ဗဂေါ – အံက်တဝ်ဗာ (၅)
ဟိုတ်နူပန်ဗတိုက် ဖံက်ခတိုဟ်လဝ် ဒပ်တမ်ရိုဟ်ထံက်ပလံၚ်ကံၚ်ဇြဳပၞာန် မၞုံပ္ဍဲဂၠံၚ်ပါဲဓလေတ်ဍုၚ်ဗဂေါ၊ ရးဒေသဗဂေါ နကဵုမခတိုဟ် – ၄၀ မမ၊ မာၚ်တအ်ဂှ်ရ ကောန်ဒပ်ကံၚ်ဇြဳပၞာန် ဒးချိုတ်လဝ် (၁)တၠတုဲ ဒးလဝ်ဘဲဝပ်သ္ကာတ်မြဟ် (၂)တၠရဂှ် PDF – ဗဂေါ လလောၚ်တြး ပ္တိတ်လဝ်ပရိုၚ်ရ။
ပ္ဍဲကဵုဂိတုအံက်တဝ်ဗာ စၟတ်တ္ၚဲ (၃) တုဲကၠုၚ်တေံ အခိၚ်ဗ္တံဂှ် နဒဒှ်ပရေၚ်ချဳဒရာၚ်ပၞာန်နာန်ထိုက်အောၚ် (ပ.က.ဖ) ပွိုၚ်ဍုၚ်ဗဂေါ ပန်ဗတိုက်လဝ် နကဵုမခတိုဟ် ၄၀-မမ တုဲ ဗာန်ကာပၞော်သၞေဟ်ကၚ်ဂှ်လေဝ် ဖံက်ခတိုဟ်မာၚ်ဗတိုက်လဝ်ရ။
ကြဴနူဗတိုက်လဝ်တုဲဂှ် ကွဳစက်ပ္ဍိုက်မၞိဟ်ယဲ လုပ်အာပ္ဍဲဒပ်ကံၚ်ဇြဳပၞာန်တုဲ မၞိဟ်ဇီုက်ပိုက်ချိုတ် ဒးလဝ်ဘဲဝပ်တအ်ဂှ် ပလံၚ်ဗစိုပ်ဏာလဝ် ရုၚ်ဂဥုဲညးဍုၚ်ကွာန်လဂုၚ် အခိၚ်ဗ္တံရဂှ် နိဿဲကဵု တၚ်ဂၞၚ်ညးဒေသတအ် ကဵုလဝ်ပရိုၚ်တုဲ ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
ပ္ဍဲကဵုပရေၚ်ချဳဒရာၚ်ပၞာန်ဏံ လ္ပာ်ဒပ်ပၠန်ဂတးတအ် ပရေၚ်ဇီုကပိုက်ဒးလဝ်ဟၟဲတုဲ ဆုတ်ကလေၚ်တိတ်မာန်လဝ်ရဂှ် ကဵုလဝ်သမ္တီရ။
ပရိုၚ် – သြၚ်လောန်တိုၚ်(မ်)
ဗီု – Bago-PDF
sanlontai