ရေဝ် – သေပ်တေမ်ဗာ(၁၄)
အလဵုအသဳညဳသၟဟ်ကောန်ဂကူ၊ ဌာနဝန်ဇၞော်ပရေၚ်စဵုဒၞာ ဒပ်ဂဥုဲ ဒပ်ပၞာန်စဵုဒၞာညးဍုၚ်ကွာန် (PDF) ကရောၚ်ပၞာန်ဒဝ်န မၚ်မွဲရံၚ်စံၚ်ကဵုလဝ် ပရေၚ်ထတ်ယိုတ်ညးဍုၚ်ကွာန် ပွိုၚ်ဍုၚ်ရေဝ် တွဵုရးဍုၚ်မန်ရဂှ် ဌာနဝန်ဇၞော်ပရေၚ်စဵုဒၞာ NUG လလောၚ်တြး ပ္တိတ်လဝ်ပရိုၚ်ရ။
နူကဵုဂိတုဂျူလာၚ်တုဲကၠုၚ်တေံ စဵုကဵုဂိတုအဝ်ဂါတ်အိုတ်ဏံ ပ္ဍဲကွာန်မၞုံပွိုၚ်ဍုၚ်ရေဝ် (၆)ကွာန် မၞိဟ်တြုံ (၆၇)တၠ၊ မၞိဟ်ဗြဴ (၅၁)တၠ ကေုာံကောန်ၚာ် သၟဝ်အာယုက်မသုန်သၞာံ (၅)တၠ အပံၚ်လၟိဟ် (၁၂၃)တၠ လွဳလွတ်ကဵုလဝ်ရ။
အခိၚ်ကာလလၟုဟ်ဏံ ဟိုတ်နူဒှ်ဒၟံၚ်ရာသဳကသီုတုဲ ယဲဇွဟ် ကေုာံယဲမနက်တအ် ဒှ်ဒၟံၚ်ဂၠိုၚ်အိုတ်တုဲ ဒပ်ပၞာန်စဵုဒၞာညးဍုၚ်ကွာန် (PDF) ဒပ်ဂဥုဲကရောၚ်ပၞာန်ဒဝ်နဂှ် သွက်ဂွံကဵုပညာသ္ဇိုၚ်ပရေၚ်ထတ်ယိုတ် ပ္ဍဲအရာပ်ကွာန်တအ်ဂှ် တန်ဗ္တောန်ဆေၚ်ကဵုကွတ်ပညာဂဥုဲ မနွံပၟိက်တအ်လေဝ် ပံက်ဗ္တောန်ဖျေံပ္တိုန်ဒၟံၚ်ရဂှ် ဟီုလဝ်ရ။
ဗီုရုပ် – MOD
sanlontai