ဒါကာ၊ သေပ်တေမ်ဗာ (၁၆)
ပ္ဍဲဗေန်ဂလာဒေတ် ကိုပ်ကၠာနူပေါဲရုဲမာဲဂတဏံ ဂွိုအ်စိုပ်ဏီ နဒဒှ်ပရေၚ်ပါ်ထ္ကးအလဵုအသဳမွဲတုဲ ဖျေံလဝ်ဒဏ်ထံၚ် ကုညးချဳဒရာၚ်ကတိုၚ်ကၟဟ် အခေါၚ်အရာမၞိဟ် (၂) တၠ ညးမွဲ (၂) သၞာံရ။
နူကဵုရုၚ်သၞောဝ်ဓဝ် ဗေန်ဂလာန်ဒေတ်မွဲဂှ် ဒဒှ်ရဖျေံဏာဒဏ်ထံၚ် ကုက္ဍိုပ်သ္ကိုပ် ဂကောံအိုဝ်ဒဳကာ အဒါလုရာမ်မာခါမ် ကေုာံ နာသေဝ်ရူဒဳအေဝ်လာန်တံ ဒဏ်ထံၚ် ၂ သၞာံစၟအ်အ်ဂှ် နာဲဗ္စာဂှ် ဟီုဂးလဝ် ပ္ဍဲကဵုရုၚ်သၞောဝ်ဓဝ်ဂှ်ရ။
ခါမ် အာယုက် (၆၃) သၞာံဂှ်ကဵု အေဝ်လာန် အာယုက် (၅၇) သၞာံတံဂှ်ဝွံ ဒှ်ညးက္ဍိုက်လဝ်က္ဍိုပ် ကုဂကောံအိုဝ်ဒဳကာဏံ ဂၠိုၚ်ကဵုစှော်သၞာံရ။ ဂကောံညးတံဝွံ ဒှ်ညးမကၠောန်ၜိုတ်လဝ် သွက်ဂွံကေတ်စၟတ်သမ္တီ ကုပရေၚ်ညးချဳဒရာၚ်ကတိုၚ်ကၟဟ် မဒးဒုၚ်ပလေံထောံ အနိၚ်အပိုၚ်ဂှ်ကီု၊ ပရေၚ်ဒးဒုၚ်ဂစိုတ် ဟွံမွဲကဵုသၞောဝ်ဓဝ်တံဂှ်ကီု၊ သွက်ဂွံစၟတ်သမ္တီ ပရေၚ်ကြမ်ကြဓဇန် ဂကောံဒပ်ဗၠာဲသၟိၚ်တံဂှ်ရောၚ် မဒှ်ရ။
စပ်ကဵုပရေၚ်ထ္မံက်ပ္တိတ် ပရေၚ်ဂစိုတ်ဂယိုၚ်ဟွံမွဲကဵုသၞောဝ်ဓဝ် မပကောံပကေဝ်လဝ် လောန်ကၠုၚ် ၁၀ သၞာံတေံဂှ်တုဲ က္ဍိုပ်သ္ကိုပ်ဂကောံဏံဂမၠိုၚ်ဝွံ ဒးဒုၚ်စောဲလဝ်ဂဗုတ် စပ်ကဵုအမှုရာဇဝတ်ရောၚ် မဒှ်ရ။
“ဟိုတ်နူပ္တိတ်တြး ပရိုၚ်ဗၠေတ်ဂမၠိုၚ်ကီု၊ သ္ကဵုဇီုကပိုက်တဴ ပရေၚ်ဘာသာ ကေုာံ ပရိုၚ်ဂုန်စရာဲ ကၟိန်ဍုၚ်ဂှ်ရ ဖျေံစၟတ်အာ ဒဏ်ထံၚ် (၂) သၞာံစၟအ်အ်ရောၚ်” ဂှ် ညးရေၚ်တၠုၚ်ဂဗုတ်အလဵုအသဳ ယှာမေန် ဟီုဂးလဝ်ကဵု အေအေဖ်ပဳရ။
စပ်ကဵုအကာဲအရာပရေၚ်ဍုၚ်ကွာန် ဗေန်ဂလာန်ဒေတ် ကၠာဂွိုအ်စပ်ပေါဲရုဲမာဲ မကၠောန်ဗဒှ်အာ ပ္ဍဲဂိတုဂျာန္နဝါရဳတေံဂှ်တုဲ အလဵုအသဳကၟိန်ဍုၚ်ပလိုတ်ဗွဲမဂၠိုၚ် ဒဒှ်ရဂွိၚ်ဂွါဲတဴဂှ် ထ္မံက်ပ္တိတ်ဟီုဂးလဝ်အိုတ်ရ။ အခိၚ်လၟုဟ်ဂှ်လေဝ် ဗော်ဂွံအဝဵုဂှ်ဝွံ အုပ်ဓလီုလဝ် ကၠတ်ထဝ်ဂှ်တုဲ ကၠောန်သ္ပဒၟံၚ် ညံၚ်ရဴအသံအမိၚ်မွဲပါၚ်ဓဝ်ရောၚ်ဂှ် သ္ဂးရ။
“တၚ်စဳရေၚ်ဏံဂှ် ဒှ်အရာပလံၚ်ဗ္စိုပ်ဏာပရိုၚ် ဘပဠ ကုညးမစဵုဒၞါအခေါၚ်အရာမၞိဟ် အပ္ဍဲဍုၚ်တံတုဲ က္တဵုဗဒှ်ကဵုအခက်အခုဲ လ္တူပရေၚ်ချဳဒရာၚ်ညးတံ ဗွဲမလောန်ရောၚ်” ဂှ် ဇၞော်သ္ကိုပ်ဂကောံအခေါၚ်အရာမၞိဟ်ဂကောံဂှ် ဟီုကဵု အေအာဖ်ပဳရ။
သွက်ဂွံဖျေံတၚ်စဳရေၚ်ဂှ် မ္ၚးနူကဵုညးတံမၞိဟ်ၜါဂှ် ကလုတ်တမာန်ဍုၚ်သ္အာၚ်တၞဟ်ဟ်ဗွဲမဂၠိုၚ်လေဝ် စိုပ်ဒၟံၚ် ပ္ဍဲကဵုရုၚ်သၞောဝ်ဓဝ် ဍုၚ်ဒါကာဂှ်ကီုရ။
ဂကောံအိုဝ်ဒဳကာဂှ်ဝွံ စၟတ်သမ္တီလဝ် ပရေၚ်ဝးပ္ကဝ်အခေါၚ်အရာမၞိဟ် ပ္ဍဲကဵုဗေန်ဂလာန်ဒေတ် နူကဵုသၞာံ ၁၉၉၄ တေံဂှ်တုဲ ညးတံဝွံ ကၠောန်ကၠုၚ်လဝ် ကရောံဂကောံကုလသမဂ္ဂ၊ ဂကောံအခေါၚ်အရာမၞိဟ်တံ ကြပ်ပ်ရောၚ် မဒှ်ရ။
ဗေန်ဂလာန်ဒေတ်ဝွံ သွက်ဂွံဘပဠ က္ဍိုပ်သ္ကိုပ်ဂကောံမှာဇန်တံကဵု သၟာအခေါၚ်အရာမၞိဟ်တံဂှ်တုဲ စပ်ကဵုရပ်စပ်စကာဒၟံၚ် ပရေၚ်စောဲဂဗုတ်တံဂှ်တုဲ ပ္ဍဲဂိတုဏံ အခိၚ်ပြဟ်ဟ်တေံဂှ် ကုလသမဂ္ဂ ပ္တိတ်လဝ်တၚ်ကဵုသတိရ။
ညးတံသီုၜါတၠဂှ်ဝွံ ဒးဆေၚ်လဝ်မုက် ပရေၚ်ပထုဲပလာပ်တံကဵု ပရေၚ်ဘပဠတံရောၚ်ဂှ် ညးမၞုံအခေါၚ်ဟီုဂး ရုၚ်အခေါၚ်အရာမၞိဟ် ကုလသမဂ္ဂ ညးဗြဴ ရာဗဳနာယှာမ်ဒါသာမဳ ဟီုဂးလဝ် ပ္ဍဲကဵုသတ္တာဟတုဲကၠုၚ်တေံဂှ်ရ။
ဒါကာဂှ် ကလေၚ်ခၠေဝ်ပလန်လဝ် ကုတၚ်စၟတ် ကုလသမဂ္ဂဂှ် သီုကဵုဒေါသတုဲ အရာဏံဝွံ ဟွံသှ်ေရှ်ေတဴ လ္တူသၞောတ်စဳရေၚ်ဂဗုတ်ညးတံ မံက်က်ထေၚ်ၚ်ရောၚ်ဂှ် သ္ဂးလဝ်ရ။
အလဵုအသဳ သ္ကိုပ်ဝန်ဇၞော် ယှုက်ဟာသဳနာဂှ် ကြဴနူစောဲစပ် အိုဝ်ဒဳကာ ဒဒှ်ရသ္ကဵုဇီုကပိုက်တဴ ဂုဏ်သိက္ခာ ဗေန်ဂလာန်ဒေတ်တုဲဂှ် ရုပ်သီထောံလဝ် လာၚ်ဇြေန်ကမၠောန်ရ။ ဟိုတ်နူပြဝဏံတုဲ ဒးဒုၚ်ဟီုဗျိဖျေံကဝုလဝ် နူကဵုညးချဳဒရာၚ်ကတိုၚ်ကၟဟ်တံအိုတ်ရ။
Ref; CNA
sanlontai