ကျာ်ထဝ်၊ သေပ်တေမ်ဗာ (၁၆)
ဂကောံဒပ်ပံၚ်ကောံ ဂကောံဇြဟတ်ပၠန်ဂတးတံ အာစိုပ်ပန်ပှော်ဗ္တိုက်လဝ် နကဵုလွဟ်ဇၞော် ကုဗ္ဒိုပ်ဗၠာဲသၟိၚ် (သိမ်ဇရပ်) မၞုံဍုၚ် (သိမ်ဇရပ်) ၊ ပွိုၚ်ဍုၚ်ကျာ်ထဝ်၊ တွဵုရးဍုၚ်မန်တံဂှ် ဂွံတီကေတ် ဇရေၚ်ဂကောံဒပ်စဵုဒၞါဒေသတံရ။
ဗ္ဒိုပ်ဗၠာဲသၟိၚ် (သိမ်ဇရပ်) မဖျေံဒၟံၚ်သ္ဇိုၚ် သီုကောန်ဒပ်ကံၚ်ဇြဳပၞာန် သီုဗၠာဲသၟိၚ်တံဂှ် ပ္ဍဲဂိတုသေပ်တေမ်ဗာ (၁၄) အခိၚ်ဇိုၚ်သဝ်တ္ၚဲ ၜိုတ် (၅) နာဍဳဂှ် နူကဵုလ္ပာ်ဂကောံဒပ်ပံၚ်ကောံတံ ပန်ပှော်ဗ္တိုက်လဝ်ကဵု လွဟ်ဇၞော် ၄၀ မမ (၇) မရ။
ပ္ဍဲကဵုပရေၚ်ဗ္တိုက်ဏံဂှ် ကမ်လွဟ်ဇၞော်လ္ၚဵု ဒတုံဗ္တိုဟ်ထ္ကးအာလဝ် အပ္ဍဲဗ္ဒိုပ်ဗၠာဲသၟိၚ်တံ နွံတုဲ ဂွံဝပ်ဇီုကပိုက်တံကဵု ပရေၚ်လီုလာ် ဗွဲလစှ်ေတံဂှ် ဆက်ဂၠိုက်ဂၠါဲဒၟံၚ်ရောၚ် ညးတာလျိုၚ် ဂကောံဒပ်စဵုဒၞါဒေသမွဲတၠ ဟီုဂးလဝ်ရ။
ကြဴနူဗ္ဒိုပ်ဗၠာဲသၟိၚ် (သိမ်ဇရပ်) ဒးဒုၚ်ဗ္တိုက်တုဲဂှ် နူကဵုလ္ပာ်ကံၚ်ဇြဳပၞာန်တံ ဟိုတ်နူပန်ပှော်လဝ် လွဟ်ဇၞော်၊ လွဟ်ဍောတ်တံ ကြာန်န်ဂှ်ရ ပ္ဍဲကဵုညးဍုၚ်ကွာန်ဒေသတံဂှ်လေဝ် အရာမဒှ်ဓဝိၚ်ဖေက်လကိုတ်တံ က္တဵုဒှ်လဝ်ရောၚ် ဂွံတီကေတ် အတိုၚ်ဂလာန် ညးဒေသတံရ။
ဗ္ဒိုပ်ဗၠာဲသၟိၚ် (သိမ်ဇရပ်) ဂှ်ဝွံ အပ္ဍဲကာလသီအဝဵုဏံ ဒးဒုၚ်ဗ္တိုက်လဝ် ဟွံအောန်နူကဵု ၅ ဝါတုဲ လ္ပာ်ကံၚ်ဇြဳပၞာန်တံ ဇီုကပိုက်ချိုတ်ဂှ် နွံလဝ်ရ။
ပ္ဍဲကဵုဍုၚ် (သိမ်ဇရပ်) ဒၞါဲဂကောံဇြဟတ်ပၠန်ဂတးတံ ဇြဟတ်ခိုဟ်ဒၟံၚ်ဂှ် အပ္ဍဲဂိတုအဝ်ဂါတ်တုဲကၠုၚ်တေံ ဂကောံဒပ်စဵုဒၞါညးဍုၚ်ကွာန် PDF တံ ပါလုပ်သီုကဵု ဒပ်ပၞာန်ဗၠးၜးကောန်ဂကူကရေၚ် KNLA တံဂှ် သွက်ပရေၚ်အုပ်ဓလီုတိဍာ်တုဲ တိုန်ဍုၚ်စၟဳတ်ဒၟံၚ်တံ ကၠောန်ၜိုတ်လဝ်ရ။
ပရိုၚ်−သြၚ်လောန်တိုၚ်(မ်)
sanlontai