ဗိုလ်ဇၞော်ကံၚ်ဇြဳပၞာန် တေန်မျိုဝ်အောၚ် ဒးဒုၚ်ပန်ပသောၚ်လဝ် ပ္ဍဲအုပ်ဖိုဝ်

အုပ်ဖိုဝ် – သေပ်တေမ်ဗာ(၁)

ရးဒေသဗဂေါ၊ ခရိုၚ်သာယာဝတဳ ပ္ဍဲဍုၚ်တၟိအေမျတာယာ ပွိုၚ်ဍုၚ်အုပ်ဖိုဝ်ဂှ် ဗိုလ်ဇၞော်ဒပ်ကံၚ်ဇြဳပၞာန် တေန်မျိုုဝ်အောၚ် အာကၠုၚ်ဒၟံၚ် နကဵုကယျိုၚ်ကောန်အရာပ်ဂှ် ကောန်ဒပ်စဵုဒၞာညးဍုၚ်ကွာန်တအ် ပန်ပသောၚ်လဝ်ရဂှ် PFD ဗဂေါ လလောၚ်တြးလဝ် ပရိုၚ်ရ။

တ္ၚဲဏံ ဂိတုအဝ်ဂါတ် စၟတ်တ္ၚဲ (၃၁)အခိၚ်နူဂယးဂှ် ဗိုလ်ဇၞော်ကံၚ်ဇြဳပၞာန် တေန်မျိုဝ်အောၚ် ဒဳကၠုၚ်ကွဳလိုန်ဓာတ် နကဵုကယျိုၚ်ကောန်အရာပ်ဂှ် ဒပ်ပၞာန်စဵုဒၞာညးဍုၚ်ကွာန် (PDF) ခရိုၚ်သာယာဝတဳ တံဒပ် ၃၈၀၂၊ ဒပ်လ္ပာ်-၄(ဒပ်ဒမၠုက်သၟဝ်တိ-အုပ်ဖိုဝ်) ပန်ပသောၚ်လဝ်ရ။

ဟိုတ်နူပန်ပှော်လဝ်တုဲ ဗိုလ်ဇၞော်ကံၚ်ဇြဳပၞာန်တေန်မျိုဝ်အောၚ် ဒးချိုတ်လဝ် ပ္ဍဲဒၞာဲဂှ်တုဲ လ္ပာ်ဒပ်စဵုဒၞာညးဍုၚ်ကွာန်တအ် ပရေၚ်ဇီုကပိုက်ဟၟဲ က္လေၚ်ဆုတ်တိတ်မာန် သီုအန္တရာဲဟၟဲမွဲသာ်ရဂှ် ဂွံတီကေတ်ရ။

သီဂွံလဝ် နူဗိုလ်ဇၞော်ကံၚ်ဇြဳပၞာန် တေန်မျိုဝ်အောၚ် လွဟ် MA-3 (၁)ဒကိုအ်၊ ဖုၚ်(၁)မ၊ ထိုၚ်စၞာံ(၁)မ၊ တၞးကာဒ်ကောန်ဍုၚ် ကေုာံ တၞးကာဒ်ကလေၚ်လုပ်ဇဟတအ်ရဂှ် PDF ဗဂေါ ကဵုလဝ်သမ္တီရ။

ပရိုၚ် – သြၚ်လောန်တိုၚ်(မ်)

ဗီုရုပ် – Bago PDF