ရဳယာတ်၊ ဂျာန္နဝါရဳ ၂၆
ပ္ဍဲကဵုဍုၚ်ဇြဝ်ဒဳအာရေဗဳယာန် စပ်ကဵုအရက်သုရာတုဲ ၜိုန်ရစၞောန်ပျးလဝ်သၞောဝ်တေၚ်ဂြတ်တံကီုလေဝ် နဒဒှ်အလန်ကိုပ်ကၠာအိုတ် သွက်ကလုတ်တမာန် မဿလေမ်ဟွံသေၚ်တံဂှ် အလဵုအသဳ စဳဇန်ဒၟံၚ် သွက်ဂွံကဵုအခေါၚ်သွံအရက်ဂှ် နိဿဲကေတ် ပရိုၚ်တမ်ရိုဟ်ဂမၠိုၚ်တုဲ ထ္မံက်ထ္ၜးလဝ် ပ္ဍဲ AFP ရ။
ပ္ဍဲဍုၚ်ဇြဝ်ဒဳ နူကဵုဂၠံၚ်တရဴပရေၚ်ကလုတ်တမာန်မွဲကဆံၚ် ဟွံသေၚ်မ္ဂး နကဵုဂွဳစိုက် ကၟာတ်လဝ်ကၟောန်န်တံဂှ် သွက်ကလုတ်တမာန် မဿလေမ်ဟွံသေၚ် မဒးပၠောပ်ဒၟံၚ်အရက်တံဂှ် သွံတြးကဵုအာအရက်ရဏောၚ် ပရိုၚ်တမ်ရိုဟ်မွဲတၠ သ္ဂးရ။
ပ္ဍဲကဵုအရာပ်ကလုတ်တမာန် ဖျေံသ္ဇိုၚ်ဍုၚ်ရဳယာတ်ဂှ် ပံက်ဆေၚ်အရက်မွဲဆေၚ်တုဲ သွံတြးကဵုအာဏောၚ်ဂှ် ဂွံတီကေတ် အတိုၚ်လိက်တၞး AFP မကလိဂွံလဝ်တံဏောၚ်ဂှ်လေဝ် ဂွံတီကေတ်ရ။
ၜိုန်ရပံက်သွံတြးအာ ဆေၚ်အရက်ကီုလေဝ် အတိုၚ်ဗ္ၜတ်မစၟတ်လဝ် လၟေၚ်ဂိတုဂှ် ဒးရာန်အာဏောၚ်မဒှ်တုဲ ဒးပ္တိုန်စရၚ် နူကဵုအပလဳကေယှေန်ကလုတ်တမာန်ဏောၚ်ဂှ်လေဝ် ထ္မံက်ထ္ၜးလဝ် ပ္ဍဲလိက်တၞးဂှ်ရ။
သၞောဝ်ကၟာတ်လဒဵုလဝ်အရက် ပ္ဍဲဇြဝ်ဒဳဂှ်ဝွံ နူကဵုသၞာံ ၁၉၅၂ တေံမဒှ်တုဲ ကောန်သၟိၚ် ဨကရာဇ်အဗဒူလာ ဗ္ၜူအရက် ဒှ်သၞ ကြဴနူပန်ဂစိုတ်ဒး ကလုတ်တမာန်ဗျိတိၚ်မွဲတၠတုဲဂှ် စၞောန်ပျးလဝ်ရောၚ် ဂွံတီကေတ်ရ။
အခိၚ်လၟုဟ်ဂှ် နဒဒှ်အစဳဇန်ပြုပြေၚ်ပြံၚ်လှာဲ စပ်ကဵုပရေၚ်မၞိဟ် ကောန်သၟိၚ်ဇြဝ်မာန်ဂှ်တုဲ ကဵုအာအခေါၚ်သွံအရက် ပ္ဍဲဇြဝ်ဒဳဏောၚ် ပရိုၚ်ဂမၠိုၚ် မံက်တိတ်ဒၟံၚ်လအ်ရ။
ဆ္ဂး အလဵုအသဳဂှ် အရက်ကလုတ်ဂမၠိုၚ် ဂွံဒုၚ်လဝ်တဲတံဂှ် ညံၚ်ပွမကလေၚ်သွံတြးဟွံဗဗွဲကဵုသၞောဝ်တံ ဟွံဂွံမွဲ သၞောဝ်အပြောံမွဲဂှ်လေဝ် ပ္ဍဲဂိတုဂျာန္နဝါရဳ ၂၄ တေံ ပၠောပ်လဝ်လမျီုဂှ် ဂွံတီကေတ်ရ။
နကဵုညးပ္တိုန်လဝ်စရၚ် အခေါၚ်ရာန်အရက်တံဂမၠိုၚ် အရက်ညးတံကလိဂွံနၚ်တံဂှ် ကဵုကလောကောဒေံညးတံ၊ ရဲဒဳယာန်၊ လစှ်ေသၞာဲဒဴတံ ကေုာံ ရဲကၠောန်ကမၠောန်မွဲစွံတံ ဟွံဂွံပုဟ်ဂှ် ပါလုပ် ပ္ဍဲသၞောဝ်အပြောံဂှ်ရ။
ပ္ဍဲဆေၚ်အရက် အလဵုအသဳပံက်ကဵုဏံဂှ် သၟဝ်အာယုက် ၂၁ အခေါၚ်လုပ်ပ္ဍဲဆေၚ်ဟွံမွဲတုဲ ကယျိုၚ်ကယျဝ်ဂှ်လေဝ် ဗိုက်လ္တက်သိပ်သိပ်ဂၠိပ်ပ်တုဲမှ ကဵုအာအခေါၚ်ဏောၚ်ဂှ် ပ္တိတ်လဝ်စေဝ်ပၞောန်ရ။
Ref: AFP