တ္ၚဲလလောၚ်တြးလဝ် ပၞာန်ပၠန်ဂတးဒစဵုဒစး ပေၚ် (၂)သၞာံ၊ အသိၚ်ဒမြိပ်ပရေၚ်ပၞာန်၊ အဆုဲအပြံၚ်ပရေၚ်ဍုၚ်ကွာန်

(Myanmar Peace Monitor Weekly Peace Review)

ဂိတုသေပ်တေမ်ဗာ စၟတ်တ္ၚဲ (၇)ဂှ် ဒှ်တ္ၚဲလလောၚ်တြးလဝ် ပၞာန်ပၠန်ဂတးဒစဵုဒစး ပၠန်ဂတးက္ညၚ် ပေၚ်(၂)သၞာံရ။ အလုံမွဲကၟိန်ဍုၚ် “ဂတာဂၠုၚ် ဗုၚ်ကွဳ ပၞောန်ဒ္စေၚ်ဟွံသှ်ေ” သွက်ဂွံချဳဒရာၚ်ပၞာန်ပၠန်ဂတးဒစဵုဒစးဂှ် အလဵုအသဳညဳသၟဟ်ကောန်ဂကူ (NUG) လလောၚ်တြးလဝ် ပ္ဍဲဂိတုသေပ်တေမ်ဗာ စၟတ်တ္ၚဲ (၇) သၞာံ ၂၀၂၁ တေံရ။

စဵုကဵုဂိတုသေပ်တေမ်ဗာ စၟတ်တ္ၚဲ (၇) ပ္ဍဲပွိုၚ် (၂)သၞာံဏံ အသိၚ်ဒမြိပ်ပၞာန် ပၠန်ဂတးဒစဵုဒစး ကေုာံ ဗလးမုက်ပရေၚ်ပၞာန် ဆုဲပြံၚ်သၠဲတိုန်ကၠုၚ်ဒၟံၚ်ဂှ် ကၠးထေၚ်ကၠုၚ်ဒၟံၚ် ဒးဟီုရ။ ပ္ဍဲမွဲအဆက်ဓဝ်ဂှ် အကြာဂကောံဇြဟတ်ပၠန်ဂတး လုပ်ဒၟံၚ်ပေါဲဗတိုက် ကုဂကောံပၞာန်သီအဝဵု မွဲဂကောံမွဲကလောံညးသ္ကအ်ဂှ် ပရေၚ်ဇီုဓဗတ်၊ ကယျာန်ဓဝါတ်ဂမၠိုၚ်လေဝ် ဒဒှ်ရလဇပၠအ်ဒၟံၚ် အသိၚ်ဒမြိပ်ပၞာန်ပၠန်ဂတး ကေုာံ အဆုဲအပြံၚ်ပရေၚ်ဍုၚ်ကွာန်ဂှ် ဂွံဆဵုညာတ်ကေတ်ရ။

ပ္ဍဲကဵုတၚ်သ္ၚဳဂၠိပ်ပရိုၚ် BNI-Myanmar Peace Monitor လၟေၚ်သတ္တာဟ သွက်သတ္တာဟဏံဂှ် ပ္ဍဲမွဲကာလ လလောၚ်တြးလဝ် ပၞာန်ပၠန်ဂတးဒစဵုဒစး ပေၚ် (၂)သၞာံဏံ သွက်ဒမြိပ်အသိၚ်ပၞာန်၊ အဆုဲအပြံၚ်ပရေၚ်ဍုၚ်ကွာန်ဂှ် ဒုၚ်သ္ဇိုၚ်ကဵု ဂလာန်လၟိၚ်ထ္ၜးသ္ဇိုၚ်ကၟိန်ဍုၚ် သမ္မတယာယဳ ဒူဝါလယှဳလ NUG ကေုာံ တၚ်ဂၞၚ်ပရောပရာ လိက်ဒုၚ်စဳရေၚ် ဌာနဝန်ဇၞော်ပရေၚ်စဵုဒၞာ NUG တ္ၚဲပၠန်ဂတးဒစဵုဒစး ပေၚ် (၂)သၞာံဂှ်တုဲ လ္ၚတ်သ္ၚဳဂၠိပ် ပ္တိုန်ထ္ၜးလဝ်ရ။

လိက်စံၚ်တၚ်သ္ၚဳဂၠိပ်တအ်ဂှ် နူ Link ဓမံက်ထ္ၜးလဝ်သၟဝ်ဏံမွဲကဆံၚ် ဗှ်လ္ၚတ်ကေတ်မာန်ရ။

https://tinyurl.com/368xdx9w

တၚ်သ္ၚဳဂၠိပ်သတ္တာဟတုဲကၠုၚ်တေံဂှ်မ္ဂး ပ္ဍဲကဵု Link ဓမံက်ထ္ၜးလဝ်သၟဝ်ဝွံ လုပ်ဗှ်လ္ၚတ်ကေတ်မာန်ရ။

https://www.mmpeacemonitor.org/category/weekly-news-reviews/

Website ရိုဟ်ကၞက် အစဳဇန်လ္ၚတ်သ္ၚဳဂၠိပ်ပရေၚ်ၜိုဟ်လလံကၟိန်ဍုၚ်ဗၟာ (Myanmar Peace Monitor) ပရိုၚ်ဗၟာကၟိန်ဍုၚ်နာနာ (BNI) ဂှ်မ္ဂး ပ္ဍဲကဵု Link ဓမံက်ထ္ၜးလဝ် ကဵုသၟဝ်ဝွံ လုပ်ဗှ်လ္ၚတ်ကေတ်မာန်ရ။

စပ်ကဵုလိက်စံၚ် BNI- MPM လၟေၚ်သတ္တာဟတုဲ နကဵုညးဗှ်လ္ၚတ်တအ် လိက်ပါ်ပါဲကဵုကသပ်တအ်ဂှ်လေဝ် ပလံၚ်ဗစိုပ်ကဵုနၚ် တိုက်ရိုက်မာန်ရ။