ကအ်သံၚ်၊ သေပ်တေမ်ဗာ (၂၃)
ဒပ်ကံၚ်ဇြဳပၞာန် ရပ်ကော်ဏာ ညးဒေသဒၟံၚ်ကွာန်ချံၚ်ဝ၊ ပွိုၚ်ဍုၚ်ကအ်သံၚ်၊ ရးဒေသဇၞော်တၞၚ်သဳတံ (၃၀) တၠပြၚ်ဂှ် ဂကောံအုပ်ဓုပ်ညးဍုၚ်ကွာန် ဍုၚ်ကအ်သံၚ် လလောၚ်ပ္တိတ်လဝ်ရ။
ဒပ်ကံၚ်ဇြဳပၞာန် ဇြဟတ်ဒပ် ဗ္ဒါဲ (၅၀) ပြၚ်ပါဂှ်ဝွံ ပ္ဍဲဂိတုသေပ်တေမ်ဗာ ၂၁ ဂှ် ပန်ပှော်စုတ်လွဟ်ဇၞော်၊ လွဟ်ဍောတ် ပ္ဍဲကွာန်ချံၚ်ဝကြာန်န်တုဲ ထ္ပက်ကၠုၚ်ကရောၚ်ပၞာန်ရ။
ဟိုတ်နူပရေၚ်ပန်ပှော် လွဟ်ဇၞော် ဒပ်ကံၚ်ဇြဳပၞာန်တံတုဲ မၞိဟ်တြုံအာယုက် ၆၀ မွဲတၠ ဒးမကမ်ချိုတ်အာလဝ်တုဲ ရပ်ဒက်ကော်ဏာလဝ် ညးဒေသမၞုံအပ္ဍဲကွာန်တံ (၃၀) ပြၚ်ရ။
ညးဒေသရပ်ဒက်ကော်ဏာတံဂှ် ဒပ်ကံၚ်ဇြဳပၞာန် ရပ်ထိၚ်လဝ် ဒၞါဲလဵုရောဟီုဂှ် ဟွံဂွံတီကေတ်ဏီတုဲ ကဵုဂြောဝ်ဂတာဂှ်လေဝ် အဆက်ပိုတ်ဒၟံၚ်ရောၚ်ဂှ် ညးတာလျိုၚ်ဂကောံဒပ်စဵုဒၞါညးဍုၚ်ကွာန် ပွိုၚ်ဍုၚ်ကအ်သံၚ်တံ ဟီုရ။
ဟိုတ်နူဒပ်ကံၚ်ဇြဳပၞာန် ထ္ပက်လဝ်ကရောၚ်ပၞာန်ဂှ်ရ ညးဒေသ ၃၅၀ ပြၚ် နူကဵုကွာန်ချံၚ်ဝကဵု ကွာန်ခမံက်ၚါတံဝွံ ဒးဂြိပ်ဒဴပါဲဒလေတ်ဒၟံၚ် လ္ပာ်သေံတေံရ။
ဂကောံအုပ်ဓုပ်ညးဍုၚ်ကွာန် ဍုၚ်ကအ်သံၚ်ဂှ် ကံၚ်ဇြဳပၞာန် ဟိုတ်နူပန်ပှော်စုတ် နကဵုလွဟ်ဇၞော်၊ လွဟ်ဍောတ်တံ ကြာန်န်ဂှ်ကီု၊ ဟိုတ်နူထပ်ကၠောန်သ္ပကၠုၚ် ပရေၚ်ရပ်ဒက်တံဂှ်ရ နကဵုညးဍုၚ်ကွာန်တံ စွံသတိဗွဲတၟေၚ်တုဲ သွက်ဂွံအာကၠုၚ်မံၚ်စံၚ်အိုတ်ဂှ် ပ္တိတ်လဝ်လိက်ကဵုသတိရ။
ပရိုၚ်−သြၚ်လောန်တိုၚ်(မ်)
ဗီု− CJ
လိက်စၞောန်သွက်ဗီု− ကရောၚ်ပၞာန်လုပ်ကၠုၚ်တုဲ အခိၚ်ညးဒေသကွာန်ချံၚ်ဝ ပွိုၚ်ဍုၚ်ကအ်သံၚ်တံ ဂြိပ်တိတ်ဒၟံၚ် လ္ပာ်ဍုၚ်သေံ
sanlontai