ပ္ဍဲၜၚ်ကံက် ကၠောန်ဗဒှ်အာ ပေါဲဂဳတလဟိၚ်စိုတ် သြန်ဂအုံ သွက်ကောန်ၚာ်သၟတ်ပါဲဘဲပၞာန်ဏောၚ်

ၜၚ်ကံက် – အံက်တဝ်ဗာ(၆)

ကၟိန်ဍုၚ်သေံ၊ ပ္ဍဲဍုၚ်ၜၚ်ကံက်ဂှ် သွက်ဂွံကၠောန်ဗဒှ်အာ ပေါဲလဟိၚ်စိုတ်ဂဳတ သွက်သြန်ဖအုံံညးဍုၚ်ကွာန်ပါဲဘဲပၞာန် ကေုာံ ကောန်ၚာ်သၟတ်တအ် နွံဒၟံၚ်ရဂှ် ညးတာလျိုၚ် Spring Revolution Show Bangkok မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။

သွက်ဂွံကၠောန်ဗဒှ်အာ ပ္ဍဲဂိတုအံက်တဝ်ဗာ စၟတ်တ္ၚဲ (၂၉) ကၠုၚ်စိုပ်ဂတဏံ အခိၚ်ဗ္တံဂှ်တုဲ သြန်ဂအုံတအ်ဂှ် သုၚ်စောဲအာ သွက်ညးဍုၚ်ကွာန်ပါဲဓလေတ်ဘဲပၞာန် ကေုာံကောန်ၚာ်သၟတ် မၞုံပ္ဍဲဍုၚ်တအ် အဓိကရောၚ်ဂှ် ဂွံတီကေတ်ရ။

စၟတ်တဲဂဳတလဟိၚ်စိုတ်မွဲတၞးမ္ဂ သွံတြးအာ နကဵုသြန်ၝာတ် (၄၀၀)ဒှ်တုဲ ကၠောန်ဗဒှ်အာ ပ္ဍဲဖလာတ် ဖေတ်ဖဒေဝ် – RK ၊ ဖျာဖေတ်ဖဒေဝ် ဗ္ဒာဲဍုၚ်ၜၚ်ကံက်ရောၚ်။

နကဵုဂကောံဇြဟတ်ပၠန်ဂတးစိုပ်ဍုၚ်သ္အာၚ်တအ် ညံၚ်ဂွံကၠုၚ်စိုပ် ပေါဲဂဳတလဟိၚ်စိုတ်ဂှ်လေဝ် ညးတာလျိုၚ် Spring Revolution Show Bangkok မွဲတၠ ကော်ဘိက်လဝ်ရ။

ပ္ဍဲကဵုပေါဲဂဳတလဟိၚ်စိုတ်ဂၠာဲသြန်ဂအုံဂှ် မ္ၚးနူ ဟာၚါကောၚ်၊ နိုဝ်ဗေန်ထူ၊ မူလာ၊ တိုဝ်ဂျဳ ကေုာံ John Derek တအ်တုဲ သၟာအနုသုခုမတၞဟ်တအ်လေဝ် ပါလုပ်ရောၚ်ဂှ် ဂွံတီကေတ်ရ။

ပရိုၚ် – သြၚ်လောန်တိုၚ်(မ်)

ဗီု – Spring Revolution Show Bangkok