ၜဳကလေၚ်၊ သေပ်တေမ်ဗာ (၃)
တွဵုရးဍုၚ်မန်၊ ပွိုၚ်ဍုၚ်ၜဳက္လေၚ်ဂှ် ပ္ဍဲဂိတုအဝ်ဂါတ်မံက်တုဲကၠုၚ်တေံ ဟိုတ်နူဍာ်ဇၞော်လဝ်တုဲ ဨကတဵုလွဳသြောံကသီု ဒးလီုလာ်ဆောံလေၚ်လဝ်ဗွဲမဂၠိုၚ် က္လေၚ်တဵုလွဳဟွံမာန်ရဂှ် သၟာဗ္ၚတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
တိဗ္ၚတဵုလွဳသြောံ ဒးလီုလာ်လဝ် ဟိုတ်နူဍာ်ဇၞော် ဍာ်ဗၠိုက်တအ်ဂှ် ဟိုတ်နူၚုဟ်သြောံမ က္ဍၚ်တိုန်ဒၟံၚ် ဂၠိုၚ်ကဵုချကီု၊ ဂွံရာန်ကေတ် ဝါတ်ဂါတ်ဒၟံၚ်ကီု၊ ဟိုတ်နူအခိၚ်လောန်ဒၟံၚ်ကီုဂှ်ရ ၜိုန်က္လေၚ်တဵုလွဳကီုလေဝ် သွက်သြောံဂွံတိတ် ဟိုတ်နူဟွံချိုတ်ပၠိုတ်တုဲ ဗွဲမဂၠိုၚ် ဟွံက္လေၚ်တဵုလွဳရဂှ် ဂွံတီကေတ်ရ။
သၟာဗ္ၚက္လေၚ်တဵုလွဳဳသြောံတအ်လေဝ် ယဝ်နွံ ၁၀ ဨကမ္ဂး သွက်စသ္ၚိကၟိန် ၜိုတ် (၂)ဨကဟေၚ် က္လေၚ်တဵုလဝ် နွံရဂှ် သၟာဗ္ၚမွဲတၠ ဟီုလဴလဝ်ရ။
ဟိုတ်နူဍာ်ဇၞော် ဗၠိုက်လဝ်ဍာ်တုဲ ဨကတဵုလွဳသြောံတအ် ၜိုန်ရလီုလာ်လဝ်ကီုလေဝ် လ္ပာ်ကံၚ်ဇြဳပၞာန် ပရေၚ်ထံက်ပၚ်သြောံမ၊ သွံတြးကဵုတအ်လေဝ် ဟၟဲဏီရဂှ် သၟာဗ္ၚတအ် ဟီုလဝ်ရ။
ဟိုတ်နူဍာ်ဇၞော်လဝ် ပ္ဍဲဂိတုအဝ်ဂါတ်မံက်တေံတုဲ ဨကတဵုလွဳသြောံကသီု အလုံမွဲပွိုၚ်ဍုၚ်ၜဳက္လေၚ် ဗ္ဒာဲကဝက် ဟိုတ်နူဗၠိုက်လဝ်ဍာ်တုဲ ဨကသြောံကသီု ဗ္ဒာဲ ၃၀,၀၀၀ နူကွာန် ၃၀ ပြၚ်တအ် ဒးလီုလာ်ဆောံလေၚ်လဝ်ရ။
ဟိုတ်နူက္လေၚ်တဵုလွဳ တိဗ္ၚကသီုဒးလီုလာ်လဝ် ဟိုတ်နူဍာ်ဇၞော် ဗၠိုက်ဍာ်တအ်ဂှ်ဟွံမာန်တုဲ ပ္ဍဲကဵုကာလသ္ၚုတိတ် ကၠုၚ်စိုပ်ဂတဏံလေဝ် ညးဍုၚ်ကွာန်တအ် သွက်ဂွံဒးဒုၚ်ဘဲဒဏ်ၚုဟ်သြောံသ္ၚုက္ဍၚ် နွံရ။
အလုံမွဲကၟိန်ဍုၚ် ဟိုတ်နူပရေၚ်ကံၚ်ဇြဳပၞာန် တက်တြးပ္တိတ် သြန်စက္ခူၜါလက်ဒ္ကေဝ် သီုမူဝါဒဗၠေတ်မှာတအ်တုဲ သ္ၚုအေအ်မထ လုပ်ဂကောံသ္ၚုတမြံၚ် မွဲရိုက်မ္ဂး စဵုကဵုဗ္ဒာဲဒ္စာံလက် ၚုဟ်က္ဍၚ်တိုန်ဒၟံၚ် ဂၠိုၚ်ကဵုချရ။
ပရိုၚ် – သြၚ်လောန်တိုၚ်(မ်)
ဗီုရုပ် – CJ
sanlontai