တယျေတ်ချံၚ်၊ သေပ်တေမ်ဗာ(၂၄)
ရးဒေသဇၞော်တၞၚ်သြဳ၊ ပွိုၚ်ဍုၚ်တယျေတ်ချံၚ်၊ ပ္ဍဲအကြာမွဲဗွိုၚ်ကွာန်ပိတောက်ဂျဳဂှ် သ္ပတံနူဂိတုသေပ်တေမ်ဗာ စၟတ်တ္ၚဲ (၂၂)တေံတုဲ အကြာဒပ်ကံၚ်ဇြဳပၞာန်ကဵု ဒပ်ပံၚ်ကောံ ဒပ်စဵုဒၞာညးဍုၚ်ကွာန်တအ် ပေါဲဗတိုက်က္တဵုဒှ်ဒၟံၚ်ရဂှ် ဂွံတီကေတ် နူဂကောံဇြဟတ်ပၠန်ဂတးတအ်ရ။
ကရောၚ်ပၞာန်ကံၚ်ဇြဳပၞာန် ဇြဟတ်ဒပ် ၁၅၀ ပြၚ်ဂှ် ဟိုတ်နူထ္ပက်လုပ်ကၠုၚ်ကရောၚ်ပၞာန် ပ္ဍဲကွာန်ပိတောက်ဂျဳတုဲ ပေါဲဗတိုက်ၜါလ္ပာ် စက္တဵုဒှ်လဝ်ရ။
ပေါဲဗတိုက်တအ်ဂှ် ပ္ဍဲဂိတုသေပ်တေမ်ဗာ စၟတ်တ္ၚဲ ၂၃ တ္ၚဲဏံ ဆက်က္တဵုဒှ်ဒၟံၚ်တုဲ ပ္ဍဲကဵုပေါဲဗတိုက်ဂှ် ပရေၚ်ဇီုကပိုက်ချိုတ်ဂျိုၚ် သီုၜါလ္ပာ် နွံဒၟံၚ်ရဂှ် ၜိုန်ဂွံမိၚ်ကေတ်လဝ်ကီုလေဝ် နကဵုသြၚ်လောန်တိုၚ်(မ်) သ္ပဒ္တန်တၞဟ်ခြာ ဟွံမာန်ဏီရ။
အတိုၚ်ဒပ်စဵုဒၞာဒေသတအ်ဟီုလဝ်မ္ဂး ပ္ဍဲတ္ၚဲပေါဲဗတိုက်စက္တဵုဒှ်လဝ်တ္ၚဲပထမဂှ် လ္ပာ်ကံၚ်ဇြဳပၞာန် ဒးချိုတ်လဝ် (၅) တၠရဂှ် ဟီုလဝ်ရ။
ဟိုတ်နူပေါဲဗတိုက်တုဲ ညးဒေသ နူကွာန်ပိတောက်ဂျဳကဵု ကွာန်တယျေက်သၟဝ်တအ်ဂှ် ဒးဂြိပ်ဒဴပါဲဓလေတ် မံၚ်ဒၟံၚ် ပ္ဍဲကၠအ်ဥဒျာန်ကဵု ဒၞာဲဌာန်ဗၠးဘဲတအ်ရဂှ် ဂွံတီကေတ် အတိုၚ်လဟီုညးဒေသတအ်ရ။
ပ္ဍဲဂိတုအဝ်ဂါတ် သတ္တာဟလကြဴဴအိုတ် တုဲကၠုၚ်တေံလေဝ် ဟိုတ်နူဒပ်ကံၚ်ဇြဳပၞာန် ထ္ပက်လုပ်ကၠုၚ်ကရောၚ်ပၞာန် ပ္ဍဲလ္ပာ်ကွာန်ယျၚေဝ် ပွိုၚ်ဍုၚ်တယျေက်ချံၚ်တုဲ ပေါဲဗတိုက်ၜါလ္ပာ် ဒှ်လဝ်ဏီရ။
ပရိုၚ် – သြၚ်လောန်တိုၚ်(မ်)
ဗီုရုပ် – CJ
sanlontai