သၟာပရိုၚ်မျာန်မာနောၚ် ကိုဝ်သိုၚ်ဇြဝ်တိုက်ဂှ် ဒပ်ကံၚ်ဇြဳပၞာန်ဖျေံဒဏ်ထံၚ် သီုကမၠောန်ဇြိုၚ် ပွိုၚ် (၂၀)သၞာံ

မတ်မလီု – သေပ်တေမ်ဗာ (၇)

သၟာပရိုၚ်ဗီုရုပ် ဌာန်ပရိုၚ်မျာန်မာနောၚ် ကိုဝ်သိုၚ်ဇြဝ်တိုက်ဂှ် ရုၚ်သၞောဝ်ဓဝ်ပၞာန် ဖျေံလဝ်ဒဏ်ထံၚ် သီုကမၠောန်ဇြိုၚ် ပွိုၚ် (၂၀)သၞာံရဂှ် ညးစုက်လုက်ကဵုဂကောံသ္ၚိကၟိန်ညး ဟီုကဵု ဌာန်ပရိုၚ်သြၚန်လောန်တိုၚ်(မ်)ရ။

သၟာပရိုၚ် ကိုဝ်သိုၚ်ဇြဝ်တိုက် အာကေတ်လဝ်ပရိုၚ် ဃောလဗိုတ်ကျာမိုဝ်ခါလုပ်တွဵုရးရခေၚ်ဂှ် ဂိတုသေပ်တေမ်ဗာ စၟတ်တ္ၚဲ (၆) တ္ၚဲဏံ ကံၚ်ဇြဳပၞာန်ဖျေံလဝ်ဒဏ်ထံၚ် သီုကမၠောန်ဇြိုၚ်ရ။

“မၞိဟ်ကၠောန်ပရိုၚ်ဂှ် ဖျေံထောံထံၚ်ဒဵုဂလိုၚ်ဏံ ဒှ်ဒၟံၚ်ညံၚ်ပၞောတ်ဒၟံၚ်စိုတ် ဒှ်ဒၟံၚ်ရ ပိုဲဟွံပြေစိုတ်ပုဟ်။ ပြဟ်ဟ်ဏံတှ်ေ ဟွံဂွံဆဵုလဝ်ကဵုညးဏီပုဟ်” ဂှ် ညးစုက်လုက်ကဵု ဂကောံသ္ၚိကၟိန်ညးမွဲတၠဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

သၟာပရိုၚ်ဗီုရုပ် ကိုဝ်သိုၚ်ဇြဝ်တိုက်ဂှ် ၜိုန်ရဒပ်ပၞာန်ဖျေံလဝ်ဒဏ်ထံၚ် သီုကမၠောန်ဇြိုၚ်ကီုလေဝ် ကံၚ်ဇြဳဇြာနေဝ်ဇြေန် ကံၚ်ဇြဳပၞာန်ဒက်ကဵုလဝ်ဂှ် လလောၚ်တြးပ္တိတ်လဝ် မမိက်ကဵုမွဲမွဲ ဟၟဲဏီရ။

ကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲ စဵုကဵုဂိတုဒဳဇြေမ်ဗာ စၟတ်တ္ၚဲ (၁)ဂှ် သၟာပရိုၚ် အောန်အိုတ် (၄၂)တၠ ဒးဒုၚ်ဖျေံလဝ်ထံၚ်စာတ်ရဂှ် ဂကောံမၚ်မွဲရံၚ်စံၚ်သၟာပရိုၚ် CPJ ဓမံက်ထ္ၜးလဝ်ရ။

သၟာပရိုၚ်ကံၚ်ဇြဳပၞာန် ရပ်ကေတ်လဝ်ဗွဲမဂၠိုၚ်တအ်ဂှ် နကဵုတၚ်စောတ်စောဲ ပရေၚ်ဆဝ်ပ္ၚုဟ်ညံၚ်ဂွံကလိုက်ကၟဵု၊ ဓမံက်ထ္ၜးပရိုၚ်ဗၠေတ် မပ္တံသာ်ဏံတုဲ ဒးဒုၚ်ဖျေံလဝ်ဒဏ်ထံၚ် နူ (၂)သၞာံ စဵုကဵု(၃)သၞာံရ။

စပ်ကဵုဒပ်ကံၚ်ဇြဳပၞာန် ဖျေံလဝ်ဒုဟ်ဒဏ်သၟာပရိုၚ်ကိုဝ်သိုၚ်ဇြဝ်တိုက် ဒဏ်ထံၚ် (၂၀)သၞာံဂှ်တုဲ နကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်လဝ် ဂအုပ်အေဝ်ဒဳတာဌာန်ပရိုၚ်မျာန်မာနောၚ်ကီုလေဝ် က္လေၚ်ဟီုသှ်ကဵုလဝ်ဟၟဲရ။

ပရိုၚ် – သြၚ်လောန်တိုၚ်(မ်)

ဗီုရုပ် – Myanmar Now