စၟတ်သမ္တီ ဒပ်ဗၠးၜးညးဍုၚ်ကွာန်ထဝါဲ ပေၚ် (၂) သၞာံဂှ် ကၠောန်ဗဒှ်အသေအဟာန်ပၠပၞာန်

ထဝါဲ၊ အံက်တဝ်ဗာ (၈)

စၟတ်သမ္တီ ဒပ်ဗၠးၜးညးဍုၚ်ကွာန် ပွိုၚ်ဍုၚ်ထဝါဲ၊ ရးဒေသဇၞော်တၞၚ်သဳ ပေၚ် (၂) သၞာံဂှ် ကၠောန်ဗဒှ်လဝ် အသေအဟာန်ပၠဒပ် ပ္ဍဲကဵုတိဍာ်ဗၠးၜး မွဲဒၞါဲရောၚ်ဂှ် ( Tavoy People Liberation Force – TPLF) လလောၚ်ပ္တိတ်လဝ်ပရိုၚ်ရ။

တုဲကၠုၚ် ပ္ဍဲဂိတုအံက်တဝ်ဗာ (၆) တေံ ကၠောန်ဗဒှ်လဝ်တုဲ အပ္ဍဲပွိုၚ် (၂) သၞာံဏံ ညံၚ်စပ်ကဵုပရေၚ်ဒက်ပ္တန် ဂကောံဒပ် ဇြဟတ်ဂွံခိုဟ် ဂွံခိုၚ်ကၠိုက်ဂှ် ရေၚ်တၠုၚ်ဒၟံၚ် ဗွဲမဇြိုဟ်နက်တုဲ လုပ်ဒၟံၚ်ပေါဲဗ္တိုက် ယိုက်ဂၠေၚ်ဒၟံၚ်တာလျိုၚ် ပ္ဍဲကဵုမုက်ပၞာန်ဗလးတိတေံဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

ဗီုဓာတ်− TPLF