သဵု(လ်) ၊ အံက်တဝ်ဗာ (၂၇)
သၞောဝ်တာဒၞါ ပရေၚ်သ္ဍိုက်ဆာန်လိၚ်တုပ် အကြာကောန်ပၞာန် အပ္ဍဲဒပ်ပၞာန် ကိုဝ်ရဳယျာသၠုၚ်ကျာဂှ် ပ္ဍဲဂိတုအံက်တဝ်ဗာ ၂၆ တေံ ရုၚ်သၞောဝ်ဓဝ်သၞောဝ်သ္ဇိုၚ်ဒက်ပ္တန် ကိုဝ်ရဳယျာ သ္ပဒတန်လဝ်ရ။
သၞောဝ်ဏံဂှ်ဝွံ ဒှ်အရာလဟုတ် သွက်အခေါၚ်အရာ ညးသ္ဍိုက်ဆာန်လိၚ်တုပ်တံရောၚ်ဂှ် ညးချဳဒရာၚ်ကတိုၚ်ကၟဟ်တံ ပါ်ပါဲလဝ်တံ နွံဒၟံၚ်ရ။
လ္ဂောံကဵုသၞောဝ်မ္ဂး ကောန်ဒပ်ရပ်လွဟ်ဂမၠိုၚ်ဝွံ သ္ပဟိုတ်ကဵုသ္ဍိုက်ဆာန်ဒးလိၚ်တုပ်တုဲ ဒးဒုၚ်ဖျေံထံၚ် စဵုကဵုဒဏ်ထံၚ် ၂ သၞာံမာန်ရောၚ် စၞောန်ပျးလဝ်ရ။
ပွမကဵုအခေါၚ် ပရေၚ်သ္ဍိုက်ဆာန်လိၚ်တုပ်တံဂှ်ဝွံ အပ္ဍဲဒပ်ပၞာန်ဂှ် သ္ကဵုဇီုကပိုက်ကဵု ဍာ်အစောံစရာဲဗ္တိုက်တံကဵု စပ်ကဵုစေဝ်ပၞောန်တံမာန်ရောၚ် ရုၚ်သၞောဝ်ဓဝ်ဂှ် ဟီုဂးလဝ်ရ။
သၞောဝ်ဏံဂှ်ဝွံ တုပ်တဴညံၚ်ရဴ လရုက္တဵုကဵု ပရေၚ်ပါ်ကဆံၚ် ကေုာံ ပွပကီုပရာပ် လ္တူကောန်ပၞာန် သ္ဍိုက်ဆာန်လိၚ်တုပ်တံဏောၚ်ဂှ် ညးချဳဒရာၚ်ကတိုၚ်ကၟဟ်ဂမၠိုၚ် သ္ဂးလဝ်ရ။
“ဒဒှ်မဆက်ထံက်ဒၟံၚ်ဂလာန် ပရေၚ်သ္ဍိုက်ဆာန်လိၚ်တုပ် အပ္ဍဲဒပ်ပၞာန်ကိုဝ်ရဳယျာ နဒဒှ်ကလိလောန်လဝ် အမှုရာဇဝတ်မွဲဂှ်ဝွံ ပ္ဍဲအရာမပ္တိတ်ကၠုၚ်ဇြဟတ် ညံၚ်ပရေၚ်ဓဝ်ယာဂွံနွံအပ္ဍဲဍုၚ် ဂၠိုၚ်ကၠုၚ်ကဵုစှော်သၞာံဂှ် ဒှ်အရာလဟုတ် သ္ဇက်ဒးအိုတ်စိုတ်မွဲရ” ဂှ် ဘိုဝ်ရာမ်ဂျာန် သုတေသဳ အာယှဗၟံက် ဂကောံအခေါၚ်ဗၠးဒုဟ်ဒဏ်ဍုၚ်နာနာ ပါ်ပါဲလဝ်ရ။
ကိုဝ်ရဳယျာသၠုၚ်ကျာဝွံ ပ္ဍဲကဵုဒပ်ပၞာန်ဇၞော်အိုတ်ဂၠးတိဂှ် ပါလုပ်မွဲတုဲ မၞိဟ်တြုံ နူအာယုက် ၁၈ စဵုကဵု ၂၈ တံဝွံ ဒးယိုက်ဂၠေၚ်တာလျိုၚ် အပ္ဍဲဒပ်ပၞာန် နူကဵု ၁၈ ဂိတု စဵုကဵု ၂၁ ဂိတုအိုတ်ရ။
Ref: CNA
Source: Reuters
sanlontai