ကျာ်ထဝ်၊ ဂျာန္နဝါရဳ (၁၈)
အပ္ဍဲကွာန်(သုံးခွ) ဍုၚ်ဒုၚ်ဇြယေတ်၊ ပွိုၚ်ဍုၚ်ကျာ်ထဝ်၊ တွဵုရးဍုၚ်မန်ဂှ် ဟိုတ်နူမကမ်လွဟ်ဇၞော်ဒပ်ကံၚ်ဇြဳပၞာန်ပန်ပှော်လဝ်တံ ဒတုံဗ္တိုဟ်ထ္ကးလဝ်ဂှ်ရ ကောန်အရာပ်(၂)တၠ ဇီုကပိုက်ကလိဂွံလဝ်ဝပ်ရဂှ် ဂွံတီကေတ် အတိုၚ်လဟီုညးဒေသတံရ။
တုဲကၠုၚ်ဂိတုဂျာန္နဝါရဳ စၟတ်တ္ၚဲ(၁၆) ပ္ဍဲအခိၚ်ဗ္တံ(၆)နာဍဳဂှ် နူကဵုဒပ်အမၠံက် စၟတ်(၃၁၀)ကံၚ်ဇြဳပၞာန် ဖျေံသ္ဇိုၚ်ဒုၚ်ဇြယေတ်ဂှ် ပေါဲဗ္တိုက်ဟွံမွဲမွဲသာ် ပန်ပှော်လဝ်လွဟ်ဇၞော် ပ္ဍဲ(ကျောက်ပုံကြီးကွၚ်း) ကဵု ကွာန်(သုံးခွ)တံ ဟွံအောန်နူကဵု(၅)မရ။
ဟိုတ်နူမကမ်လွဟ်ဇၞော်ဒပ်ကံၚ်ဇြဳပၞာန် ပန်ပှော်လဝ်တံ ဒတုံဗ္တိုဟ်ထ္ကးလဝ်တုဲ ပ္ဍဲဒဳကေုာံစး မံၚ်ဇြဝ်ဝ်အံၚ် အာယုက်(၁၇)သၞာံ ကဵု မံၚ်လှမျဵုထိုဲ အာယုက်(၁၉)သၞာံ ဒၟံၚ်ကွာန်(သုံးခွ)တံ ဒးကဝေက်မာၚ်ကလိဂွံလဝ်ဝပ်ရ။
အတိုၚ်လဟီုညးဒေသတံမ္ဂး တုဲကၠုၚ်ပ္ဍဲတ္ၚဲအကြာတံဏံဂှ် ဟိုတ်နူဗ္ဒိုပ်ဒပ်ပၞာန်ညးဍုၚ်ကွာန် သၟဝ်တဲကံၚ်ဇြဳပၞာန် မၞုံလ္ပာ်ဗၟံက်ပွိုၚ်ဍုၚ်ဝဝ်တံ ဒးဒုၚ်ဍိုက်ဗ္တိုက်လဝ်ဂှ်ရ ပန်ပှော်လဝ် ဒၞါဲ PDF နွံမာန်တံကြာန်န်ဒှ်မာန်ရဂှ် သ္ၚဳဂၠိပ်လဝ်ရ။
ညးဒေသကလိဂွံလဝ်ဝပ် ဟိုတ်နူလွဟ်ဇၞော်ၜါတၠတံဂှ် ပလံၚ်ဗ္စိုပ်လွဳတ်ကဵုလဝ် ဇရေၚ်ရုၚ်ဂဥုဲပွိုၚ်တိုက်ဒုၚ်ဇြယေတ်ရဂှ် ဂွံတီကေတ်ရ။
ပ္ဍဲဒေသဒုၚ်ဇြယေတ် ပရေၚ်ချဳဒရာၚ်ဂကောံဇြဟတ်ပၠန်ဂတးတံ ဇြဟတ်ခိုဟ်ဒၟံၚ်တံဂှ် ပ္ဍဲကာလသီအဝဵုဏံ ဟိုတ်နူပရေၚ်ပန်ပှော်လွဟ်ဇၞော်တံတုဲ ညးဒေသတံ ဒးဇီုကပိုက်ချိုတ်ဂျိုၚ်တံကဵု ဒးထောံလသာဌာန်ဒၟံၚ် ဂြိပ်ဒဴပါဲဓလေတ်ဒၟံၚ်တံ နွံမံၚ်ရ။
ပရိုၚ်-သြၚ်လောန်တိုၚ်မ်
ဗီု-CJ