ပ္ဍဲမျာၚ် ကရောၚ်ပၞာန်ကံၚ်ဇြဳပၞာန် ကေုာံ ဗ္ဒိုပ်သၞေဟ်ကၚ်ဂမၠိုၚ် ဒးဒုၚ်ဗ္တိုက်

မျာၚ်၊ သေပ်တေမ်ဗာ (၂)

ရးမဂွဵု၊ ပွိုၚ်ဍုၚ်မျာၚ်ဂှ် ဂကောံဒပ်ပံၚ်ကောံစဵုဒၞါညးဍုၚ်ကွာန်တံ ဗ္တိုက်လဝ် ကရောၚ်ပၞာန်ကံၚ်ဇြဳပၞာန် ကေုာံ ဗ္ဒိုပ်သၞေဟ်ကၚ်တံရောၚ်ဂှ် ညးတာလျိုၚ် (ပ.က.ဖ) ပွိုၚ်ဍုၚ်မျာၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ဗ္တိုက်လဝ် ကရောၚ်ပၞာန် နူကဵုပခုက္ကူ မတိတ်ကၠုၚ် လ္ပာ်မျာၚ်ဂှ်ကဵု ဗ္ဒိုပ်ကံၚ်ဇြဳပၞာန် မၞုံအပ္ဍဲပွိုၚ်ဍုၚ်မျာၚ် (၃) ဗ္ဒိုပ်တံဂှ်ရ။

“သုၚ်စောဲလဝ် အဳနာဂါၜိုတ်ဒ္စါံစှော်တုဲ ဗ္တိုက်လဝ်ကရောၚ်ပၞာန်ဂှ်ရ။ ဇီုကပိုက်ဒးဂှ် ဂၠိုၚ်မာန်ဏောၚ်။ ချိုတ်တ်ပၠိုတ်တ်ဂှ် ဟွံဂွံတီကေတ်ဏီပုဟ်။ ဗ္ဒိုပ်သၞေဟ်ကၚ်တံဂှ်တှ်ေ လုပ်ဗ္တိုက်လဝ် ၜိုတ်ပိစှော်မိနေတ်ရ။ လ္ပာ်တေံ ကလေၚ်ပန်ပှော်ဟွံမာန်ဟဂှ်” သာ်ဝွံ ညးတာလျိုၚ် (ပ.က.ဖ) မျာၚ်မွဲတၠ ဟီုရ။

ကရောၚ်ပၞာန်ဂှ်ဝွံ ပန်ဂစိုတ်လဝ် ညးဍုၚ်ကွာန် နူကဵုကွာန်မကျဳတာန် ပခုက္ကူဂှ်တုဲ ဟိုတ်နူပန်ပှော်လဝ် ကဵုလွဟ်ဇၞော်ကြာန်န်ဂှ်ရ ကောန်အရာပ် (၂) တၠ ဇီုကပိုက်ကလိဂွံလဝ်ဝပ်ဏီရ။

သ္အာၚ်နူဂှ်ပၠန် ဗ္ဒိုပ်ဒပ်ကံၚ်ဇြဳပၞာန် မၞုံအပ္ဍဲပွိုၚ်ဍုၚ်မျာၚ်တံကဵု ဗ္ဒိုပ်သၞေဟ်ကၚ်တံဂှ် ဗ္တိုက်ဒၟံၚ် ကြပ်အဆက်က်တုဲ သၠုၚ်ပ္တိုန်အသိၚ်ပရေၚ်ပၞာန်တုဲ ဟိုတ်နူထ္မံက်အာရုပ်ရဴ ပေါဲဗ္တိုက်သီဍုၚ်တံဏောၚ်ဂှ်ရ ညးဍုၚ်ကွာန်တံ သွက်ဂွံမံၚ်ကဵုသတိအိုတ်ဂှ်လေဝ် မျာၚ် (ပ.က.ဖ) ကဵုလဝ်သတိရ။

ကြဴနူဗ္တိုက်ပန်ပှော် ဗ္ဒိုပ်ဗၠာဲသၟိၚ်၊ ရုၚ်အုပ်ဓုပ်ကာနာနာ၊ သၞေဟ်ကွဳပၟတ်၊ သၞေဟ်ကၚ် (ကိုးဆောၚ်ကျောၚ်း) ဒၞါဲဒပ်ကံၚ်ဇြဳပၞာန် မဖျေံလဝ်သ္ဇိုၚ် အပ္ဍဲပွိုၚ်ဍုၚ်မျာၚ်ဂှ် လလအ်ပွိုၚ် (၃၀) မိနေတ်တုဲဂှ် ပ္ဍဲကဵုသ္ၚိသ္ကိုပ်အုပ်ဓုပ်စၟတ် (၃) တေန်မာၚ်တာန်ဂှ်လေဝ် ဟိုတ်နူဟွံဂွံဆဵုကေတ်မၞိဟ်တုဲ လုပ်စိုပ်ပလီုပလာ်လဝ်ဂှ် ဂွံတီကေတ်ရ။

ပရေၚ်ဗ္တိုက်တံဏံဂှ် ဂကောံဒပ်စဵုဒၞါညးဍုၚ်ကွာန်မျာၚ် (ပ.က.ဖ) တမ်ဒပ်−၂၊ ဒပ်စြေက် ၁/ ဒပ်စြေက် ၃၊ ဂကောံဒပ်စဵုဒၞါညးဍုၚ်ကွာန်မျာၚ် (ပ.က.ဖ) တမ်ဒပ်−၁ ဒပ်စြေက်−၃/ ဒပ်စြေက် ၄ ၊ Earthquake people’s defence force ကေုာံ ဂကောံဒပ်ပံၚ်ကောံ ဒပ်ဒမၠုက် Salingyi Special Task Force (SSTF) OE တံ ဗ္တိုက်လဝ်ရ။

ပရိုၚ်−သြၚ်လောန်တိုၚ်(မ်)

ဗီု−CJ