ၜၚ်ကံက်၊ သေပ်တေမ်ဗာ (၁၀)
ပွမစသုၚ် Pa Thong Ko ကေုာံ ဍာ်လက်ဖက်သေံ နဒဒှ်စၞစဂယးဂှ်ဝွံ ၜိုန်ရထံက်ပၚ်ကဵု ဇြဟတ်တၟာဂလိုၚ်မာန်ကီုလေဝ် ဒၟါနူသ္ကဵုဇီုကပိုက်ကဵု ပရေၚ်ထတ်ယုက်မာန်ဂှ်ရ ထေက်ကဵုဒးဝေၚ်ပါဲရောၚ်ဂှ် ဌာနက္ဍိုက်ပ်ပရေၚ်ထတ်ယုက်သေံ ဟီုဂးလဝ်ရ။
ပ္ဍဲကဵုမဂၞန်စှ် ကဆံၚ်လ္တူ TasteAtlas မဒှ်ဒၞါဲထ္ၜးဂၠံၚ်အာတရဴအောန်လာၚ် ထ္မံက်ထ္ၜးဒၟံၚ် တၚ်ကဵုကသပ် အ္စာပါ်ပါဲဂမၠိုၚ် ကေုာံ ညးစိုန်သ္ကီုပ္ဍဲအရာဍုန်တိုပ် အလုံဂၠးတိဂှ် ကြဴနူစၞစၜါသာ်ဏံ စိုပ်ကၠုၚ်တုဲဂှ် တၚ်ကဵုသတိ ဌာနပရေၚ်ထတ်ယုက်သေံတံ မံက်တိတ်ကၠုၚ်လဝ်ရ။
အပ္ဍဲဂိတုဖေဖဝ်ဝါရဳဂှ် စၞစပထံၚ်ကိုဝ် ဏံဂှ်ဝွံ လုပ်လဝ်စရၚ် စၞစသ္ကဲဂၠံၚ်ခိုဟ်အိုတ် လ္တူဂၠးတိဏံဂှ်တုဲ ဍာ်လက်ဖက်သေံဂှ်တှ်ေ ဂွံလဝ်မဂၞန် ၇ နဒဒှ်ဍာ်သုရာဟွံသေၚ်မွဲရ။
ပထံၚ်ကိုဝ် မခၞါလဝ်ဝိုဟ်ပြောမ်မ်ဂှ်ဝွံ ပ္ဍဲကဵုဍုၚ်သေံဂှ် ဒှ်စၞစဂယး စသုၚ်ဒၟံၚ်အဓိကတုဲ တောဲစကဵု ဍာ်ကဝ်ဖဳ၊ ဍာ်တှ်ခတ်တ်တံရ။
“သွက်ဂွံဒှ်စၞစ ထက်ယုက်ဂှ် မိက်ဂွံကဵုကသပ် သွက်ဂွံပါဲစကဵုစၞစ ၂ ဂကူဏံရ” သာ်ဝွံ ဌာနက္ဍိုက်ပ်ပရေၚ်ထတ်ယုက်သေံ ပ္တိတ်တၚ်လလောၚ်တြးတုဲ ဟီုဂးလဝ်ရ။
“ပထံၚ်ကိုဝ်ဂှ် ဒှ်ကွာၚ် ကာဗိုဝ်ဟိုက်ဒြုက်ကဵု ကၠေၚ်တံ ပါလုပ်မွဲတုဲ ဇြဟတ်ဍေံဂှ် သၠုၚ်ဒၟံၚ်ဏောၚ်။ သွက်ညးဇြဟတ်အောန် နွံပၟိက်ကဵုဓတ်တံဂှ်တှ်ေ စသုၚ်ဂွံဒၟံၚ်ရ။ ဆ္ဂး နူကဵု baking soda ဟွံသေၚ်မ္ဂး နူကဵုၜဵုဂှ် ဟိုတ်နူဓာတ်သဵုဒဳယာမ် ပါလုပ်ဒၟံၚ် တၟာဂလိုၚ်ဂှ်ရ သွက်ညးယဲဆီၜေတ်လောန်ၜက်တံကဵု ယဲကအ်ဂုဟ် (thyroid) တံဂှ်တှ်ေ ဟွံဒးရးပုဟ်” သာ်ဝွံ ဒံက်တာ Suwanchai ဟီုဂးလဝ်ရ။
သ္အာၚ်နူဂှ်ပၠန် ပ္ဍဲကဵုဍာ်လက်ဖက်ဂံက်က် ၂၀၀ မဳလဳလဳတာဂှ်လေဝ် ကာဗိုဝ်ဟိုက်ဒြုက် ၆၉ ဂရာမ်၊ ကၠေၚ် ၁၅ ဂရာမ် ကေုာံ သဂြာ ပမာဏၜိုတ် ၁၃ ဇန်ဍာ်လက်ဖက်မၞုံဂှ် ၅၃ ဂရာမ်ပါလုပ်တုဲ က္တဵုဗဒှ်ကဵုပြသၞာပရေၚ်ထတ်ယုက်မာန်ရောၚ် ဒံက်တာသူဝါန်ချာဲဂှ် ဆက်ဟီုဂးလဝ်ရ။
ဇၟာပ်ပ်မၞိဟ် မွဲတ္ၚဲ စသုၚ်သဂြာ ဂၠိုၚ်နူကဵုတြဴဇန်ဍာ်လက်ဖက်ဟွံထေက်တုဲ ပွမစသုၚ်ကဵု ဍာ်လက်ဖက်သေံဂံက်က် မွဲဏှမွဲဏှဂှ်ဝွံ က္တဵုဗဒှ်ကဵု ယဲပဿဴဍာတ်၊ ယဲကေန်သာ၊ ယဲဆီၜေတ်၊ ယဲကြောံတဴဗွဲ၊ ယဲဆက်စပ်ကဵု လတေၚ်ကောန်တၟံ ကေုာံ လတေၚ်က္ဍဟ်တံမာန်ရ။
“ပၟိက်ဇၞော်အိုတ်ဂှ်တှ်ေ ဇၟာပ်ဇကုစ ညံၚ်ဂွံပ္ၚတ်လၚ်အာဂှ် သွက်ဂွံဝေၚ်ကဵုကာယတံဂှ် လ္ပဝိုတ်ညိ” သာ်ဝွံ ဒံက်တာ သူဝါန်ချာဲ ထပ်ဟီုလဝ်ရ။
ပထံၚ်ကိုဝ်ဂှ်လေဝ် သုၚ်စောဲလဝ် ကၠေၚ်ခၞါလဝ်တုဲတုဲ မသ္ကဵုဒှ်တဴကေန်သာမာန်တံလေဝ် ဒှ်မာန်တုဲ နကဵုညးစသုၚ်ဂမၠိုၚ် မွဲတ္ၚဲမ္ဂး ပထံၚ်ကိုဝ်ဏံ ဂၠိုၚ်နူကဵုၜါတၞုၚ် လ္ပစညိဂှ် ဒဒှ်ရကဵုလဝ်ကသပ်ဂှ် ညးသောၚ်ကလးကဵုလဝ်ရ။
Ref; CNA
sanlontai