လာယှိုဝ်၊ အံက်တဝ်ဗာ (၂၈)
ပ္ဍဲဒေသတၟေၚ် ၁ တွဵုရးသေံသ္ကုတ်သၟဝ်ကျာကဵု ပွိုၚ်ဍုၚ်လောက်ကိုၚ်တအ်ဂှ် စကၠောန်ဒၟံၚ် ပရေၚ်ဗတိုက်သရိုဟ် ကုတ်ဗပိုတ်ရိုဟ်ကၞက် ဒပ်ကံၚ်ဇြဳပၞာန်တုဲ ဒဒှ်ရကၟာတ်လဝ်ဂၠံၚ်ဇၞော်ကၟိန်ဍုၚ် လာယှိုဝ်-ချေန်ယှိုဲဟဝ်၊ လာယှိုဝ်-မူသေဝ် နဒဒှ်ကာတၟေၚ်ဂှ် ဒပ်ကိုဝ်က MNDAA လလောၚ်တြးလဝ်ရ။
ဂၠံၚ်ဇၞော်ကၟာတ်လဝ်တအ်ဂှ် နကဵုတၚ်ထ္ၜးဟိုတ်သာ်လဵုလေဝ် သွက်ဟွံဂွံကဵုအာအခေါၚ် တတ်ကၠောံအာကၠုၚ်ကီု ဟွံဒ္ဂေတ်ဗက်တုဲ ယဝ်ရ ဆက်တတ်ကၠောံအာကၠုၚ်ဒၟံၚ်ဏောၚ်တှ်ေ စၟတ်သမ္တီကေတ် နဒဒှ်ယာဉ်ကွဳစက်ပ္ဍိုက်ပလံၚ်သၞတုဲ ဗတိုက်အာ သ္ကာတ်တ်မြဟ်ဟ်ရောၚ်ဂှ်လေဝ် ဓမံက်ထ္ၜးလဝ် ပ္ဍဲတၚ်လလောၚ်တြးဂှ်ရ။
သ္အာၚ်နူဂှ်ပၠန် ပ္ဍဲကဵုပေါဲဗတိုက်တ္ၚဲဏံ အခိၚ်နူဂယးတေံကဵု တ္ၚဲတုဲကၠုၚ်တေံဂှ် ကောန်ဒပ်ကံၚ်ဇြဳပၞာန်ကဵု လွဟ်လက်နက် သီဂွံလဝ်တအ်ဂှ်လေဝ် ဒပ်ပၞာန်မဟာမိတ်ဒဳမဝ်ကရေတ်တေတ်ကောန်ဂကူဗၟာ MNDAA လလောၚ်တြးလဝ်ရ။
အတိုၚ်ညးဒေသတအ် ဟီုလဝ်မ္ဂး တ္ၚဲဏံ သ္ပတံနူ အခိၚ်နူဂယးၜိုတ် (၄) နာဍဳတုဲ ပ္ဍဲကဵုလာယှိုဝ်၊ သန္နဳ၊ ကွောတ်ခိုၚ်၊ တာမိုဝ်နေဝ်၊ ဏာမ်ဖေတ်ကာ၊ မူသေဝ်၊ ဏာမ်ခါမ်၊ ဇြေဝ်လာန်၊ ကွောန်လုံံ၊ ဟိုဝ်ပါန် ချေန်ယှိုဲဟဝ်၊ လောက်ကိုၚ် တွဵုရးသေံ သ္ကုတ်သၟဝ်ကျာတအ်ဂှ် ပေါဲဗတိုက်ဒှ်ဒၟံၚ် ပ္ဍဲမွဲအခိၚ်ဓဝ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
လိက်စၞောန်ဗီုရုပ် – ဃောသီဂွံလဝ် လွဟ်လက်နက် မကမ် ကောန်ဒပ်ကံၚ်ဇြဳပၞာန် ပ္ဍဲကဵုပေါဲဗတိုက်။
sanlontai