မိုဝ်ဗျာ၊ သေပ်တေမ်ဗာ(၂၁)
ညံၚ်ဟွံဂွံသုၚ်စောဲအာကၠုၚ် ပ္ဍဲအရာပ်လ္တူဍုၚ်မိုဝ်ဗျာကဵု ဂၠံၚ်ဇၞော်ကာတ္တရာ ဆက်စၠောံလဝ်မိုဝ်ဗျာ- နာန်ခုမ်မေဝ် တွဵုရးကရေၚ်ဍာဲဂှ် ဒပ်စဵုဒၞာညးဍုၚ်ကွာန်မိုဝ်ဗျာတအ် လလောၚ်တြး ကဵုလဝ်သတိ ပ္ဍဲဂိတုသေပ်တေမ်ဗာ စၟတ်တ္ၚဲ(၂၁)တ္ၚဲဏံရ။
ဟိုတ်နူဒပ်ကံၚ်ဇြဳပၞာန် ပါံစွံလဝ်မာၚ် ပ္ဍဲကဵုအရာပ်ပေါဲကုမ် ၂၊ ပေါဲကုမ် ၃၊ ဇြဳကာ ၁၊ ဇြဳကာ ၃၊ ဒုန်ဒူထာန်၊ သေတ်တဝ်ရာ ကေုာံ အရာပ်ဇြဳကာ လ္တူဍုၚ်မိုဝ်ဗျာတအ်ဂှ်တုဲ ဒဒှ်ရဒးလလောၚ်တြးလဝ်ဗီုဏံရဂှ် ဒပ်စဵုဒၞာညးဍုၚ်ကွာန်မိုဝ်ဗျာ ဟီုသ္ဂးလဝ်ရ။
သ္အာၚ်နူဂှ်ပၠန် ဂၠံၚ်ကတ္တရာဇၞော် ကံၚ်ဇြဳပၞာန်သုၚ်စောဲဒၟံၚ်နဒဒှ် ဂၠံၚ်ဍာန်ထံက်ပလံၚ်မိုဝ်ဗျာ နာန်မေဝ်ခုမ်ဂှ်လေဝ် ညံၚ်ဟွံဂွံသုၚ်စောဲအာကၠုၚ်ဂှ် ဓမံက်လဝ် ပ္ဍဲတၚ်လလောၚ်တြးဂှ်ရ။
ကံၚ်ဇြဳပၞာန်ဂှ် မွဲဗွိုၚ်ပ္ဍဲဒၞာဲဖျေံလဝ်ဗဒိုပ် ပ္ဍဲတွဵုရးကရေၚ်ဍာဲတအ်ဂှ် အခိၚ်စ္ဍးတိတ် နူကဵုဗဒိုပ်တအ်ဂှ်မ္ဂး ဒဒှ်ရပါံစွံလဝ်မာၚ်ဂှ် ဒပ်စဵုဒၞာညးဍုၚ်ကွာန်တအ် ဟီုသ္ဂးလဝ်ရ။
ပ္ဍဲသၞာံ ၂၀၂၂ တုဲကၠုၚ်တေံ ဟိုတ်နူမိုၚ်တိုပ်တိတုဲ ကွးဘာတြုံဗြဴတအ် ဒးချိုတ်လဝ်လေဝ် ကေၚ်နွံကၠုၚ်ဒၟံၚ်ရ။
ပ္ဍဲကဵုလိက်ဒုၚ်စဳရေၚ် ဂကောံတာဒၞာမိုၚ်တိုပ်တိကၟိန်ဍုၚ်နာနာ ICBL ပေၚ်သၞာံ လလောၚ်တြးလဝ် ပ္ဍဲဂိတုနဝ်ဝေမ်ဗာ သၞာံတုဲကၠုၚ်တေံဂှ်လေဝ် အလုံမွဲဂၠးကဝ် နဒဒှ်ကၟိန်ဍုၚ်သုၚ်စောဲဒၟံၚ်မာၚ်တိုပ်တိဂှ် သှ်ေဒၟံၚ် ကၟိန်ဍုၚ်ဗၟာကဵု ရုယှာ (၂)ကၟိန်ဍုၚ်ဓဝ်ဟေၚ်တုဲ ပရေၚ်သုၚ်စောဲဂၠိုၚ်တိုန်ကၠုၚ်ဒၟံၚ်ရဂှ် ဓမံက်ထ္ၜးလဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – PDF မိုဝ်ဗျာ
sanlontai