တဳဟဳရာန်၊ ဨပရဴ ၂၆

ကြဴနူဒးဒုၚ်ရပ်ဒက် စပ်ကဵုဒွက် ပါ်ပါဲလဝ် အလဵုအသဳတုဲဂှ် ရုၚ်သၞောဝ်ဓဝ်အဳရာန် ကဵုလဝ်ဒဏ်ဂစိုတ် ကုသၟာဒယှ်ေဒွက် Rap, Toomaj Salehi ဂှ် ညးရေၚ်တၠုၚ်ဂဗုတ်ညး ဟီုရ။

ရုၚ်သၞောဝ်ဓဝ်သ္ဇိုၚ် ဖျေံစၟတ်ထောံဒဏ်ဂစိုတ် ကု Toomaj Salehi နဒဒှ်ဒုဟ်ဒဏ်သ္ကာတ်မြဟ်အိုတ်ဂှ် ညးရေၚ်တၠုၚ်ဂဗုတ်ညး အေမာရေသဳယာန် ဟီုလဝ် ပ္ဍဲအေန်တာဗျူ မကၠောန်လဝ် ကုဌာန်ပရိုၚ်အဳရာန် Shargh Daily ရ။

ဒုဟ်ဒဏ် နူရုၚ်သၞောဝ်ဓဝ်အဳရာန် ဖျေံသ္ဇိုၚ်ဍုၚ်အေတ်ဝှာဟာန် ဖျေံစၟတ်လဝ်ဂှ်ဝွံ ဒှ်မံၚ်လက်ဂတး ကုတၚ်သ္ဂုတ်သွာတ် ရုၚ်သၞောဝ်ဓဝ်ကၟိန်ဍုၚ်အဳရာန်ဏောၚ် အေမာ ရေသဳယာန် ဟီုလဝ်တုဲ ဂဗုတ်ဏံဝွံ ကိတ်ညဳဒၟံၚ်ကဵု တၚ်နၚ်သွက်အခေါၚ်ဗၠးနူဒုဟ်ဒဏ်တံဏောၚ်ဂှ် ရုၚ်သၞောဝ်ဓဝ်ကၟိန်ဍုၚ် သ္ဂုတ်သွာတ်လဝ်ရောၚ် သ္ဂးလဝ်ရ။

ပ္ဍဲကဵုတၚ်သ္ဂုတ်သွာတ် ရုၚ်သၞောဝ်ဓဝ်ပၠန်ဂတးဂှ် ပဋိပက္ခစပ်ကဵုသၞောဝ်တံ နွံဒၟံၚ် ကၠးဖ္ဍးဒၟံၚ်ဂှ်ရ ညးတံ လုပ်ဂရၚ်ပ္တီအာဟွံသေၚ်ပုဟ်ဂှ် ညးရေၚ်တၠုၚ်ဂဗုတ်ဂှ် ဟီုလဝ်ဏီရ။

Toomaj Salehi ဒးဒုၚ်ရပ်ကဵု ဒပ်အဳရာန်တံ ဂၠိုၚ်ကဵုဝါဂှ်ဝွံ မွဲဏှမွဲဏှ လေပ်ဟီုပ္တိတ် ပရေၚ်အလဵုအသဳ စလာပ်သ္ကာ ဒ္ဂေတ်ပဋိပတ်လီုတံဂှ်တုဲ ညးဝွံ အပ္ဍဲသၞာံတုဲတုဲကၠုၚ်တံဂှ် ကလောန်ညး ညးကၠောန်တုဲ ဒှ်တၠအနုပညာဒယှ်အိုတ်မွဲတၠ ဒးဒုၚ်ရပ်လဝ် ကဵုအလဵုအသဳရ။

ပ္ဍဲကဵုဒွက်ညးဒယှ်ဒယှ်ဂမၠိုၚ် ဒွက်ကတိုၚ်ကၞိဂှ်တှ်ေ နကဵုရဲပံၚ်တောဲကၠောန်ဒၟံၚ် ကုကၟိန်ဍုၚ်ပံၚ်ကောံ အေဿလာမ်မေတ်တံ ဟိုတ်နူကလောန်ညးတံ ဗၠေတ်တ်တံဂှ်တုဲ ခြာဟွံလအ် ဒးကဵုဒုဟ်ဒဏ်ရဏောၚ်ဂှ်ရ ဂၠါဲလဝ်ဒၞါဲသ္ဇက်ဂွံအောပ်တှ်ေ ခိုဟ်ဏောၚ် သတ်ဒွက်ဏံ ပါလုပ်ဒၟံၚ်ရ။

ဟိုတ်နူပ္တိတ် ဒယှ်ေလဝ် ဒွက်ပ္တိုန်ဒုဟ် ဖျေံကဝု ကုအလဵုအသဳတုဲ ဒးဒုၚ်ရပ်တုဲ ပ္ဍဲသၞာံ ၂၀၂၁ တေံ ကလေၚ်ဗၠးကၠုၚ်ကီုလေဝ် ညးဝွံ ဒွက်ဒစဵုဒစးအလဵုအသဳတံဂှ် ထပ်ပ္တိုန်ဒၟံၚ် ပ္ဍဲအောန်လာၚ်ရောၚ် ဂွံတီကေတ်ရ။

ပေါဲထ္ၜးဆန္ဒ က္တဵုဒှ်လဝ် အလုံဍုၚ်အဳရာန် ဒၟါနူညးဗြဴ မာယှာ အမဳနဳ အာယုက် ၂၂ သၞာံ ဟွံလ္တက်ယာတ်ဂြောပ်က္ဍိုပ်တုဲ ဒးဒုၚ်ရပ်တုဲ ဒးချိုတ်အာလဝ် ပ္ဍဲတဲဒပ်ဗၠာဲသၟိၚ်တံဂှ်လေဝ် Toomaj Salehi ထံက်လဝ်ဂလာန်ရ။

ကြဴနူဖျေံဒဏ်ဂစိုတ် လ္တူ Toomaj Salehi တုဲ ပေါဲထ္ၜးဆန္ဒ ထံက်ဂလာန်ကုညး က္တဵုဒှ်ဒၟံၚ် အလုံဍုၚ်မွဲဂှ် ဂွံတီကေတ်ရ။

Ref: ABCNews

Leave a Reply

Your email address will not be published. Required fields are marked *