ဒေသပၞာန်ပါ်နေဗျဳဒဝ် ကဵုတန်ဗ္တောန် စပ်ကဵုဒ္ဂေတ်ဝတ်ကောန်သ္ဂံၚ် မ္ဒးဒ္ဂေတ်ဗက်ဂမၠိုၚ်

နေဗျဳဒဝ်၊ အံက်တဝ်ဗာ (၈)

ဌာနဂီုကၠီုညးဍုၚ်ကွာန် ဒေသပၞာန်ပါ်နေဗျဳဒဝ် ကဵုလဝ်တန်ဗ္တောန် ကုကောန်သ္ဂံၚ် နူကဵုတမ်ဒပ်လၟိဟ် (၈၀၅) ဒေသပၞာန်ပါ်နေဗျဳဒဝ် ဒပ်ပၞာန်စဵုဒၞါညးဍုၚ်ကွာန် (PDF) တံ စပ်ကဵုဒ္ဂေတ်ဝတ်ကောန်သ္ဂံၚ် မ္ဒးဒ္ဂေတ်ဗက်တံဂှ်ရောၚ် ဌာနဝန်ဇၞော်ကာစဵုဒၞါ NUG လလောၚ်ပ္တိတ်လဝ်ပရိုၚ်ရ။

တုဲကၠုၚ် ပ္ဍဲဂိတုအံက်တဝ်ဗာ (၃) တေံ နူပယျာံဂယး စဵုကဵုဇိုၚ်သဝ်တ္ၚဲဂှ် ကဵုလဝ်တန်ဗ္တောန် ဖျေံကဵုလဝ် ပရူပရာဒ္ဂေတ်ဝတ်ကောန်သ္ဂံၚ် COC- Code of Conduct/ Soldier’s rules ၊ စေဝ်ပၞောန် ရဲယိုက်ဂၠေၚ်လျိုၚ်ပၞာန်ဂမၠိုၚ် မ္ဒးဒ္ဂေတ်ဗက် ဗွဲယေဘုယျဂှ်ကီု၊ Geneva Conventions, IHL – International Humanitarian Law (သၞောဝ်စပ်ကဵုပရေၚ်ဗ္စာရဏာမၞိဟ် စပ်ကဵုဍုၚ်နာနာ) မဒှ်သၞောဝ်စပ်ကဵုပဋိပက္ခရပ်လွဟ်ဍုၚ်သ္အာၚ် ကောန်သ္ဂံၚ်ဂမၠိုၚ် မ္ဒးဒ္ဂေတ်ဗက်ဒးတီလဝ်ထေက်ဂှ်ရ။

ပ္ဍဲကဵုတန်ဗ္တောန်ဂှ် ညးမတိုန်စိုပ်ကတ်လ္ၚတ် (၂၁) တၠ နွံလဝ်တုဲ ကုကောန်သ္ဂံၚ်တိုန်စိုပ်တန်ဗ္တောန်တံဂှ် ဒုၚ်တၠုၚ်ကၟုဲဗ္စဖျုၚ်စၞတ္ၚဲကီု၊ ဒုၚ်တၠုၚ်ဗ္စဖျူလဝ် ကွာၚ်ၜဲယိုဟ်ၜန် သီုကဵုဍာ်လက်ဖက်/ ဍာ်ဍာတ်တ်တံဂှ် ဂွံတီကေတ်ရ။

ဗီု−MOD