ပ္ဍဲကဵုၜဳကြုက်သၠုၚ်ကျာ ဒှ်ဒၟံၚ်ပရေၚ်ကယျာန်ဓဝါန်ဂှ် နကဵုဒပ်ဖဳလေတ်ဖေန် ယဝ်ရထပ်ဒးဒုၚ်ပကီုပရာပ်ကဵု ဒပ်မၚ်ပြၚ်ၜဳကြုက်တံမ္ဂး နကဵုဇြဟတ်မတုပ်သၟဟ်ဂှ် စဵုဒၞါအာ ဇကုဇကုဏောၚ် သ္ကိုပ်က္ဍိုက်ပ်ကာစဵုဒၞါ ဖဳလေတ်ဖေန် ဟီုလဝ် ပ္ဍဲဂိတုဂျူလာၚ် ၄ တေံရ။
ပ္ဍဲဂိတုတုဲကၠုၚ်တေံ ပ္ဍဲၜဳကြုက်သၠုၚ်ကျာဂှ် ဒပ်မၚ်ပြၚ်ၜဳကြုက်တံ ဟိုတ်နူဗ္တိုက်လဝ် နကဵုမုဲ၊ ဗၞုဟ်ကေက်က်တံဂှ်တုဲ ကောန်ဒပ်ဖဳလေတ်ဖေန်တံ ကလိဂွံအာလဝ်ဝပ်တုဲ က္ၜၚ်ဖဳလေတ်ဖေန်ဍောတ်တ်ၜါဖ္ဍိုက်လေဝ် ဒးလီုအာလဝ်ရ။
သွက်က္ၜၚ်ဒပ်ဍာ်ၜါဖ္ဍိုက် ဒးလီုအာဂှ် ကြုက် ဒးလေဲကဵုအာ ဒဝ်ဠာအမေရိကာန် ၁ ပြကောဋိကိုဋ်ဏောၚ်တုဲ ပ္ဍဲကဵုပရူဒဒှ် က္တဵုဒှ်လဝ် ပ္ဍဲဂိတုဂျောန် ၁၇ တေံဂှ် ရိုၚ်ဖေဝ်ၜါဇကိုအ် ဒပ်မၚ်ပယျဵုကြုက်တံ သီဏာလဝ်တံဂှ်လေဝ် ဒးကလေၚ်ကဵုဏောၚ်ဂှ် သ္ကိုပ်က္ဍိုက်ပ်ကာစဵုဒၞါဖဳလေတ်ဖေန် ရိုဝ်မဳယိုဝ် ဘရဝ်နာ ဂျူနဳယျာ အာတ်မိက်လဝ်ရ။
သမ္မတဖဳလေတ်ဖေန် မာကောသ် ဂျူနဳယျာဂှ် နကဵုညးတံ ဆၜိုတ်ဒစဵုဒစးဒၟံၚ် ဒဒှ်မပရေၚ်ကြုက်ဂၠါဲသၞတံသၟးဂှ် ဟွံတုဲတုဲ သွက်ဂွံကေတ်အရေဝ်ရေၚ်တၠုၚ် နတဲဂှ် နွံဒၟံၚ်ပၟိက်ယျ ဟီုလဝ်တုဲဂှ် တၚ်ကဵုသတိ သ္ကိုက်က္ဍိုက်ပ်ကာစဵုဒၞါဂှ် မံက်တိတ်ကၠုၚ်ရ။
အပ္ဍဲၜါလ္ပာ် ဆေၚ်မုက်ဒိဓဗတ်ဂှ် သၞာဲဒဴဒပ်ဍာ်ဖဳလေတ်ဖေန်မွဲတၠ ၝောံတဲလ္ပာ်ပုၚ် ပိုတ်အာလဝ်တုဲ ၚုဟ်လွဳကရေက်တံဂှ်လေဝ် ကြုက် ဒးကဵုဏောၚ် ဖဳလေတ်ဖေန် အာတ်မိက်လဝ်ကီုလေဝ် ကြုက် ဟွံကလေၚ်ပရိုၚ်ဏီပုဟ်ဂှ် ဂွံတီကေတ်ရ။
ညးတံဝွံ ကလေၚ်ခၠေဝ်အာ နကဵုဇြဟတ် အခေါၚ်စဵုဒၞါ ဇကုဇကုနွံဂှ်ဏောၚ် သ္ကိုပ်က္ဍိုက်ပ်ကာစဵုဒၞါ ဘရဝ်နာ ကဵုလဝ်သတိ ကုဒပ်မၚ်ပြၚ်ၜဳကြုက်ရ။
ပ္ဍဲကဵုပရေၚ်ကယျာန်ဓဝါန် စပ်ကဵုပယျဵုဒၞက် ၜဳကြုက်သၠုၚ်ကျာ ပါလုပ်သီုကဵုကြုက်ဂှ် ဖဳလေတ်ဖေန်၊ ဗဳယေန်နာမ်၊ မလေဝ်ယှာ၊ ဘရူနာၚ် ကေုာံ ထိုၚ်ဝါန်တံလေဝ် ပါလုပ်ဒၟံၚ်ရ။
ပ္ဍဲဒၞါဲဏံ ပွမဆေၚ်မုက်ဒိဓဗတ်တံဂှ်ဝွံ ယဝ်ရပြံၚ်လှာဲအာလွေဟ် ပဋိပက္ခရပ်လွဟ်တံဂှ်မ္ဂး အမေရိကာန် ကေုာံ ကြုက် ဆေၚ်ကၠုၚ်မုက်ညးသ္ကအ်မာန်ရ။
ၜဳကြုက်သၠုၚ်ကျာ သယံဇာတသဘာဝ ဂၠိုၚ်တုဲ ဒှ်ဂၠံၚ်သွံရာန်ဗၞိက်ဂၠးတိ အဓိကမွဲတၞုၚ်ဂှ် ကြပ်အလုံမွဲဂှ် ကြုက်ဟီု ညးတံပိုၚ်လဝ်ရောၚ် မဒှ်ရ။
ရုၚ်သၞောဝ်ဓဝ် သောၚ်ကလးပရေၚ်ကယျာန်ဓဝါန် ဍုၚ်သ္အာၚ်ဂှ် ဂလာန်ကြုက် ဟီုပ္တိတ်ကၠုၚ် သာ်ဏံဂှ်ဝွံ ဟွံလုပ်သၞောဝ်ပုဟ်ဂှ် သ္ဂုတ်သွာတ်လဝ်ကီုလေဝ် ကြုက် ဟွံသ္ပလဝ်ဂရုရ။