လ္တူဍုၚ်ဗြဝတဳ သမ္ဘာတၠသ္ၚိ ၂ တၠ ဒးဒုၚ်ပန်ဂစိုတ်ကဵုသေနာတ်

ဗြဝတဳ၊ အံက်တဝ်ဗာ (၆)

ပ္ဍဲဂိတုအံက်တဝ်ဗာ (၄) အခိၚ်ဗ္တံဂှ် သမ္ဘာတၠသ္ၚိ ၂ တၠ ဒးဒုၚ်ပန်ဂစိုတ်လဝ် ကဵုသေနာတ် အပ္ဍဲကဵုသ္ၚိဒၟံၚ် မၞုံအရာပ်စၟတ် (၄) ဍုၚ်ဗြဝတဳ၊ တွဵုရးကရေၚ်ဂှ်တုဲ ချိုတ်အာလဝ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပ္ဍဲကဵုတ္ၚဲဂှ် အခိၚ်ဗ္တံ ၜိုတ် (၁၁) နာဍဳ ကိုဝ်တာန်ထိုက်အံၚ် အာယုက် ၃၄ သၞာံ ကဵု မနှေန်န်ဝေ အာယုက် ၂၁ သၞာံ ဒၟံၚ်ဂၠံၚ်ပါန်ချာန် အခိၚ်နွံဒၟံၚ်ပ္ဍဲသ္ၚိဂှ် ဒးဒုၚ်ပန်ဂစိုတ်လဝ် ကဵုသေနာတ်တုဲ ချိုတ်အာလဝ်ရ။

ဟိုတ်နူဒးဒုၚ်ပန်ဂစိုတ်လဝ် ကဵုသေနာတ်ဂှ်တုဲ ကိုဝ်တာန်ထိုက်အံၚ်ဂှ် ကအ် မကမ်ကၠိုဟ်အာတုဲ မနှေန်န်ဝေ ဂှ် နကဵုဝပ်မကမ်ကၠိုဟ်အာပ္ဍဲက္ဍိုပ်ဂှ် ချိုတ်အာလဝ် ပ္ဍဲကဵုဒၞါဲဒှ်ပရူဂှ်ရ။

အတိုၚ်ဂလာန် ညးဒေသတံဂှ်မ္ဂး သမ္ဘာတၠသ္ၚိ ညးတံ (၂) တၠဝွံ နူအရေဝ်ဂၠိုၚ်လဝ်ညးတၞဟ် ပ္ဍဲကဵုဝိုၚ်အရက်မွဲဂှ်တုဲ ဒးဒုၚ်ပန်ဂစိုတ်လဝ်ကဵု သေနာတ် ဒှ်မာန်ရောၚ် သ္ၚဳဂၠိပ်ဟီုဂးဒၟံၚ်တံ နွံဒၟံၚ်ရ။

ပ္ဍဲကဵုမၞိဟ်ဒးဒုၚ်ပန်ဂစိုတ်ဂှ် ညးမဒှ်တၠသ္ၚိဂှ်ဝွံ ဒှ်မၞိဟ်ကၠောန်သ္ပသွံရာန်ဗၞိက်မွဲဏောၚ် ညးအရာပ်တံ တီလဝ်တုဲ မုကၠောန်မံၚ်ကမၠောန်ဒှ်ဍာံရောဟီုဂှ် ဟွံဂွံတီကေတ်ပုဟ်ဂှ် သ္ဂးရ။

ပရေၚ်ပန်ပှော်က္တဵုဒှ်တုဲ ဂွံမွဲနာဍဳပြၚ် ကောန်ဂကောံဒပ်ကံၚ်ဇြဳပၞာန်တံ ကၠုၚ်စိုပ်စၟဳတ်လဝ်တုဲ ဇွတံဂှ် ကေတ်ဏာလဝ် ရုၚ်ဂဥုဲညးဍုၚ်ကွာန် ခရိုၚ်ဗြဝတဳဂှ် ဂွံတီကေတ်ရ။

တုဲကၠုၚ် ပ္ဍဲဂိတုအံက်တဝ်ဗာ (၂) အခိၚ်ဇိုၚ်သဝ်တ္ၚဲဂှ်လေဝ် ပ္ဍဲကဵုဍုၚ်ဗြဝတဳ၊ အရာပ် စၟတ် (၄) ဂှ် မာန်နေဂျာ ဥူတေန်မာၚ်အေ နူကဵုဗာန်ကာမ္ဗောဇြပါ် ဗြဝတဳ (၁) ဒးဒုၚ်ပန်ဂစိုတ်လဝ် ကဵုသေနာတ်တုဲ ချိုတ်အာလဝ်ရ။

ပရိုၚ်−သြၚ်လောန်တိုၚ်(မ်)

ဗီု− သ္ၚိဒှ်ပရူပရာ