မတ်မလီု၊ သေပ်တေမ်ဗာ (၂)
ဗော်ညဳသၟဟ်မန် (MUP) မဒှ်ဗော်ပရေၚ်ဍုၚ်ကွာန်မန်မွဲဂှ်ဝွံ သွက်တွဵုရးကရေၚ်ဂှ် ပ္တိုန်လဝ်စရၚ်ဗော် ဇရေၚ်ကမ္မယှေန်ပေါဲရုဲမာဲကၟိန်ဍုၚ်ကံၚ်ဇြဳပၞာန် နကဵုယၟုဗော်တောတက်မန်ဂှ် ဂွံတီကေတ် ဇရေၚ်မစုက်လုက်ကဵုဗော်တံရ။
ဗော်ညဳသၟဟ်မန် မပ္တိုန်လဝ်စရၚ် ကဆံၚ်တွဵုရးဍုၚ်မန်ဂှ်ဝွံ သွက်ဂွံလုပ်ပြိုၚ်ပေါဲရုဲမာဲကံၚ်ဇြဳပၞာန် မကၠောန်ဗဒှ်ဂှ်တုဲ ပ္ဍဲကဵုတွဵုရးကရေၚ်ဂှ်လေဝ် သွက်ဂွံလုပ်ပြိုၚ်မာန် ထပ်ပ္တိုန်လဝ်စရၚ် နကဵုယၟုဗော်တောတက်မန်ရ။
ဒဒှ်မကၠုၚ်စိုပ်ပ္တိုန်လဝ်စရၚ် အခေါၚ်ပ္တိုန်စရၚ်ဗော် နကဵုယၟုဗော်တောတက်မန်ဂှ် ဆက်ဂၠိုက်ဂၠါဲစၟဳတ်ဒၟံၚ်ရောၚ် ပ္ဍဲဂိတုအဝ်ဂါတ် (၃၁) တေံ ကမ္မယှေန်ပေါဲရုဲမာဲကၟိန်ဍုၚ်ကံၚ်ဇြဳပၞာန် လလောၚ်ပ္တိတ်လဝ်ရ။
ပ္ဍဲကဵုဗော်ပရေၚ်ဍုၚ်ကွာန်မန်ဂမၠိုၚ် သွက်ဂွံဆက်ဒက်ပ္တန်အာဗော်တုဲ ဗော်ပရေၚ်ဍုၚ်ကွာန် မကၠုၚ်စိုပ်ပ္တိုန်လဝ်စရၚ် ဇရေၚ်ကမ္မယှေန်ပေါဲရုဲမာဲကၟိန်ဍုၚ်ဂှ် ဗော်ညးဗြဴမန်ကဵု ဗော်ညဳသၟဟ်မန် နွံဒၟံၚ်ရ။
ပ္ဍဲကဵုဗော်ပရေၚ်ဍုၚ်ကွာန်ၜါဏံဂှ် ဗော်ညးဗြဴမန်ဂှ် အခေါၚ်ဒက်ပ္တန်ဗော် နူကဵုကမ္မယှေန်ပေါဲရုဲမာဲ နဒဒှ်ဗော်စန်ဒက်ကဆံၚ်ကၟိန်ဍုၚ်ဂှ် လိက်စှ်ေကၠုၚ်ကီုလေဝ် ဗော်ညဳသၟဟ်မန် မပ္တိုန်လဝ်စရၚ် နဒဒှ်ဗော်စန်ဒက် အပ္ဍဲတွဵုရးဂှ် ဒဵုကဵုအခိၚ်လၟုဟ် အခေါၚ်ပ္တိုန်စရၚ်ဗော်ဂှ် ဟွံစှ်ေဏီရ။
ဗော်ညဳသၟဟ်မန်ဝွံ ကြဴနူဒပ်ပၞာန်သီအဝဵုတုဲ ဗလးဏာလဝ် ညးစၞးဗော်ၜါတၠ ဒံက်တာဗညာအံၚ်မဵု ကဵု နာဲလျးတၟးတံ ဇရေၚ်ကံၚ်ဇြဳပၞာန်ရ။
ပရိုၚ်−သြၚ်လောန်တိုၚ်(မ်)
ဗီု−Social Media
sanlontai