မတ်မလီု၊ မေ ၉
အပ္ဍဲကာလပၞာန်သီအဝဵု ပွိုၚ်ပိသၞာံဏံ ပ္ဍဲဍုၚ်မတ်မလီု ဍုၚ်ဇၞော်တွဵုရးဍုၚ်မန်ဂှ် ကွဳလိုန်ဓာတ်၊ အိုဝ်ဝေတံ မပါလုပ် ပရေၚ်ကၠတ်ဂၠံက်တၞဟ်ဟ်တံလေဝ် သၠုၚ်တိုန်ကၠုၚ်ဒၟံၚ် အရိုဟ်တ္ၚဲကီုလေဝ် လ္ပာ်ကံၚ်ဇြဳပၞာန် ဂၠိုက်ဂၠါဲထ္မံက်ပ္တိတ် ရပ်ဒက်ကဵု ဟွံမွဲပုဟ်ဂှ် ညးလ္တူဍုၚ်တံ ပါ်ပါဲလဝ်ရ။
ပ္ဍဲဍုၚ်မတ်မလီု ပတေၚ်ဂြတ်လဝ် ပရေၚ်ဂီုကၠီု ဗွဲတၟေၚ်ဂှ် ဗွဲကြဴဏံ ဒက်က္ဍိုပ်တုဲ သီုဗ္တံသီုတ္ၚဲ ကလိလောန်ကၠုၚ် ပရေၚ်ကၠတ်ဂၠံၚ်ပၠံၚ်ၜးတံ မံက်က်ထေၚ်ၚ် အဆက်က်ဂှ်ရ မ္ၚးနူကဵုကွဳလိုန်ဓာတ်ဂှ် ဖုၚ် ကေုာံ ကပေါတ်တၞဟ်သ္အာၚ် ကၠေံခၞၚ်တံဂှ်လေဝ် ဂၠိုၚ်တိုန်ကၠုၚ်ရ။
နကဵုညးဒေသဂမၠိုၚ် ပိုန်ဒြပ်ဇကု ဒးဒုၚ်ကၠတ်တုဲ အာတေၚ်ဇရေၚ်ကံၚ်ဇြဳပၞာန် နကဵုသက်သဳ၊ စၟတ်သမ္တီ CCTV တံမ္ဂးလေဝ် ပံက်ကဵုဂဗုတ် ရပ်ဒက်ကဵုဟွံမွဲပုဟ်ဂှ် ညးဒသတံ ပါ်ပါဲလဝ်ရ။
ညးဒေသမတ်မလီုမွဲတၠဂှ် ဒက်ဂကောံတုဲ ဗက်ကၠတ်ဂၠံက်ဒၟံၚ်ကွဳလိုန်ဓာတ် အပ္ဍဲဍုၚ်တံ နွံဒၟံၚ်ဂှ်ရ ကၠေံဒၟံၚ်ကဵုစှော်ဏောၚ်တုဲ အာတေၚ်ဇရေၚ်ဒပ်ဗၠာဲသၟိၚ်ကံၚ်ဇြဳပၞာန်တံဂှ်မ္ဂးလေဝ် ပၠောပ်လဝ်စရၚ်သၟးရတုဲ ရပ်ဒက်ကဵုဟွံမွဲပုဟ်ဂှ် ဟီုရ။
“ကွဳလိုန်ဓာတ် ကၠေံလ္တူဍုၚ်မတ်မလီုဂှ်တှ်ေ မွဲတ္ၚဲတှ်ေ ၜိုတ်စှ်မပြၚ်ဏောၚ်။ ကၠေံတုဲတှ်ေ ဟွံကလေၚ်ဂွံပုဟ်။ ကၠတ်ဒၟံၚ် ကဵုက္ဍိုပ်ဏောၚ်၊ ၜိုတ်မွဲၜါမိနေတ်ရ လအ်။ ညးဒး ညးဒုၚ်ရဏောၚ်။ ဂွံသ္ပပဓာန်ဂှ်လေဝ် ဟွံမွဲပုဟ်။ အာတေၚ်လေဝ် ဟွံဂွံပုဟ်။ တေၚ်တှ်ေ တေၚ်ဂွံ။ ဆ္ဂး ချူလဝ်စရၚ်ရနွံဏောၚ်။ ရပ်စပ်တံဂှ် ဟွံမွဲပုဟ်” သာ်ဝွံ သ္ဂးရ။
သ္အာၚ်နူဂှ်ပၠန် ရဲဂေတ်ကၠတ်ဒၟံၚ် အပ္ဍဲဍုၚ်လၟုဟ်တံဂှ်ဝွံ အခိၚ်တိတ်ဗ္တံဟွံဂွံ ကံၚ်ဇြဳပၞာန် လလောၚ်ပ္တိတ်လဝ်ဂှ် ကၠတ်ဒၟံၚ် ဂၠိုၚ်အိုတ်တုဲ ဗက်ကၠတ်ဒၟံၚ် ကဵုက္ဍိုပ်ဂှ်ရ နွံကၠုၚ် သီုအန္တရာယ်လမျီုရောၚ်ဂှ် ညးဆက်ဟီုရ။
ညးဒေသမတ်မလီု ဒးဒုၚ်ကၠတ်ဏာ ကွဳလိုန်ဓာတ်ဂှ် မၞိဟ်ကၠတ်ကပေါတ်ကညောတ်တံဏံဂမၠိုၚ် ကၠတ်သီုကဵုကွဳလိုန်ဓာတ်ဂှ်တှ်ေ သာပရေံကၠုၚ်တုဲ အခိၚ်ဗ္တံဗ္တံ ဂွိၚ်တုဲ ဒးက္တဵုကျောဝ်ဒၟံၚ်တုဲ ရဲကၠတ်တံဂှ်တှ်ေ ကၠုၚ်ကဵုဂကောံတုဲ ဒးဖေက်ဒၟံၚ် သီုကဵုဂၠါဲသၞရောၚ်ဂှ် ဟီုရ။
“ဍေံတံကၠတ်ဂှ်တှ်ေ ပဵုပရေံကၠုၚ်ရ။ ဂွံကွဳသၠာပိတှ်ေ ကွဳသၠာပိ၊ ဟွံဂွံတှ်ေ ကွဳလိုန်ဓာတ် ဒှ်မံၚ်ဗီုဏံ။ ကွဳလိုန်ဓာတ်ဂှ်တှ်ေ သာဂၠိုၚ်ရ။ စိုတ်ဒှ်ဓဝိၚ်ဂှ်တှ်ေ အခိၚ်ဗ္တံလေဝ် သ္ဂာဗ္တံၜက် မွဲနာဍဳၚုဟ်မွဲတဲ ဒးက္တဵုကျောဝ်ဒၟံၚ်။ ဒးက္တဵုကျောဝ်ဒၟံၚ် မွဲဏှမွဲဏှရ။ ခါတ်ဇုက်ခရေဟ်လေဝ် ဟွံပြေပြံၚ်။ ဇုက်ခရေဟ်ရဂှ် ထပိုတ်ဏာကသအ်တံတုဲတှ်ေ အာဟဂှ်ရ။ အလန်အဲဂှ် ၅ တၠရ။ ဆဵုဍေံတံမ္ၚးဏံတုဲ အာရပ်နၚ်တှ်ေ ကုသိုလ်ခိုဟ် ဂြိပ်အာတှ်ေ ၜိုတ် ၃ တဲဂှ် ဒးဇိၚ်ဒၟံၚ်ဏီဏောၚ်” သာ်ဝွံ သ္ဂးရ။
မွဲလ္ပာ်ဂှ်ပၠန် လ္ပာ်ကံၚ်ဇြဳပၞာန်ဂှ် နကဵုဟိုတ်ပရေၚ်ဂီုကၠီုအပ္ဍဲဍုၚ်ဂှ်တုဲ ဂေတ်ဒၟံၚ်ကၚ်ကီု၊ ဇၟာပ်ပ်ဒၞါဲ စၟဳတ်ဒၟံၚ်တံ ကၠောန်ဒၟံၚ်ကီုလေဝ် သီုရဲကၠတ်ကွဳလိုန်ဓာတ်၊ သီုရဲကၠတ်ကပေါတ်တၞဟ်ဟ်တံဂှ် ရပ်ဂွံလဝ် ဟွံမွဲရ။
အပ္ဍဲဍုၚ် ဒၞါဲဂၠံၚ်ပိပန်သွာၚ်တံ၊ ဂၠံၚ်လုပ်တိတ်ဍုၚ်သၟးဟွံက အလုံဍုၚ်မွဲ ဒၞါဲသှ်ေဟွံကဵုမွဲ စုတ်လဝ်ကမ္မရာ CCTV တံကီုလေဝ် လ္ပာ်ကံၚ်ဇြဳပၞာန် ရပ်ဂွံ မၞိဟ်ကၠတ်တံဂှ်ဟွံမွဲမွဲသာ် မၚ်ကျောဝ်ဒၟံၚ် ၜိုတ်မၞိဟ်တတ်ပၟတ်ဍာဲတံသၟးရတုဲ အာတ်ဒၟံၚ်သြန်တံ နွံရောၚ် ညးဒေသတံ ပါ်ပါဲလဝ်ရ။
အခိၚ်လၟုဟ် ညးဒေသတံဝွံ ကပေါတ်ဇကု ကၠေံအာမ္ဂး ဒးဂၠိုက်ဂၠါဲထ္မံက်ပ္တိတ်ဒၟံၚ် အလဵုဇကုတုဲ တေၚ်ကဵုကံၚ်ဇြဳပၞာန်မ္ဂးလေဝ် ဟွံကလေၚ်ဂွံရ ဂၠိုၚ်တုဲ ဒှ်ကၠုၚ်ဒၟံၚ်အကာဲအရာ ညးဒးညးဒုၚ်ရောၚ်ဂှ် သ္ဂးရ။
ပ္ဍဲဍုၚ်မတ်မလီု အပ္ဍဲကာလပၞာန်သီအဝဵုဏံ သၞောဝ်ဥပဒေအုပ်လဒံ ဟွံမွဲရတုဲ ကြပ်အရိုဟ်တ္ၚဲ ကွဳလိုန်ဓာတ်တံ မပါလုပ် ဒးဒုၚ်ကၠတ်ဂၠံက်ကပေါတ်ကညောတ်ဂမၠိုၚ်ကီု၊ ဒးဒုၚ်ပၠံၚ်ၜး ဒးဒုၚ်ဂစိုတ်တံသၟးဟွံက ကလိလောန်ဒုဟ်ဒဏ်တၞဟ်ဟ်တံလေဝ် သာဂၠိုၚ်ကၠုၚ်ဂှ် ဂွံတီကေတ် အတိုၚ်ဂလာန်ညးဒေသတံရ။
ပရိုၚ်−သြၚ်လောန်တိုၚ်(မ်)
ဗီု−CJ