ဟဏဳ၊ ဂျာန္နဝါရဳ ၂၇
ပ္ဍဲလၟေၚ်တရဴဗဳယေတ်နာမ် သမ္မတဖဳလေတ်ဖေန် မာကောသ်ဂျူနဳယာဂှ် သွက်ဂွံတုပ်စိုပ်ထ္ပက်စၟတ်တဲ စပ်ကဵုပရေၚ်ပံၚ်တောဲရေၚ်တၠုၚ် ပရေၚ်ကောပ်ကာဲပြၚ်ၜဳ အကြာၜါဍုၚ် နွံဂှ် သၞာဲဒဴဂမၠိုၚ် ဟီုရ။
စပ်ကဵုထ္ပက်စၟတ်တဲသာ်ဏံတုဲ လ္ပာ်ဍုၚ်ကြုက် ဟွံပြေစိုတ် ဒှ်ကၠုၚ်မာန်ဏောၚ် ညးလ္ၚတ်ဂမၠိုၚ် သ္ဂးလဝ်တုဲ ဒေသၜဳကြုက်သၠုၚ်ကျာလ္ၚဵု မဒှ်ဂၠံၚ်ဍာ်ပၟိက်ဇၞော် သွက်ပရေၚ်သွံရာန်ဗၞိက်ဂၠးတိဂှ် ဖဳလေတ်ဖေန် ကေုာံ ဗဳယေတ်နာမ်တံ ပိုၚ်ပြဳလဝ်ဏောၚ် သ္ဂးလဝ်တုဲ ကြုက်ဂှ်လေဝ် ညးတံပိုၚ်ဂှ် ကယျာန်ဓဝါန်ဒၟံၚ်တံ နွံဒၟံၚ်ရ။
ပ္ဍဲဂိတုဂျာန္နဝါရဳ ၂၅ တေံ ဒပ်မၚ်ပြၚ်ၜဳဖဳလေတ်ဖေန် ဟီုလဝ် ထ္ပက်အာစၟတ်တဲ လိက်စၟတ်သမ္တီတုပ်စိုတ် ပရေၚ်ပံၚ်တောဲရေၚ်တၠုၚ်ဒပ်မၚ်ပြၚ်ၜဳၜါဍုၚ်ဏောၚ် မဒှ်ရ။
တၚ်တုပ်စိုတ် ဗွဲလစှ်ေဂှ် ဟွံဂွံတီကေတ် သောၚ်ၚ်ကၠးကၠးကီုလေဝ် ဒပ်မၚ်ပြၚ်ၜဳရေၚ်သ္ကအ် ပံၚ်တောဲရေၚ်တၠုၚ်အာဂှ်ဝွံ လုပ်စိုပ်ပ္ဍဲပယျဵုဒၞက်ဍာ်ဍုၚ်သ္အာၚ်တုဲ သွက်ဂွံဖအောန်ဖျေံ အန္တရာယ်ပဋိပက္ခက္တဵုဒှ်မာန် အကြာက္ၜၚ်တမ္ၚာတံဂှ် ပၟိက်ဇၞော်တုဲ ဒှ်တၚ်တုပ်စိုတ် မဗဒှ်ကဵုအထံက်အရီု ပရေၚ်ကယျာန်ဓဝါန်စပ်ကဵုပယျဵုဒၞက်ၜါလ္ပာ် ဂွံပြေပြံၚ်ဏောၚ်ဂှ် သ္ဂးလဝ်အိုတ်ရ။
ဗဳယေတ်နာမ် ကေုာံ အေန်ဒိုဝ်နဳယှာတံ ပ္ဍဲသၞာံ ၂၀၀၂ ဂိတုဒဳဇြေမ်ဗာတေံ ကြဴနူသ္ပစၟတ်သမ္တီ ပရေၚ်ခုတ်ပ္တန်ပယျဵုဒၞက် အပိုၚ်အခြာဒေသပရေၚ်ပိုန်ဒြပ်တၟေၚ်ညးတံ ပ္ဍဲၜဳကြုက်သၠုၚ်ကျာတုဲဂှ် ဟိုတ်နူက္ၜၚ်ဒပ်မၚ်ပြၚ်ၜဳကြုက် တတ်ဒဳအာ ဗ္ဒါဲဨရိယာဂှ်တုဲ ကေၚ်က္တဵုဒှ်လဝ် ပဋိပက္ခဏီရ။
အပ္ဍဲလၟေၚ်တရဴ ဂိတုဂျာန္နဝါရဳ ၂၉ ကၠုၚ်စိုပ်ဏံ ပွိုၚ် ၂ တ္ၚဲဂှ် မာကောသ်ဝွံ ဂွံဆဵုဂဗအာ ကုက္ဍိုပ်သ္ကိုပ်ဗဳယေတ်နာမ်တံနွံဂှ် ညးမၞုံအခေါၚ်ဟီုဂး ဌာနဝန်ဇၞော်ကာဍုၚ်သ္အာၚ်ဗဳယေတ်နာမ် ဟီုရ။
ဍုၚ်ဖဳလေတ်ဖေန်ဝွံ မ္ၚးနူကဵုဗဳယေတ်နာမ်ဂှ် ဗ္ဒဗ္ဒါဲဍုၚ်မဆေၚ်စပ်တၞဟ်သ္အာၚ်တံတုဲ သွက်ဂွံဖျေံစၟတ် စေဝ်ပၞောန်တၞဟ်ခြာ မ္ဒးဒ္ဂေတ်ဗက် ပ္ဍဲၜဳဂှ်မာန်ဂှ် ပ္တိတ်ဒၟံၚ်ဇြဟတ်ဂှ်ရ ကြုက် ဟွံပြေစိုတ် ဒှ်ကၠုၚ်မာန်ဏောၚ်ဂှ် ညးလ္ၚတ်ဂမၠိုၚ် သ္ဂးလဝ်ရ။
Ref; Reuters