တိုဝ်ကျိုဝ်၊ ဂျာန္နဝါရဳ ၂၀
ဍုၚ်ဂျပါန် ပ္ဍဲဂိတုဂျာန္နဝါရဳ ၁၈ တေံ ဝန်ဇၞော်ကာစဵုဒၞါဂျပါန် ထ္ပက်လဝ်စၟတ်တဲ လိက်ကသုက်ကဵုအခေါၚ်ရာန် ကမ်လှောဝ်ပန်ခြာဇမ္ၚောဲ ကၠောန်ပ္တိတ်နူအမေရိကာန်တံဂှ် သၞာဲဒဴဂမၠိုၚ် ဟီုရ။
သွက်သ္ဂောံရာန် ကမ်လှောဝ်ပန်ခြာဇမ္ၚောဲ ၄၀၀ ဝန်ဇၞော်ကာစဵုဒၞါဂျပါန် မဳနဝ်ရူ ကဳဟာရာ ကေုာံ အမာတ်ကလုတ်အမေရိကာန် စပ်ကဵုဍုၚ်ဂျပါန် ရာမ် အာမ်မျူရဴတံ ထ္ပက်လဝ်စၟတ်တဲ ပ္ဍဲတိုဝ်ကျိုဝ်ရ။
သွက်ဂွံတာဒၞါ အန္တရာယ်အပ္ဍဲဒေသကီု သီုကဵုအန္တရာယ် ကြုက်၊ ကိုဝ်ရဳယျာသၟဝ်ကျာ ကေုာံ ရုယှာတံဂှ်ကဵု အခိၚ်ကၠောန်ၜိုတ်ဒၟံၚ် သွက်ဂွံသၠုၚ်ပ္တိုန် ဇြဟတ်ပရေၚ်ပၞာန်တံဂှ် ရာန်ကၠုၚ်လဝ်ကမ်လှောဝ် သာ်ဏံရ။
အတိုၚ်တၚ်လလောၚ်တြးမွဲဂှ်မ္ဂး ဂျပါန်ဝွံ ရာန်အာ ကမ်လှောဝ်တံဏံ အပ္ဍဲသၞာံပရေၚ်ဘဏ္ဍာ သၞာံ ၂၀၂၅ ကဵု ၂၀၂၇ တံဏောၚ်ဂှ် ဂွံတီကေတ်ရ။
သွက်ဂွံတာဒၞါ၊ ဗ္တိုက်သရိုဟ် ဂကောံဒပ်မၜက်ၜေတ်ကၠုၚ်ဂျပါန်တံမာန် နကဵုဒပ်ပၞာန် နွံပၟိက်ဒးသၠုၚ်ပ္တိုန်ဇြဟတ်စဵုဒၞါတံဏောၚ်ဂှ် ဝန်ဇၞော်ကာစဵုဒၞါ ဟီုဂးလဝ်ရ။
သ္အာၚ်နူဂှ်ပၠန် နကဵုဂျပါန် သွက်ဂွံသၠုၚ်ပ္တိုန်အစောံဇြဟတ်စဵုဒၞါတဝ်စၞေဟ် ဒပ်ပၞာန်ညးတံဂှ်တုဲ ထပ်ရာန်အာ ကမ်လှောဝ်တၞဟ်ဟ်တံဏောၚ်ဂှ် ညးဟီုလဝ်ဏီရ။
ပ္ဍဲကဵုဒေသအေန်ဒိုဝ်ပသိဝှေခ်ဂှ် ပြဝဂၠါဲသၞကြုက်တံ ဂၠိုၚ်ကၠုၚ်တုဲ အခိၚ်ပရေၚ်ကြံၚ်မ္ၚိုဟ်အပ္ဍဲဒေသတံ သၠုၚ်တိုန်ကၠုၚ်ဒၟံၚ်ဂှ် ဍုၚ်ဂျပါန် သ္ဂုတ်သွာတ်ထောံ သွက်ဂွံရာန် ကမ်လှောဝ်ဍုၚ်အမေရိကာန်ရ။
အခိၚ်လၟုဟ် ဍုၚ်ဍောတ်တ် မကြံၚ်မ္ၚိုဟ်ဒၟံၚ်ကဵု ကြုက်တံဂှ်ဝွံ ပ္တိတ်ဒၟံၚ်ဇြဟတ် သွက်ဂွံရာန်လွဟ်လက်နက်အမေရိကာန်၊ သွက်ဂွံဂွံတၚ်တုပ်စိုတ် စပ်ကဵုပရေၚ်သွံရာန်ဗၞိက် ကေုာံ သွက်ဂွံဂွံတၚ်တုပ်စိုတ် စပ်ကဵုနဲကွတ်ပညာပၞာန်တံဂှ်ရ။
ဂျပါန်ဝွံ စပ်ကဵုပရေၚ်ဆက်ဆောံ ရုယှာ ကေုာံ ကိုဝ်ရဳယျာသၠုၚ်ကျာတံ ဇြဟတ်ခိုဟ်ကၠုၚ်ဂှ်တုဲ ဒှ်ဒၟံၚ်ဓဝိၚ်ဂွိၚ်ဒၟံၚ်တုဲ ဟိုတ်နူပရေၚ်စမ်ၜတ် ကမ်လှောဝ်ထိၚ်သၞေဝ် ကေုာံ လွဟ်လက်နက်နျူကလဳယျာ ကိုဝ်ရဳယျာသၟဝ်ကျာတံဂှ်တုဲလေဝ် ပရေၚ်ဂွိၚ်ဂွါဲတံ သၠုၚ်တိုန်ဒၟံၚ်ရ။
Ref: Foxnews