မုမ်ယွာ – သေပ်တေမ်ဗာ (၃၀)
ရးသေတ်ဂါၚ်၊ အခိၚ်ဗိုလ်ဇၞော်အောၚ်ဖျိုဝ်တုၚ် နူရုၚ်ဂဥုဲဒပ်ပၞာန် စၟတ် – ၂ ဌာန်ဂဥုပ်ပၞာန် ရးဒိုဟ်ဗာယပ် ( န.မ.ခ) စိုပ်ကၠုၚ်ပ္ဍဲသ္ၚိဒၟံၚ်ညး မၞုံဍုၚ်မုမ်ယွာဂှ် ဒပ် BlackFalcon Guerrilla Forces ရပ်ကေတ်ဂွံလဝ်ရဂှ် NUG လလောၚ်တြးလဝ် ပရိုၚ်ရ။
ရပ်ထိၚ်ဒက်လဝ်ရ ပ္ဍဲဂိတုသေပ်တေမ်ဗာ စၟတ်တ္ၚဲ (၄)တုဲကၠုၚ်တေံ အခိၚ်နူဂယးရဂှ် ဌာနဝန်ဇၞော်ပရေၚ်စဵုဒၞာ NUG ကဵုလဝ်သမ္တီရ။
အခိၚ်လၟုဟ်ဏံ ရပ်ထိၚ်ဒက်လဝ်ညး ပ္ဍဲရုၚ် (ပ.က.ဖ) မုမ်ယွာတုဲ စၟဳစၟတ်သၟာန်ဇာန်ဒၟံၚ် တၚ်ဂၞၚ်နွံပၟိက်တအ်ရဂှ် ကဵုလဝ်သမ္တီ ကုဂကောံအိန်ထံၚ်ညး လလောၚ်တြးလဝ်ရဂှ် MOD ဟီုရ။
ဗိုလ်ဇၞော်ဒပ်ဂဥုဲကံၚ်ဇြဳပၞာန် အောၚ်ဖျိုဝ်တုၚ်ဂှ် ဒှ်အ္စာဂဥုဲပါ်ကရေက် ပ္ဍဲရုၚ်ဂဥုဲဒပ်ပၞာန် စၟတ် – ၂ ဌာန်ဂဥုပ်ပၞာန် ရးဒိုဟ်ဗာယပ် (န.မ.ခ) မွဲတၠရဂှ် ဒုၚ်လဝ်ဝန်တုဲ မွဲကရောံညးဂှ် ကွဳစက်သ္ၚိ ဂကူဟောန်ဒိုၚ် မွဲဖ္ဍိုက်၊ ဖုၚ်တဲ ၜါမ၊ Laptop မွဲမဂှ်လေဝ် သီဂွံလဝ်ရဂှ် ဂွံတီကေတ်ရ။
ကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲ သ္ကုတ်လကြဴဏံ ညံၚ်ဟွံဂွံကၠောန်ကမၠောန် သၟဝ်တဲကံၚ်ဇြဳပၞာန်ကီု ညံၚ်သ္ဂောံပံၚ်တောဲကဵု ညးဍုၚ်ကွာန်တအ်ဂှ် အလဵုအသဳညဳသၟဟ်ကောန်ဂကူ ကေုာံလ္ပာ်ဒပ်စဵုဒၞာညးဍုၚ်ကွာန်တအ် ကဵုလဝ်သမ္တီရ။
ပရိုၚ် – သြၚ်လောန်တိုၚ်(မ်)
ဗီု – MOD
sanlontai