နျူယျံက်၊ ဨပရဴ ၂၀
စပ်ကဵုအဳရာန် ဗ္တိုက်လဝ် အေဿရေတုဲ ပ္ဍဲဒေသသ္ကုတ်ဗၟံက်လဒေါဝ်တေံ ပရေၚ်ကြံၚ်မ္ၚိုဟ်တံ သၠုၚ်တိုန်ကၠုၚ်ဒၟံၚ် သၠဲသၠဲလးလးတုဲ ပဋိပက္ခက္တဵုဒှ် တၟံကၠံပေၚ်ၚ်မာန် သၠုၚ်တိုန်ဒၟံၚ်ယျဂှ် ဂအုပ်ညးအုပ်ကာနာနာကုလ အာန်တဝ်နဳယိုဝ် ဂူတာရက် ကဵုလဝ်သတိရ။
ဟိုတ်နူအေဿရေ ဗ္တိုက်လဝ် ဂါဇြာတုဲ သွက်ညးနွံဒၟံၚ် ပ္ဍဲတိဍာ်ပါလက်သတိုၚ်တံဂှ် ပရေၚ်ဗ္စာရဏာမၞိဟ် ဒှ်ဒၟံၚ်ညံၚ်ရဴနရက်ဏောၚ်ဂှ် ဂူတာရက်သ် သ္ဂးလဝ်ရ။
ဝန်ဇၞော်ကာဍုၚ်သ္အာၚ် ဂျဝ်ဒါန် ကေုာံ အဳရာန်တံ မပါလုပ် ပ္ဍဲကဵုကောံဓရီု ကံၚ်ဇြဳဂီုကၠီုကဆံၚ်သၠုၚ် ဝန်ဇၞော်ကာဍုၚ်သ္အာၚ်ဗွဲမဂၠိုၚ် တိုန်စိုပ်လဝ်ဂှ် ဂူတာရက် ဟီုလဝ်သာ်ဏံရ။
ပရေၚ်ဆက်စၠောံမွဲမွဲ ပရေၚ်တော်တၟော်မွဲမွဲ ဗၠေတ်မှာယောၚ်ယာအာမ္ဂး ပ္ဍဲဒေသသ္ကုတ်ဗၟံက်သၠုၚ်ကျာတေံ ပဋိပက္ခ က္တဵုဒှ်ကၠုၚ် တၟံကၠံပေၚ်ၚ်မာန်ဏောၚ်တုဲ ညးမပါလုပ်ဆက်စပ်သီုဖအိုတ် ဒးဆေၚ်မုက် ကုအကာဲအရာပရေံပရေံမာန်ရောၚ်ဂှ် ညးကဵုလဝ်သတိရ။
နကဵုညးပါလုပ်ချဳဒရာၚ် ပ္ဍဲသ္ကုတ်ဗၟံက်လဒေါဝ်တံဂမၠိုၚ် ချိၚ်ဆတုဲ သွက်ဂွံကၠောန်ၜိုတ်ညးသ္ကအ်အိုတ်ဂှ်လေဝ် ဇၞော်သ္ကိုပ်ကုလ ဖ္တိုက်ဖ္အောဝ်လဝ်ရ။
ပ္ဍဲဂါဇြာ အခိၚ်အေဿရေ ဗ္တိုက်သရိုဟ်ထပိုတ်ဒၟံၚ်ရိုဟ်ကၞက် ဂကောံဟာမာသ်ဂှ် ဂကောံဟေသ်ဗိုဝ်လာ ဖျေံသ္ဇိုၚ်လက်ဗနန် ဗ္တိုက်ဒၟံၚ် အေဿရေတုဲ အဳရာန်လေဝ် ဗ္တိုက်ဒၟံၚ် အေဿရေ မဒှ်ရ။
သွက်ရုၚ်ဝန်ကဵုအရီုဗၚ်အဳရာန် ဖျေံသ္ဇိုၚ်သဳရဳယျာ ဒးဒုၚ်ဗ္တိုက်လဝ်ဂှ်တုဲ ကလေၚ်ပလန်လဝ် အေဿရေတုဲ ပလန်တဲဗ္တိုက်လဝ် အေဿရေ နကဵုက္ၜၚ်ကျာမသက္ကုမၞိဟ်ဒဳ၊ ကမ်လှောဝ်တံဂှ်တုဲ ပ္ဍဲသ္ကုတ်ဗၟံက်လဒေါဝ်ဂှ် ပရေၚ်ကြံၚ်မ္ၚိုဟ်တံ သၠုၚ်တိုန်ဒၟံၚ်ရ။
သ္အာၚ်နူဂှ်ပၠန် က္ဍိုပ်သပုန်ဟူတဳတံလေဝ် ဗ္တိုက်ဒၟံၚ် အေဿရေတုဲ ဗ္တိုက်ဒၟံၚ် က္ၜၚ်ဗၞိက် တတ်ကၠောံဒၟံၚ် ၜဳဗ္ကေတ်တံလေဝ် နွံဒၟံၚ်ရ။
ဇၞော်သ္ကိုပ်ကုလဂှ် ရန်ကဵုပရေၚ်ဗ္စာရဏာမၞိဟ်တုဲ သွက်ဂွံဒေါအ်ဒေၚ်ကဵု ပရေၚ်ပန်ပှော်တံဂှ်ကီု၊ သွက်ဂွံဗလးကဵု ညးဒးဒုၚ်ရပ်လဝ်တံ သီုဖအိုတ် လွာဲဂှ်ဂှ် အာတ်မိက်လဝ်ရ။
Ref: AFP