္ဍဲ European Society of Cardiology (ESC) Congress 2023 မၞုံဍုၚ်အာမ်သတာလေဝ် ဒှ်ရ။

သွဟ်ပိုဲတအ်ဂှ် ဒဒှ်ရဆက်စပ်ဒၟံၚ်ကဵု ပရေၚ်နိဿဲဗ္ဒဗ္ဒာဲနဳကိုဝ်တေန် နူကဵုအဝယ်ဍောတ်သွတ် သၠုၚ်ဒၟံၚ်ဂှ် သွဟ်ဂမၠိုၚ် ဓမံက်ထ္ၜးဒၟံၚ်ရဂှ် အ္စာချူလိက်ဇၞော် ဒံက်တာကိုဝ်ဂျဳ နူ Kyoto Medical Centre ဟီုသ္ဂးလဝ်ရ။

ပွမသၠုၚ်ပ္တိုန် အယုက်အဝယ် သွက်ဂွံရာန်ကေတ်ဂဥုဲတၞးလုပ်သၞောဝ် (၂၂)သၞာံ လ္ပာ်လ္တူဂှ် ဖ္အောန်ယှအ်ဖျေံကဵု လၟိဟ်ညးစောဲလာံနဳကိုဝ်တေန်တုဲ ဒဒှ်ရဖ္အောန်ယှအ်ဖျေံကဵု အကာဲအရာဖိုလ်အဆက်လ္ပာ်ပရေံက္တဵုဒှ်ကၠုၚ် အဆက်တောဲကြဴမာန်ရဂှ် ပရေၚ်လ္ၚတ်ဂၠိုက်ဂၠာဲဂှ် ဓမံက်ထ္ၜးလဝ်ရ။

အာတေတ် (25/08/2023)

Ref: irishexaminer