သေအ်ကူ၊ ဂျူလာၚ် ၉
နဒဒှ်ပရေၚ်ပၞာန် ၁၀၂၇ သ္ကုတ် ၂ ဂှ် သီဂွံလဝ် ဗ္ဒိုပ်ဒပ်ကံၚ်ဇြဳပၞာန် နူပွိုၚ်ဍုၚ်သေအ်ကူ ရးမာန္တလေဝ် ၁၁ ဗ္ဒိုပ်ရောၚ် ဂကောံက္ဍိုက်ပ် ဒပ်ပၞာန်စဵုဒၞါညးဍုၚ်ကွာန် (မာန္တလေဝ်) MDY PDF လလောၚ်ပ္တိတ်လဝ်ပရိုၚ် ပ္ဍဲဂိတုဂျူလာၚ် ၈ တေံရ။
ဗ္ဒိုပ်ဗၠာဲသၟိၚ်ယှိုဲပျဳ၊ ဗ္ဒိုပ်ဗၠာဲသၟိၚ်လက်ပါန်လှ၊ ဗ္ဒိုပ်ဒပ် (ကျည်တောက်) ၊ ဗ္ဒိုပ်ဒပ်ကာန်ဒံၚ် ကေုာံ ဗ္ဒိုပ်ဒပ်ပေန်လေဝ်ကျဳ နူပွိုၚ်ဍုၚ်သေအ်ကူတံဂှ် ထပ်သီဂွံလဝ်တုဲ သီဂွံလဝ် ဗ္ဒိုပ်ဒပ် စဵုကဵု ၁၁ ဗ္ဒိုပ်ရ။
အပ္ဍဲပရေၚ်ပၞာန်သေအ်ကူဂှ် လ္ပာ်ကံၚ်ဇြဳပၞာန် ဒုသ္ကိုပ်ဒပ် ပွိုၚ်ဍုၚ်တဗုက်ကျေန် ဒုသ္ကိုပ်ဗိုလ်ဇၞော် လှာၚ်ထောန်အံၚ် မပါလုပ် ၁၅ တၠဂှ် ရပ်ဂွံလဝ်ဂျိုၚ်ၚ်တုဲ ဒပ်ပျူသဝ်ထဳ လုပ်ဖျေံလဝ်လွဟ်တံဂှ်လေဝ် နွံဒၟံၚ်ရောၚ် သ္ဂးရ။
မာန္တလေဝ် PDF ဝွံ ပ္ဍဲပရေၚ်ပၞာန်သေအ်ကူဂှ် ကၠာတဲဏံ သီဂွံလဝ်ဗ္ဒိုပ်ဒပ် ၆ ပါလုပ်သီုကဵုဗ္ဒိုပ်ဒပ်ကွာန်ဒိုဝ်နဲ၊ ဗ္ဒိုပ်ဒပ်ကွာန်နဟာပ်၊ ဗ္ဒိုပ်ဒပ် (မာလဲဆည်ရှင်းလင်းဆောင်) ၊ ဗ္ဒိုပ်ဒပ်စေတဳယှိုဲမာလာ၊ ဗ္ဒိုပ်ဒပ်ယှိုဲဒဝ်လေဝ် ကေုာံ ဗ္ဒိုပ်ဗၠာဲသၟိၚ် နဲယုၚ်တံဂှ်ရောၚ် ပ္ဍဲဂိတုဂျူလာၚ် ၃ တေံ လလောၚ်ပ္တိတ်လဝ်ပရိုၚ်ရ။
အပ္ဍဲပရေၚ်ပၞာန်ဏံ မကမ်လွဟ်လက်နက် နူကဵုဒပ်ကံၚ်ဇြဳပၞာန်တံ မဖျေံလဝ် နကဵုတရဴကျာတံ မပါလုပ် မကမ်လွဟ်လက်နက်တၞဟ်ဟ်တံ ဗွဲမဂၠိုၚ်ဂၠေၚ်ဂှ် သီဂွံလဝ်တုဲ ပွန်ပရေၚ်ပၞာန် စၟတ်လဝ်တံဂှ် ထ္ပက်ပၞာန်ဗ္တိုက်ဒၟံၚ်တံ နွံရောၚ် ကဵုလဝ်သတိရ။
PDF မာန္တလေဝ်ဝွံ နဒဒှ်ပရေၚ်ပၞာန် ၁၀၂၇ သ္ကုတ် ၂ ဂှ် ထ္ပက်ပၞာန်ဗ္တိုက်ဒၟံၚ် ဗ္ဒိုပ်ဒပ်ကံၚ်ဇြဳပၞာန် နူရးမာန္တလေဝ်တံကဵု ရးသေံသ္ကုတ်သၟဝ်ကျာတံ ကရောံဂကောံမဟာမိတ်ကောဒေံပိဂကောံဂှ်ရ။
ပရိုၚ်−သြၚ်လောန်တိုၚ်(မ်)
ဗီု−MDY PDF