နေပျဳဒဝ်၊ သေပ်တေမ်ဗာ(၇)
ဟိုတ်နူဒပ်ပၞာန်သီအဝဵုတုဲ ဒဝ်အၚ်သာန်သုကျဳ က္ဍိုပ်သ္ကိုပ်ညးဍုၚ်ကွာန် ဒးဒုၚ်ရပ်ဖျေံလဝ်ထံၚ် ဟွံဗဗွဲဓဝ်ဂှ် ပရေၚ်ထတ်ယိုတ်ဟွံခိုဟ်တုဲဲ သွက်ဂွံလွဳလွတ်ကဵုအ္စာဂဥုဲမ္ၚးမွဲတၠကီု သီုသွက်ဂွံကဵုအခေါၚ်လွဳလွတ်ဂဥုဲ ၜိုန်ရအာတ်မိက်လဝ်ကီုလေဝ် ကံၚ်ဇြဳပၞာန်သီအဝဵု ပါဲတးလဝ်ရဂှ် ဌာန်ပရိုၚ်ကၟိန်ဍုၚ်နာနာ Reuter (ရိုက်တာ) ဓမံက်ထ္ၜးလဝ် ပ္ဍဲဂိတုသေပ်တေမ်ဗာ စၟတ်တ္ၚဲ (၆)ဂှ်ရ။
အခိၚ်လၟုဟ်ဏံမ္ဂး ဒဝ်အံၚ်သာန်သုကျဳဂှ် အ္စာဂဥုဲဌာနက္ဍိုက်က္ဍိုပ်ထံၚ်စာတ် သၟဝ်တဲကံၚ်ဇြဳပၞာန်မွဲတၠ လွဳလွတ်ကဵုဒၟံၚ်ရဂှ် ညးစုက်လုက်ကဵုထံၚ်စာတ်မွဲတၠ ဟီုကဵုဌာန်ပရိုၚ်ရိုက်တာရ။
“ညးဂှ် ဇွိုန်ၚေက်ဂုဟ်ဒၟံၚ်တုဲ စသုၚ်ဟွံဂွံခိုဟ် ဒှ်မံၚ်ရ။ တုဲတှ်ေ ခအအ်လေဝ် ခအအ်ဒၟံၚ်။ က္ဍိုပ်လေဝ်ဂိဒၟံၚ်ရ”ဂှ် ညးယိုက်ဝန်ထံၚ် ဟွံမိက်ထမံက်ယၟုမွဲတၠဂှ် ဟီုရ။
စပ်ကဵုကိစ္စဏံတုဲ ၜိုန်ရဆက်စၠောံလဝ်ဖုၚ်ကဵု ဂအုပ်ဗိုလ်ဇြဝ်မေန်ထောန် ညးမၞုံအခေါၚ်ဟီုဂးကံၚ်ဇြဳပၞာန်ကီုလေဝ် ဒုၚ်တဲဟီုသှ်ကဵုလဝ် ဟၟဲရ။
ဒဝ်အံၚ်သာန်သုကျဳဂှ်မ္ဂး ကံၚ်ဇြဳပၞာန်ရပ်လဝ်ဟွံဗဗွဲဓဝ် နကဵုဂဗုတ်ရာဇဝတ် (၁၉)ဂဗုတ် ထိၚ်ဒဝ်လဝ်တုဲ ဖျေံလဝ်ဒဏ်ထံၚ် ပွိုၚ် (၂၇)သၞာံလေဝ် ဒှ်ရ။
ပ္ဍဲဂိတုဂျူလာၚ်တုဲကၠုၚ်တေံ ၜိုန်ရပရိုၚ် နူထံၚ်စာတ်ပြံၚ်စၠောံလဝ် နဒဒှ်အချုက်သမၠောဲသ္ၚိဒၟံၚ်ကီုလေဝ် ဌာန်ပရိုၚ်ရိုက်တာ သ္ပဒ္တန်လဝ်ဒ္တန် ဟွံမာန်ရ။
Refer-Reuters
sanlontai