တၞၚ်သဳ၊ ဨပရဴ ၂
ဗ္ဒိုပ်ကၚ် PD မွဲ ပ္ဍဲကွာန် (တမုတ်ချုံး) ပွိုၚ်ဍုၚ်တၞၚ်သဳ၊ ရးတၞၚ်သဳ ဒးဒုၚ်ကၠတ်ဗ္တိုက်တုဲ ကောန်သ္ဂံၚ် PDF ၜါတၠ ပြဟ်လလုဲအာလဝ်ဂှ် ဂွံတီကေတ် ဇရေၚ်ဂကောံဒပ်စဵုဒၞါညးဍုၚ်ကွာန်တံရ။
တုဲကၠုၚ် ပ္ဍဲဂိတုမာတ် ၃၀ အခိၚ်နူဂယး ၜိုတ် ၆ နာဍဳဂှ် ဒပ်ကံၚ်ဇြဳပၞာန် လုပ်စိုပ်ဗ္တိုက်လဝ် ဗ္ဒိုပ်ကၚ်ဂကောံဒပ်စဵုဒၞါညးဍုၚ်ကွာန် မၞုံပ္ဍဲကွာန် (တမုတ်ချုံး) နကဵုဇြဟတ်လၟိဟ်ဗွဲမဂၠိုၚ်ဂၠေၚ်ရ။
ဒပ်ကံၚ်ဇြဳပၞာန် ဇြဟတ်ဒပ် ၃၀ ပြၚ် ပါဂှ်ဝွံ ဟိုတ်နူလုပ်စိုပ်ဗ္တိုက်လဝ် ဗ္ဒိုပ်ကၚ် PDF နကဵုဇြဟတ်လၟိဟ်ဗွဲမဂၠိုၚ်ဂၠေၚ်ဂှ်တုဲ ကောန်သ္ဂံၚ် PDF ၜါတၠ ဒးဒုၚ်ရပ်လဝ်ရ။
ဒပ်ကံၚ်ဇြဳပၞာန်ဝွံ ဍဵုဍိုက်ပျဲပျာံဂစိုတ်လဝ် ကောန်သ္ဂံၚ် PDF ဒးဒုၚ်ရပ်ၜါတၠဂှ်တုဲ ဒရုၚ် ၂ ကဵု ကပေါတ်ဆက်စပ်ဗွဲမဂၠိုၚ်ဂၠေၚ် ဒးဆောံလေၚ်အာလဝ်ရောၚ် ညးဒုၚ်တာလျိုၚ်လလောၚ်ပရိုၚ် ပကဖ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကြဴနူဂှ်တုဲ ဒပ်စဵုဒၞါညးဍုၚ်ကွာန်တံ ကလေၚ်ကေတ်ဏာ ဇွကောန်သ္ဂံၚ် မပြဟ်လလုဲအာလဝ်တံ နကဵုဇြဟတ်လၟိဟ်ဗွဲမဂၠိုၚ်ဂၠေၚ်တုဲ ပရေၚ်ပန်ပှော်ၜါလ္ပာ် က္တဵုဒှ်လဝ်တုဲ လ္ပာ်ကံၚ်ဇြဳပၞာန်တံ ဆုတ်ဂြိပ်အာတုဲ ကလေၚ်ဂွံလဝ်ဇွဂှ်ရောၚ်ဂှ် သ္ဂးရ။
တ္ၚဲဏံ ကရောၚ်ဒပ်ကံၚ်ဇြဳပၞာန်ၜါကရောၚ်ဝွံ မွဲဒမြိပ်ကွာန် (တမုတ်ချုံး) ဂှ် ဆက်ကၠောန်သ္ပၚးတးဒၟံၚ်တိဍာ်တုဲ ထ္ပက်ဒၟံၚ်ကရောၚ်ပၞာန်ရောၚ် ဂွံတီကေတ် အတိုၚ်ဂလာန် ဂကောံဒပ်စဵုဒၞါညးဍုၚ်ကွာန်တံရ။
ပရိုၚ်−သြၚ်လောန်တိုၚ်(မ်)
ဗီု−Social Media