ပ္ဍဲမဂွေ ကၠောန်ဗဒှ် ပေါဲစှ်ေဘာကွတ်ပၞာန်မောန်မာန် လၟေၚ်(၁)

မဂွေ – သေပ်တေမ်ဗာ(၂၂)

အလဵုအသဳညဳသၟဟ်ကောန်ဂကူ၊ ဌာနဝန်ဇၞော်ပရေၚ်စဵုဒၞာ ဒပ်ပၞာန်စဵုဒၞာညးဍုၚ်ကွာန် (PDF) ရုၚ်ပရေၚ်ကောပ်ကာဲရးမဂွေ ဒေသပၞာန် စၟတ်(၁) က္ဍိုက်က္ဍိုပ်ကၠောန်ဗဒှ်လဝ် ပေါဲစှ်ေဘာကွတ်ပၞာန်မောန်မာန် လၟေၚ်(၁) ပ္ဍဲတိဍာ်ထိၚ်ဒဝ် NUG မၞုံရးဒေသမဂွေရ။

ပ္ဍဲဂိတုသေပ်တေမ်ဗာ စၟတ်တ္ၚဲ (၁၉)တုဲကၠုၚ်တေံ ကၠောန်ဗဒှ်လဝ်အခန်ကၞာဂှ်တုဲ ညးတာလျိုၚ် PDF ရးမဂွေကေုာံ ညးတာလျိုၚ်ထံက်ခရိုၚ်၊ သ္ကိုပ်တံဒပ်၊ ဒုသ္ကိုပ်တံဒပ်တအ် တိုန်စိုပ်လဝ်တုဲ သီုရှ်ေသှ်ေလဝ်အလာံ PDF ကၠောန်ဗဒှ်လဝ်အခန်ကၞာန် နကဵုလၟေၚ်အစဳဇန် (၅)တန်ရ။

ပ္ဍဲကဵုဘာဂှ် ဗ္တောန်ကဵုလဝ် စေဝ်ပၞောန်ဆေၚ်ကဵုသွာၚ်ပၞာန် သ္ဂံၚ် PDF တအ် ဒးဒ္ဂေတ်ဗက် (Code of Conduct) ကီု၊ ဗ္တောန်ကဵုလဝ် ဗီုပၠဒပ်ကေုာံ ပန်ပှော်လွဟ်ဇၞော် ဍောတ်ရဂှ် ဒပ်ပၞာန်စဵုဒၞာညးဍုၚ်ကွာန် ရုၚ်ဂအုပ်ပၞာန် (PDF) ကဵုလဝ်သမ္တီရ။

ဗီုရုပ် – MOD