ဝန်ဇၞော်ကာစဵုဒၞါကြုက် ဒးဒုၚ်ဂၠိုက်ဂၠါဲစၟဳတ်ဒၟံၚ် နကဵုဂဗုတ်စလာပ်ဗဇဴ

ဗေကျေန်၊ သေပ်တေမ်ဗာ (၁၇)

ဝန်ဇၞော်ကာစဵုဒၞါကြုက် လဳယှာန်ဖူ မကၠေံဒၟံၚ်နူကဵုမတ်မၞိဟ် ၜိုတ်ၜါသတ္တာဟဂှ် သၟိၚ်တၠအဝဵုကြုက်တံ ဂၠိုက်ဂၠါဲစၟဳတ်ဒၟံၚ်ရောၚ် နိဿဲကေတ် ဂလာန်ပရိုၚ်တမ်ရိုဟ် ပတှ်ေဖျေံစိုတ်ဂွံ (၁၀) တၠတံတုဲ ဌာန်ပရိုၚ်ရိုက်တာ ထ္မံက်ထ္ၜးလဝ်ရ။

အတိုၚ်ဂလာန် သၟိၚ်တၠအဝဵု ပရေၚ်ဂီုကၠီုဒေသန္တရ ဆက်စပ်ဒၟံၚ်ကဵု ပရေၚ်ပၞာန်ကြုက်တိုက်ရိုက်နွံဂှ်မ္ဂး ကိစ္စ မေဿတာလဳ ဒးဒုၚ်စၟဳတ်ဂှ်ဝွံ ဆက်စပ်ဒၟံၚ်ကဵု ပရေၚ်ရာန်ကေတ်လွဟ်လက်နက်ပၞာန်တံရောၚ်ဂှ် ဟီုဂးလဝ်ရ။

ဆ္ဂး ဆက်စပ်ဒၟံၚ်ကဵု ပရေၚ်ရာန်ကေတ်လွဟ်လက်နက်ပၞာန်သာ်လဵုရောဟီုဂှ် နကဵုဌာန်ပရိုၚ်ရိုက်တာ ဂၠိုက်ဂၠါဲစၟဳတ်ကေတ်ဟွံဂွံဏီပုဟ်ဂှ်လေဝ် သ္ဂးရ။

စပ်ကဵုပရေၚ်ရာန်ကေတ်လွဟ်လက်နက်ပၞာန် နူကဵုသၞာံ ၂၀၁၇ စဵုကဵုသၞာံ ၂၀၂၂ သၞာဲဒဴကြုက် ကဆံၚ်သၠုၚ်ၚ်တံ စဵုကဵု ၈ တၠပါလုပ်ဂှ်တုဲ ဂၠိုက်ဂၠါဲစၟဳတ်ဒၟံၚ် မေဿတာလဳဂှ်တုဲ ပ္ဍဲကဵုညးတံ (၂) တၠဂှ်ဝွံ ဆက်စပ်ဒၟံၚ် ကုဒပ်ပၞာန်တိုက်ရိုက်နွံဂှ် ဂွံတီကေတ်ရ။

ပရေၚ်စၟဳတ်ဏံဂှ် ကဝ်မယှေန်အဇာဇၞော် ပရေၚ်ထိၚ်ဒက်စေဝ်ပၞောန်ပၞာန် ဒပ်ပၞာန်ကြုက် ဂၠိုက်ဂၠါဲစၟဳတ်ဒၟံၚ်ရောၚ် မဒှ်ရ။

ညးမၞုံတာလျိုၚ် ဌာနဝန်ဇၞော် ကာဍုၚ်သ္အာၚ်ကြုက်ဂှ် စပ်ကဵုကိစ္စဏံတုဲ နကဵုညးတံ တီလဝ်ဟွံမွဲပုဟ်ဂှ် ဟီုလဝ်ကဵု ဌာန်ပရိုၚ်ရိုက်တာရ။

ကံၚ်ဇြဳကၟိန်ဍုၚ်ကဵု ဝန်ဇၞော်ကာစဵုဒၞါဒပ်ပၞာန်ဂှ် စပ်ကဵုတၚ်သၟာန် ဌာန်ပရိုၚ်ရိုက်တာဂှ်တုဲ ကလေၚ်ခၠေဝ်သှ်ကဵုလဝ်ဂှ် ဟွံမွဲတုဲ ဇရေၚ်မေဿတာလဳဂှ်လေဝ် ဆက်စၠောံလဝ်ဟွံဂွံပုဟ်ဂှ် ဂွံတီကေတ်ရ။ ပ္ဍဲကဵုတၚ်ပလံၚ်ဗစိုပ်ပရိုၚ် The Financial Times မနိဿဲပ္တိုန်ထ္ၜးလဝ် ကုသၟိၚ်တၠအဝဵုအမေရိကာန်တံဂှ် ဂၠိုက်ဂၠါဲစၟဳတ်ဒၟံၚ် လဳဂှ်ရောၚ်ဂှ် အလဵုအသဳအမေရိကာန် ညာတ်လဝ်သာ်ဏံဂှ် ဂွံတီကေတ်ရ။

ညးမၞုံကဵုကဆံၚ် ဖျေံသ္ဂုတ်သွာတ်မာန် ပ္ဍဲကဵုဗေကျေန်မွဲဂှ် သွက်ဂွံဂၠိုက်ဂၠါဲသၟာန်သၟုက် ကုမေဿတာလဳတုဲ ပ္ဍဲကဵုသတ္တာဟတုဲကၠုၚ်တေံ ကော်ဏာလဝ်ရောၚ် ညးမစုက်လုက်ကဵု ပရေၚ်ဒဒှ်ဏံမွဲတၠ ဟီုဂးလဝ်ကဵု The Wall Street Journal ရ။

လၟေၚ်ဒဒှ်ဏံဝွံ အခိၚ်ဒးရုန်ဂ္စါန်ပ္တိတ်ဒၟံၚ်ဇြဟတ် သွက်ဂွံကလေၚ်ဖအောန်ဖျေံ မူဝါဒကဝ်ဝေဒ်ဍုၚ်ကြုက် မတေၚ်ဂြတ်ဂှ် မံက်ဂတဝ်ကၠုၚ်တုဲ အခိၚ်လၟုဟ် နူကဵုကလုတ်တမာန်လ္ၚဵုတံကဵု ညးလ္ၚတ် လ္တူအပြံၚ်အလှာဲက္ဍိုပ်သ္ကိုပ်ဍုၚ်ကြုက်တံဂှ် တၚ်သၟာန်ဂမၠိုၚ် မံက်တိတ်ကၠုၚ်ဒၟံၚ်ရ။

Ref: REUTERS