မတ်မလီု၊ ဨပရဴ ၂၇
ညံၚ်ရဴတွဵုရး ကေုာံ ရးဒေသတၞဟ်ဟ်တံကီု ပ္ဍဲတွဵုရးဍုၚ်မန် ဗ္ၜတ်ဂမ္တဴသ္ကာတ်မြဟ်ဒၟံၚ်တုဲ စာၚ်၊ ကၠိက်လွဳလဝ်ဂမၠိုၚ် ချိုတ်ဂၠိုၚ်ကၠုၚ်တုဲ ကမၠောန်ဗွဲမဂၠိုၚ် ကျဒၟံၚ်ရောၚ် တၠကမၠောန်လွဳတိရစ္ဆာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
စာၚ်၊ ကၠိက် လွဳလဝ်ဂမၠိုၚ်ဝွံ ဟိုတ်နူရာသဳဥတု အေဝ်နဳညဵု က္တဵုဒှ်ဒၟံၚ်လၟုဟ်ဂှ်တုဲ ဗ္ၜတ်ဂမ္တဴ သ္ကာတ်မြဟ်လောန်တုဲ လတေၚ်ဆီကၠေၚ်က္ဍဟ်ပိုတ်တုဲ ချိုတ်အာတံလေဝ် နွံတုဲ ကဵုဍာ်ရုမ်မ်ဂပ်ပ် ဟွံမာန်တုဲလေဝ် ဒးချိုတ်အာတံ နွံဒၟံၚ်ရ။
မွဲလ္ပာ်ဂှ်ပၠန် ၚုဟ်ဂဥုဲဇဗ နွံပၟိက် သွက်စာၚ်၊ ကၠိက် လွဳလဝ်တံဂှ် သၠုၚ်တိုန်ဒၟံၚ်ကွေံကွေံဂှ်ရ ဂဥုဲဇဗ နွံပၟိက် ဗီုကၠာတေံဂှ်လေဝ် ဖျုၚ်ဟွံမာန်ရတုဲ ချိုတ်ဂၠိုၚ်ဒၟံၚ်ရောၚ် ဂွံတီကေတ်ရ။
“ ရာသဳဥတုဂှ်တှ်ေ က္တဴတုဲ အခိၚ်ဏံ ပရေၚ်လွဳတိရစ္ဆာန်တံဂှ်တှ်ေ ဇီုကပိုက်ဒးတၟာဂလိုၚ်ဏောၚ်။ လွဳစာၚ်ကီု၊ လွဳကၠိက်ကီု၊ ဟိုတ်နူဂမ္တဴတုဲ စာၚ်တံဂှ်တှ်ေ ဒးလီုအာတၟာဂလိုၚ်နွံရ။ လ္ၚဵုတံဂှ်တှ်ေ လီုအာ စဵုကဵု ၂၀ တၟံကၠံနွံရ။ ဍေံဂှ် လ္တူနူကဵုယဲဘဲဂှ် ဒးဂမ္တဴဏံတုဲ လတေၚ်ဆီကၠေၚ်က္ဍဟ်ပိုတ်တုဲ ချိုတ်အာဂှ်ဂၠိုၚ်။ ဗွဝ်ဖျာလေဝ် ဟွံခိုဟ်တုဲ ရဲလွဳတံဂှ်လေဝ် အောန်အာကွေံကွေံယျ” သာ်ဝွံ တၠကမၠောန်လွဳတိရစ္ဆာန်မွဲတၠ ဟီုရ။
သ္အာၚ်နူဂှ်ပၠန် ယဝ်ရဗ္ၜတ်ဂမ္တဴ ဆက်သ္ကာတ်မြဟ်ဒၟံၚ်မ္ဂး ပ္ဍဲကမၠောန်လွဳတိရစ္ဆာန်တံဂှ် စာၚ်ချိုတ်၊ ကၠိက်ချိုတ်တံ ထပ်သၠုၚ်တိုန်ကၠုၚ်မာန်တုဲ ဟွံဖျုၚ်ကဵုဂဥုဲ ချိုတ်တ်ပၠိုတ်တ်မ္ဂးလေဝ် အရာမဒးဆောံလေၚ်တံ ဂၠိုၚ်ကၠုၚ်မာန်ရောၚ် သ္ဂးရ။
တၠကမၠောန်လွဳတိရစ္ဆာန်မွဲတၠဂှ်လေဝ် ဟိုတ်နူဗ္ၜတ်ဂမ္တဴရာသဳဥတုတုဲ စာၚ်ချိုတ်မံၚ် ကြပ်အရိုဟ်တ္ၚဲတုဲ ၚုဟ်ဂဥုဲဂှ်လေဝ် က္ဍၚ်ဒၟံၚ်တုဲ စာၚ်ချိုတ်အာတံဂှ်လေဝ် ဟွံဂွံၚုဟ်တုဲ ဒးဖအောန်ဖျေံလဝ် ကမၠောန်တၟာဂလိုၚ်ရောၚ် ဟီုရ။
“ ရာသဳဥတုက္တဴတုဲ စာၚ်တံဂှ်ချိုတ်။ မွဲတ္ၚဲတှ်ေ မွဲၜါ ချိုတ်ဒၟံၚ်။ ဒးဖျုၚ်ဒၟံၚ်ဂဥုဲ။ ဂဥုဲဂှ်လေဝ် လၟုဟ်ဖျုၚ် စာၚ်ၜိုတ် ၁၀၀၀ တှ်ေ မွဲတ္ၚဲ ၜိုတ် ၄၀၀၀၀ အိုတ်ဏောၚ်။ ဂွံပံက်ပၚ်ကာဂှ်လေဝ် ပၟတ်ဟွံကၠုၚ်ပုဟ်။ သွံပၠန်တှ်ေလေဝ် စာၚ်မွဲဂှ် ကဵုၜိုတ်လဵုရောဟီုတှ်ေ ၂၀၀၀၊ ၁၀၀၀၊ ၁၅၀၀ ရ ကဵုမံၚ်။ ဗီုလဵုမှ ဟွံပြေပြံၚ်ပုဟ်။ ဂွံမံၚ်ၚုဟ် ၜိုတ်ဖျုန်စာၚ်ရဏောၚ်။ ဖအောန်လဝ်ကမၠောန် တၟာဂလိုၚ်ရ။ ရုၚ်သၠးမံၚ်တံဂှ် စွံလဝ်အတိုၚ်ဏံရ။ ဖအောန်ထောံလဝ် တၟာဂလိုၚ်ယျ” သာ်ဝွံ သ္ဂးရ။
ကမၠောန်လွဳတိရစ္ဆာန်ဂမၠိုၚ်ဝွံ ကပေါတ်တမ် ဂဥုဲဇဗ၊ စၞတံဂှ် ၚုဟ်က္ဍၚ်ဒၟံၚ်သၟးဟွံက ချိုၚ်ဂၠိုၚ်ကၠုၚ်တုဲ စုတ်ကၠေံတၟိတၟိ ဗီုကၠာတေံတုဲ လွဳဟွံမာန်ရတုဲ ဟိုတ်နူကျဒၟံၚ်ဂှ်ရ ဒှ်ဒၟံၚ်အကာဲအရာ ဒးဒေါအ်ဇူကမၠောန်ဏောၚ်ဂှ် ဂွံတီကေတ်ရ။
အခိၚ်လၟုဟ် ကမၠောန်လွဳတိရစ္ဆာန်တံဝွံ ခရိတ်ကၠောန်ပ္တိတ်က္ဍၚ်တုဲ ချိုတ်အာတံနွံကီုလေဝ် အပ္ဍဲဗွဝ်ဖျာဂှ် ၚုဟ်ခိုဟ်ဟ်လေဝ် ဟွံဂွံတုဲ ဟိုတ်နူဖျုန်ဂံက်က် လုပ်နူဍုၚ်တၞဟ်ဟ် ဟွံလုပ်သၞောဝ်တံဂှ်တုဲ ဒးဂဗဒၟံၚ်အခက်အခုဲရ။
သ္အာၚ်နူဂှ်ပၠန် ကြဴနူဒပ်ပၞာန်သီအဝဵုတုဲ စၞ ကေုာံ ဂဥုဲဇဗ ကပေါတ်တမ်တံဂှ် ၚုဟ်သၠုၚ်တိုန်ဒၟံၚ် ၂ ဆပြၚ်ကီု၊ ခရိတ်ပလံၚ်ဗစိုပ်တံ အိုတ်ဂၠိုၚ်သၟးဟွံက ခရိတ်အိုတ်နာနာတံလေဝ် က္ဍၚ်ဒၟံၚ်တုဲ ကမၠောန်လွဳတိရစ္ဆာန်ဗွဲမဂၠိုၚ် ဒးဒေါအ်ဇူကၠုၚ်ရ။
ပ္ဍဲတွဵုရးဍုၚ်မန်ဂှ် ကမၠောန်လွဳတိရစ္ဆာန် စာၚ်၊ ကၠိက်၊ အဒါ၊ က တံဂှ် ကၠောန်ၜိုတ်ဒၟံၚ်အဓိကတုဲ ကမၠောန်လွဳဗ္ၜေံ၊ ဂၠဴ ကေုာံ ဒဂိုတ်တံဂှ်တှ်ေ ကၠောန်ဒၟံၚ်ညိည နွံဒၟံၚ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−CJ