ဗြဝတဳ၊ ဂျာန္နဝါရဳ ၁၇
ကုန်ဗ္ဒိုပ်ဒဵု(လက်ခက်) ဗ္ဒါဲဍုၚ်ဗြဝတဳ တွဵုရးကရေၚ် ဗော်သွးကောန်ဂကူကရေၚ် KNU မဗ္တိုက်သီဂွံလဝ်ဂှ် ဒပ်ကံၚ်ဇြဳပၞာန် ဗ္တိုက်ဂြာတ်လဝ်မခတိုဟ် နကဵုက္ၜၚ်ကျာဂှ် ဂွံတီကေတ် အတိုၚ်ပရိုၚ်ဗလးတိရ။
ဒပ်ကံၚ်ဇြဳပၞာန်ဝွံ ပ္ဍဲဂိတုဂျာန္နဝါရဳ ၁၆ အခိၚ်ဇိုၚ်သဝ်တ္ၚဲ ၄ နာဍဳ ၂၀ မိနေတ် ဗ္တိုက်ဂြာတ်လဝ်မခတိုဟ် ကုန်ဗ္ဒိုပ်ဒဵု(လက်ခက်) ဒၞါဲဂကောံဇြဟတ်ပၠန်ဂတးတံ မဗ္တိုက်သီဂွံလဝ်ဂှ် နကဵုက္ၜၚ်ကျာဂျက်ဖိုက်တာတုဲ ပရေၚ်ဇီုကပိုက်ဂှ် ဟွံဂွံတီကေတ်ဏီရ။
ညးမဒှ်သ္ကိုပ်ကရောၚ်ပၞာန်ကဝ်ဗရာ−၁ ဂှ် ချူပ္တိုန်လဝ်လ္တူဇာဇၞိက်ပရေၚ်မၞိဟ်ညး “ကၠေၚ်ဂၠိုၚ်မံၚ်ဟာ ကၠုၚ်ၚ်ထောံမံၚ်မခတိုဟ်ဂှ်” သာ်ဏံ မဒှ်ရ။
တမ်ရိုဟ်ပရိုၚ်မွဲတၠပၠန်ဂှ်လေဝ် “ကၠုၚ်ထောံဏာမခတိုဟ် ဒဵု(လက်ခက်) ၂ မ (မခတိုဟ် ၅၀၀ ပံၚ်) “ ဂးတုဲ ချူလဝ်ရ။
ကုန်ဗ္ဒိုပ်ဗျူဟာဒဵု (လက်ခက်) ဂှ်ဝွံ သွက်ဗျူဟာပၞာန်ဂှ် ပၟိက်ဇၞော်တုဲ ဒှ်ဒၞါဲကုန်ဗ္ဒိုပ် ကံၚ်ဇြဳပၞာန် ဖျေံလဝ်ဒပ်တုဲ အပ္ဍဲဂိတုဂျူလာၚ် သၞာံတုဲကၠုၚ်တေံ ဂကောံဇြဟတ်ပၠန်ဂတး ဒပ်မဟာ ၆ KNLA တံ လုပ်စိုပ်ဗ္တိုက်သီဂွံလဝ် ကုန်ဗ္ဒိုပ်ဂှ် အပ္ဍဲဂိတုဂျူလာၚ်ရ။
ဒပ်ကံၚ်ဇြဳပၞာန် မဒးဆောံလေၚ်လဝ် ကုန်ဗ္ဒိုပ်ဒဵုလက်ခက်ဂှ်ဝွံ မွဲဏှမွဲဏှဟီုဂွံ ဟိုတ်နူကၠောန်သ္ပဗ္တိုက်ထောံလဝ်မခတိုဟ် ကုက္ၜၚ်ကျာဂှ်တုဲ စမြိုၚ်ဘာသာ ကေုာံ ကျာ်စေတဳ မၞုံလ္တူကုန်ဗ္ဒိုပ်တံဂှ်ဂမၠိုၚ် ဇီုကပိုက်လီုလာ်အာလဝ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−CJ