ကပေါတ်ကံၚ်ဇြဳပၞာန်ဖျေံလဝ်ကဵုက္ဍိုၚ်ကျာ ဗ္ဒာဲချေန်ယှိုဲဟဝ်သီုဖအိုတ်ဂှ် ဒးဒုၚ်သီလဝ်

ချေန်ယှိုဲဟဝ် – အံက်တဝ်ဗာ(၂၉)

သီဂွံလဝ် ကပေါတ်အရပ်စပ်ပၞာန် ကေုာံ ဇွောံမကံၚ်ဇြဳပၞာန် ကၠုၚ်ဖျေံလဝ်ကဵုက္ဍိုၚ်ကျာ ပ္ဍဲမွဲဗွိုၚ်ဗ္ဒာဲဍုၚ်ချေန်ယှိုဲဟဝ် သီုဖအိုတ်ရဂှ် Operation 1027 လလောၚ်တြးလဝ် ပရိုၚ်ရ။

တ္ၚဲဏံ ပ္ဍဲဂိတုအံက်တဝ်ဗာ စၟတ်တ္ၚဲ (၂၈) ဂှ် ကပေါတ်အရပ်စပ်ပၞာန် ကေုာံ ဇွောံမ (၁၀) ဓုပ်သီုဖအိုတ်ဂှ် ဒပ်မဟာမိတ်တအ် သီဂွံလဝ်ရ။

ဗဒိုပ်ကံၚ်ဇြဳပၞာန် ဗ္ဒာဲချေန်ယှိုဲဟဝ် သီုဖအိုတ်တအ်ဂှ် ပ္ဍဲဂိတုအံက်တဝ်ဗာ စၟတ်တ္ၚဲ (၂၈) အခိၚ်ဒေါဝ်တ္ၚဲ ၂ နာဍဳ သီကေတ်လဝ် ဗဒိုပ်သီုဖအိုတ်မာန်တုဲ ဒပ်မဟာမိတ်တအ် ထိၚ်ဒဝ်လဝ်ရဂှ် ဂွံတီကေတ်ရ။

ဒပ် MNDAA၊ TNLA ကေုာံ AA မဒှ်ဂကောံကောဒေံသၟဝ်ကျာ (၃)ဂကောံဂှ် ချဳဒရာၚ်ဒၟံၚ်ပၞာန် ပရေၚ်ဗတိုက်သရိုဟ်ဗပိုတ်ရိုဟ်ကၞက် ကံၚ်ဇြဳပၞာန် ၁၀၂၇ ပ္ဍဲကဵုဒေသတၟေၚ် (၁)ကေုာံ ဍုၚ်လောက်ကိုၚ်ရ။

ပရေၚ်ချဳဒရာၚ်ပၞာန် ၁၀၂၇ ကဵု ပ္ဍဲတ္ၚဲဒုတိယဂှ်မ္ဂး ဗဒိုပ်ကံၚ်ဇြဳပၞာန် (၄)ဗဒိုပ် ပါလုပ် သီုဗဒိုပ် Ma Jia Di ပ္ဍဲချေန်ယှိုဲဟဝ် ထပ်သီကေတ်မာန်လဝ်ရဂှ် ဒပ်မဟာမိတ်တအ် ကဵုလဝ်သမ္တီရ။

အခိၚ်လၟုဟ် ပြဟ်ဟ်ဏံ ညးဍုၚ်ကွာန် (၁၀၀၀) ပြၚ် နူကဵုဍုၚ်ချေန်ယှိုဲဟဝ် ပေါဲဗတိုက်သ္ကာတ်မြဟ်ဒၟံၚ်ဂှ် ဒးဂြိပ်ဒဴဴပါဲဓလေတ်ဒၟံၚ် ပ္ဍဲဒၞာဲဗၠးဘဲရဂှ် ဂွံတီကေတ်ရ။

ပရိုၚ် – သြၚ်လောန်တိုၚ်မ်

ဗီု – Operation 1027