မနဳလာ၊ မေ ၄
ကြုက် စကာပိုက်သိုဟ်ပၠိုတ်ပၟတ်တုဲ တာဒၞါက္ၜၚ်ဖဳလေတ်ဖေန်ဂှ် ဒဒှ်ရဒစဵုဒစးဂှ် ပ္ဍဲဂိတုမေ ၂ တေံ အလဵုအသဳဖဳလေတ်ဖေန် ကော်ဆဵုလဝ် အမာတ်ကလုတ်ကြုက်ရ။
ပြဝ ဒပ်မၚ်ပရၚ်ၜဳကြုက်တံဝွံ သ္ကဵုဒှ်တဴပလာပ်ပထုဲတုဲ ဒှ်ပြဝ က္တဵုဒှ်အန္တရာယ်မာန်တံရောၚ်ဂှ် ဖဳလေတ်ဖေန် ဟီုရ။
ဒပ်မၚ်ပယျဵုကြုက်တံ စကာပိုက်သိုဟ်ပၠိုတ်ပၟတ်တုဲ တာဒၞါဒၟံၚ် က္ၜၚ်ဖဳလေတ်ဖေန်တုဲ အရာမဂၠါဲသၞတၞဟ်သ္အာၚ်တံဂှ်လေဝ် ကၠောန်သ္ပဒၟံၚ်ရောၚ် ဖဳလေတ်ဖေန် ဟီုလဝ်တုဲ က္ၜၚ်ကြုက်တံ သွက်ဂွံတိတ်အာကဵု နူဒေသဏံဂှ် အာတ်မိက်လဝ်ရ။
ဣဏံဝွံ ကော်ဆဵု ဒုက္ဍိုပ်သ္ကိုပ် ဂကောံကလုတ်ကြုက်တုဲ ဒဒှ်ရဒစဵုဒစးဂှ် အပ္ဍဲသၞာံဏံမ္ဂး မနဳလာ ကဵုလဝ်သတိ မရနုက်ကဵု ၂၀ ဝါရ။
ဒေသဒၞါဲပြသၞာက္တဵုဒှ်ဏံ ကြုက်သီဂွံလဝ် ပွိုၚ်စှ်သၞာံပြၚ်ဂှ်ဝွံ အကြာဖဳလေတ်ဖေန်ကဵု ကြုက်တံဂှ် ဒှ်ဒၞါဲပဋိပက္ခက္တဵုဒှ် အဓိကရ။
ပ္ဍဲဒေသ ကယျာန်ဓဝါန်ဒၟံၚ်ဏံဂှ် ဖဳလေတ်ဖေန် ကေတ်ကၠုၚ်ဒၞါဲ ဂၠိုၚ်ကၠုၚ်နူကၠာတေံဂှ်ရ ခြာဟွံလအ်တုဲကၠုၚ်တေံဂှ်လေဝ် ပရေၚ်ကြံၚ်မ္ၚိုဟ် ကုကြုက် သၠုၚ်တိုန်လဝ်တုဲ ဖဳလေတ်ဖေန်ဂှ် ညံၚ်ပွမဒက်မဟာမိတ် ကုအမေရိကာန်၊ ဂျပါန်တံ ဇြဟတ်ဂွံခိုဟ်ဂှ် ကၠောန်ၜိုတ်လဝ်ရ။
ပ္ဍဲဒေသ ဍုၚ်လဵုမွဲမှ အခေါၚ်ပိုၚ်ပြဳ စပ်ကဵုအဝဵုအပိုၚ်အခြာဟွံမွဲတံဂှ် ကြုက်ဝွံ ညးတံပိုၚ်လဝ်ရောၚ် ဟီုလဝ်တုဲ ရုၚ်သၞောဝ်ဓဝ် သောၚ်ကလးပရေၚ်ကယျာန်ဓဝါန် ဍုၚ်သ္အာၚ်ဂှ်တှ်ေ ဂလာန်ဗေကျေန် ဟီုဂးလဝ်ဂမၠိုၚ် ဟွံလုပ်သၞောဝ်ပုဟ်ဂှ် သ္ဂုတ်သွာတ်လဝ်ရ။
ဆ္ဂး ကြုက်ဂှ် ဟွံသ္ပဂရုမွဲသာ် ဗ္ဒါဲၜဳကြုက်သၠုၚ်ကျာမွဲဂှ် ညးတံပိုၚ်လဝ်ရောၚ် ဟီုဒၟံၚ်ရ။
ဒေသဏံဝွံ သယံဇာတသဘာဝ ဂၠိုၚ်ဂၠေၚ်တုဲ သွက်ပရေၚ်သွံရာန်ဗၞိက်ဂှ်လေဝ် ဒှ်ဂၠံၚ်ပၟိက်ဇၞော်မွဲရ။
Ref: Reuters