သွက်ဂွံစၞောန်ပျးသၞောဝ်တၟိ မပတေၚ်ဂြတ်အာ ကုပရေၚ်ရပ်စပ်တၞးဘၚ်တံဂှ် အမာတ်ကၠတ်ထဝ်သေံ ပလေဝ်ပ​လေတ်

ၜၚ်ကံက်၊ သေပ်တေမ်ဗာ (၂၁)

စေဝ်ပၞောန်သၞောဝ် ဒးဒးရးရး ဟွံမွဲမွဲသာ် ကြဴနူကဵုထောံအခေါၚ် ကုဂဥုဲၜူမာဲ အတိုၚ်သၞောဝ်တုဲဂှ် ညးစၞောန်ပျးသၞောဝ် ဍုၚ်သေံဂမၠိုၚ်ဝွံ သွက်ဂွံကလေၚ်ဓဇက် သၞောဝ်မွဲ ဒဒှ်ရသွက်ဂွံသုၚ်စောဲတၞးဘၚ် နကဵုတၚ်ရန်တၟံ သွက်ဂွံသ္ပဂဥုဲ ကေုာံ သွက်သုတေသနတံဟေၚ်ဂှ် ပ္ဍဲဂိတုသေပ်တေမ်ဗာ ၂၀ တေံ ဟီုဂးလဝ်ရ။

အပ္ဍဲသၞာံတုဲကၠုၚ်တေံ ဍုၚ်သေံဝွံ ၜိုန်ရဒှ်ကၠုၚ်ဍုၚ် အာယှဒိုဟ်အဂၞဲ မကဵုလဝ်အခေါၚ်တၞးဘၚ် ဗွဲမလုပ်သၞောဝ် ကိုပ်ကၠာအိုတ်ကီုလေဝ် ဟိုတ်နူစေဝ်ပၞောန် ချိုတ်တ်ပၠိုတ်တ်တံ ဟွံမွဲဂှ်ရ ဗွဲတၟေၚ် အကြာကောန်ၚာ်သၟတ်တံ ညံၚ်ဂွိုအ်သုၚ်စောဲဒး နကဵုအလဵုအသဳ ဒးပ္တိတ်လဝ် စေဝ်ပၞောန်စဵုဒၞါတံရ။

ဆေၚ်ဖျာသွံရာန်တၞးဘၚ်တံဂှ်ဝွံ ပ္ဍဲကဵုဍုၚ်ၜၚ်ကံက် ကေုာံ ဍုၚ်ဖူခါတ်တံဂှ် ဂၠိုၚ်တိုန်ကၠုၚ် မြက်က်ဇက်က်ရ။

“သွက်ဂွံသုၚ်စောဲ တၞးဘၚ်ဂှ် သွက်တၚ်ရန်တၟံ ဂွံသ္ပသုတေသနတံကဵု ဂွံသ္ပဂဥုဲတံဏောၚ်ဂှ် ထပ်တုဲဒးကဵုသမ္တီဏောၚ်။ သွက်ဂွံသုၚ်စောဲ ပရေၚ်ပြေလၟောၚ်ဂှ် မူဝါဒဂှ်ဟွံမွဲပုဟ်” သာ်ဝွံ ဗော် Bhumiaithai ဟီုဂးလဝ်ရ။

စပ်ကဵုကိစ္စတၞးဘၚ် ဍုၚ်သေံဂှ်တုဲ ပ္ဍဲကဵုသၞောဝ်အပြောံ မပလေဝ်ပလေတ်ဒၟံၚ်သွက်ဂွံပ္တိတ်တၟိဂှ် ဗၞတ်ဗ္ၜတ်တာဒၞါ ပွမရပ်စပ် အကြာညးဍုၚ်ကွာန်တံဂှ် ပါလုပ်တုဲ အရာမထိၚ်ဒက် ပွမသုၚ်စောဲ ဟွံဒးကဵုဒၞါဲတံ ပါလုပ်ကၠုၚ်ဏောၚ်တုဲ သွက်ဂွံပတုဲဒှ် လလောၚ်ပ္တိတ် သၞောဝ်ဏံဂှ် ဒးကေတ်အခိၚ်မွဲသၞာံဏောၚ် မဒှ်ရ။

ပ္ဍဲကဵုသၞောဝ်ဏံဂှ် ဒုဟ်ဒဏ်ဂမၠိုၚ် စပ်ကဵုတဵုတၞံဍေံကီု၊ သွံရာန် ကေုာံ တြးတံဂှ်သၟးဟွံက ပ္ဍဲကဵုဘာလကျာ်၊ ဘာဗ္တောန်လိက် ကေုာံ ဒၞါဲကၠအ်ပ္ကဴတံဂှ် ဗၞတ်ဗ္ၜတ်သာတုဲတေၚ်ဂြတ်တံလေဝ် ပါလုပ်ကၠုၚ်ဏောၚ်ဂှ် ဂွံတီကေတ်ရ။

အပ္ဍဲသတ္တာဟတုဲကၠုၚ်ဏံ သ္ကိုပ်ဝန်ဇၞော် သရဳထာ တာဗဳဇြေန်ဂှ် နကဵုညး သွက်ဂွံရပ်စပ်တၞးဘၚ်တံ ပ္ဍဲကဵုဒၞါဲဂွံသ္ပဂဥုဲတံသၟးရဂှ် ထံက်ဂလာန်တုဲ ပွမရပ်စပ် သွက်ပရေၚ်ပြေလၟောၚ်တံဂှ် ဟွံကဵုဒှ်ပုဟ်ဂှ်လေဝ် ဟီုဂးလဝ်ရ။

Ref: Reuters/wk