လဂုၚ်၊ သေပ်တေမ်ဗာ(၂)
တ္ၚဲပၠန်ဂတးမန်မရနုက်ကဵု ၇၆ ဝါဂှ် ကံၚ်ဇြဳဒက်ပ္တန်ဍုၚ်မန် မဒှ်ဂကောံဇြဟတ်ဒစဵုဒစးပၠန်ဂတးသၞောတ်တၠအဝဵုပၞာန် ကၠောန်ဗဒှ်လဝ် နူကဵုအောန်လာၚ် ပ္ဍဲဂိတုအဝ်ဂါတ် စၟတ်တ္ၚဲ ၃၁ ဂှ်ရ။
ပ္ဍဲအခန်ကၞာဂှ် ဃောသ္ပရှ်ေသှ်ေဒၟံၚ် က္ဍိုပ်သ္ကိုပ်အာဇာနဲ လုပ်ကၠုၚ်လဝ်ပေါဲဗတိုက်ပၠန်ဂတးရပ်လွဟ်ခေတ်တၟိ ကေုာံညးဒးပြဟ်လလုဲလဝ် ပ္ဍဲပၠန်ဂတးက္ညၚ် သီုညးဍုၚ်ကွာန်တအ် ဃောပၠန်ဂတးဒၟံၚ်ကဵုသၞောတ်တၠအဝဵုပၞာန်ဂှ် ညိၚ်လဝ် ပွိုၚ်မွဲမိနေတ်ရ။
ကြဴနူဂှ် ဗှ်လလောၚ်လဝ် လိက်သဝဏ်ပ္တိုန်ဂုဏ်စရာဲတ္ၚဲပၠန်ဂးမန် ဒပ်ပၠန်ဂတးရပ်လွဟ်မန်၊ ညးလုပ်ဂကောံကံၚ်ဇြဳဖေတ်ဒရေဝ်ဍုၚ်မန်၊ ညးစၞး နူကံၚ်ဇြဳကဵုကသပ်ကောန်ဂကူ (NUCC) ဝန်ဇၞော် နူအလဵုအသဳပရေၚ်ညဳသၟဟ်ကောန်ဂကူ (NUG) လ္ၚဵု ကေုာံ ဂကောံဇြဟတ်ပၠန်ဂတးတအ်ရ။
ညးတာလျိုၚ်ညးလုပ်ဂကောံကံၚ်ဇြဳဖေတ်ဒရေဝ်ဍုၚ်မန်လ္ၚဵုဂှ် ဗှ်ထ္ၜးလဝ် ဝၚ်တ္ၚဲပၠန်ဂတးမန် ဗီုက္တဵုဒှ်ကၠုၚ် နဘာသာမန် ဗွဲခမ္ဍန်တုဲ အနာဂတ်ဂတဏံ သွက်ကၟိန်ဍုၚ်ဖေတ်ဒရေဝ်မံက်ဂတဝ်တိတ်ကၠုၚ် တွဵုရးဍုၚ်မန် နဒဒှ်ယူနေတ်မွဲ ညံၚ်ဂွံနွံဂှ် တၚ်ကၠောန်ရေၚ်တၠုၚ်လဝ်တအ်ဂှ်လေဝ် သောၚ်ကလးပ္တိုန်ထ္ၜးလဝ်ရ။
ကြဴူနူကၟိန်ဍုၚ်ဗၟာဂွံဗၠးၜးတုဲဂှ် သွက်အခေါၚ်အရာတုပ်သၟဟ် မၞုံကဵုအခေါၚ်ကံကုသိုလ်ဇကု ဇကုဖန်ဖက်ကေတ်မာန် သီုအခေါၚ်ပျးဌာန်ဇကုဂှ် ပ္ဍဲသက္ကရာဇ် ၁၉၄၈ နူဂကောံသၟတ်မန်မွဲဂကောံ စပ္တံလဝ်ပရေၚ်ပၠန်ဂတးရပ်လွဟ်ခေတ်တၟိရ။
ပရိုၚ် – သြၚ်လောန်တိုၚ်(မ်)
ဗီုရုပ် – MSFC
sanlontai