သဓီု၊ အံက်တဝ်ဗာ (၂၈)
အမိၚ်တိတ်ဗ္တံဟွံဂွံ မလလောၚ်ပ္တိတ်လဝ် အပ္ဍဲပွိုၚ်ဍုၚ်သဓီု တွဵုရးဍုၚ်မန်ဂှ် စနူဂိတုအံက်တဝ်ဗာ ၂၇ တေံတုဲ ဒဒှ်ရပြံၚ်လှာဲစၟတ်သမ္တီထောံအခိၚ်ယျဂှ် ဂွံတီကေတ် အတိုၚ်တၚ်လလောၚ်တြး ဌာနက္ဍိုက်ပ်ပရေၚ်အုပ်ဓုပ်ကာနာနာပွိုၚ်ဍုၚ် ကံၚ်ဇြဳပၞာန်ရ။
အမိၚ်တိတ်ဗ္တံဟွံဂွံဂှ် ကၠာတေံ စၟတ်သမ္တီလဝ် ဗ္တံ နူ ၁၀ နာဍဳ စဵုကဵု ၄ နာဍဳဂယးတုဲ အခါလၟုဟ် ပြံၚ်လှာဲစၟတ်သမ္တီထောံ ဗ္တံ ၁၂ နာဍဳ စဵုကဵု ၄ နာဍဳဂယးရ။
ကံၚ်ဇြဳပၞာန် ပြံၚ်လှာဲစၟတ်သမ္တီအမိၚ်တိတ်ဗ္တံဟွံဂွံဂှ်ဝွံ သွက်ဂွံကၠောန်ဗဒှ် သ္ဘၚ်ဝှ်ကၠုၚ်စိုပ်ဏံ ပ္ဍဲကဵုပွိုၚ်ဍုၚ်သဓီုစဳစဳ ဒှ်မာန်ရောၚ် ညးဒေသတံ သ္ၚဳဂၠိပ်ဒၟံၚ်တံ နွံဒၟံၚ်ရ။
အပ္ဍဲကာလသီအဝဵုဏံ ကံၚ်ဇြဳပၞာန်ဝွံ အပ္ဍဲပွိုၚ်ဍုၚ်သဓီုဂှ် နဒဒှ်အမိၚ်တိတ်ဗ္တံဟွံဂွံတုဲ နူ ၈ နာဍဳဗ္တံ စဵုကဵု ၄ နာဍဳဂယး၊ ကြဴနူဂှ်တုဲ ပြံၚ်လှာဲစၟတ်သမ္တီထောံ နူကဵု ၁၀ နာဍဳ စဵုကဵု ၄ နာဍဳရ။
ညးဒေသမွဲတၠဂှ် ဟိုတ်နူပြံၚ်လှာဲစၟတ်သမ္တီထောံ အခိၚ်တိတ်ဗ္တံဟွံဂွံဂှ်တုဲ ပရေၚ်အာကၠုၚ် ပြေပြံၚ်ကၠုၚ်မာန်ကီုလေဝ် ဒၟါနူကဵုတၚ်သၞောတ်ဗ္ၜတ် မၞိဟ်တြုံၜါတၠ ဍိုက်ကွဳလိုန်ဓာတ်ဟွံဂွံဂှ်တုဲ အခက်အခုဲဂမၠိုၚ် နွံဒၟံၚ်ဏီဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကံၚ်ဇြဳပၞာန်ဝွံ စနူဂိတုအံက်တဝ်ဗာ ၆ တုဲကၠုၚ်တေံတုဲ အပ္ဍဲကဵုပွိုၚ်ဍုၚ်သဓီုဂှ် မၞိဟ်တြုံၜါတၠ ဍိုက်ကွဳလိုန်ဓာတ်တုပ်ပ်ဟွံဂွံ၊ လက္ကရဴကွဳလိုန်ဓာတ် မၞိဟ်ဗြဴဒဳဂှ် မၞိဟ်တြုံဍိုက်ဗက်ဟွံဂွံ မပ္တံသာ်ဏံ ပ္တိတ်လဝ်အမိၚ် ဒေသန္တရ ရ။
ပရိုၚ်−သြၚ်လောန်တိုၚ်(မ်)
ဗီု−Social Media
sanlontai