စဗ္တိုက်ဒၟံၚ် နေဗျဳဒဝ်ယျ ကရောၚ်ပၞာန် Iron Tiger Battalion ကဵုသတိ

နေဗျဳဒဝ်၊ သေပ်တေမ်ဗာ (၂၄)

ထ္မံက်ပေါဲဗ္တိုက် ပ္ဍဲနေဗျဳဒဝ် တိဍာ်ဒပ်ကံၚ်ဇြဳပၞာန်ဂှ်တုဲ စဒၟံၚ် ပေါဲဗ္တိုက်သီဍုၚ်တံယျဂှ် ကရောၚ်ပၞာန် (ကျားသံလုံး) Iron Tiger Battalion လလောၚ်ပ္တိတ်လဝ် နကဵုစၟတ်တ္ၚဲ ဂိတုသေပ်တေမ်ဗာ (၂၂) တေံရ။

ကရောၚ်ပၞာန် (ကျားသံလုံး) ဝွံ သ္ပလဝ်မဟာမိတ် ကုဂကောံဒပ်တမ်ဒပ် မၞုံကဵုတၚ်ဆဵုဂဗ ပရေၚ်ပြုပြေၚ်ပၞာန်တံရောၚ်ဂှ် ဂွံတီကေတ်ရ။

ကၠောန်အာ ပေါဲဗ္တိုက်သီဗ္ဒိုပ်သီုပ္ဍဲဗလးတိ၊ သီုပ္ဍဲကျာတံ ကရောံကရောၚ်ပၞာန်မဟာမိတ်တံရောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

အပ္ဍဲဂိတုတုဲကၠုၚ်တေံ ကရောၚ်ပၞာန်ဏံ ထောံလဝ်မခတိုဟ် နကဵုဒရုၚ် ကုရုၚ်ကြိုၚ်ကပေါတ် ဗ္ဒိုပ်ဒပ်ကျာဨလာ ကံၚ်ဇြဳပၞာန်တံဂှ်ကီု၊ သီဗ္ဒိုပ်ပၞာန် ဖျေံသ္ဇိုၚ်ကံၚ်ဇြဳပၞာန်တံဂှ် ကၠောန်သ္ပလဝ်ရောၚ် ဂွံတီကေတ်ရ။

တၚ်ရန်တၟံ ကရောၚ်ပၞာန် (ကျားသံလုံး) အဓိကဂှ် သွက်ဂွံထ္မံက်ပေါဲဗ္တိုက် ပ္ဍဲကဵုတိဍာ်နေဗျဳဒဝ် မဒှ်တိဍာ်ကံၚ်ဇြဳပၞာန်သီအဝဵုတံမာန်တုဲ ဒှ်ကရောၚ်ပၞာန်ဒက်ပ္တန် သ္ပလဝ်မဟာမိတ်သ္ၚိတ်တ်ရောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

ပရိုၚ်−သြၚ်လောန်တိုၚ်(မ်)

ဗီု−Iron Tiger Battalion